ભગવાન શ્રી રામ તેમના ભક્ત હનુમાન વિના અધૂરા છે તો હનુમાનજી પણ તેમના ભગવાન રામ વિના પૂર્ણ નથી. હનુમાન વિના રામાયણ પણ પૂર્ણ માનવામાં આવતી નથી. એમ કહેવું ખોટું નહીં થાય કે આખા રામાયણમાં હનુમાન એક સૌથી મહત્વપૂર્ણ પાત્ર છે.
રામ-રાવણ યુદ્ધમાં હનુમાન એકલા જ હતા જેને કોઈ પ્રકારનું નુકસાન થયું ન હતું. સારું આજે આ આર્ટકીલમાં અમે તમને હનુમાનજી વિશે કેટલીક એવી વાતો જણાવીશું જેના વિશે તમે ભાગ્યે જ જાણતા હશો. તો ચાલો જાણીએ હનુમાનજી ના રહસ્યો વિશે…
જાણો કોણ હનુમાનના ગુરુ હતા
ખરેખરતો પવનપુત્ર હનુમાનના ઘણા ગુરુ હતા જેમાંથી ભગવાન સૂર્ય અને નારદ મુનિ મુખ્ય છે. પરંતુ આ સિવાય હનુમાને માતંગ મુનિ પાસેથી પણ શિક્ષણ મેળવ્યું હતું. ઋષિ માતંગ ભગવાન શ્રી રામના ભક્ત સબરીના ગુરુ પણ હતા. એવું માનવામાં આવે છે કે હનુમાનનો જન્મ પણ ઋષિ માતંગના આશ્રમમાં થયો હતો.
જ્યારે પોતાનાજ પ્રભુ સાથે યુધ્ધ માં ઉતર્યા હતા હનુમાન
તમે આ સાંભળી ને આશ્ચર્ય પામશો પણ તેજ સાચું છે કે એકવાર હનુમાનજી અને પ્રભુ શ્રીરામ પણ લડ્યા હતા. ખરેખર ગુરુ વિશ્વામિત્રે શ્રીરામને રાજા યયાતિની હત્યા કરવાનો આદેશ આપ્યો. આ સાંભળીને યયાતિ સંરક્ષણની ભીખ માંગીને હનુમાનની માતા અંજનીના આશ્રયમાં ગયા. આ પછી માતાના આદેશો મળતાં જ હનુમાન યયાતિની રક્ષા માટે ભગવાન રામ સાથે યુદ્ધ કરવા ગયા.
જો કે આ યુદ્ધમાં હનુમાનજીએ શસ્ત્ર ઉપાડ્યું ન હતું પરંતુ તેણે ભગવાન રામનો જાપ શરૂ કર્યો હતો શ્રી રામે હનુમાન ઉપર જે તીર ચલાવ્યા હતા તે બધાં નિરર્થક થઈ ગયા હતા. હનુમાનની આ અનંત ભક્તિ જોઈને ભગવાન રામ અને ગુરુ વિશ્વામિત્રને મંત્રમુગ્ધ થઈ ગયા અને અંતે યુદ્ધ બંધ થઈ ગયું. આ રીતે રાજા યયાતીને નવું જીવન મળ્યું.
હનુમાન અને ભીમ ભાઈઓ હતા.
તમે વિચારતા જ હશો કે હનુમાન અને ભીમ ભાઈઓ કેવી રીતે હોય શકે. બંનેની યુગમાં હજારો વર્ષોનો તફાવત છે પરંતુ તમને જણાવી દઈએ કે હનુમાન અને ભીમ બંને પવન દેવના પુત્રો છે. માતા કુંતીએ પવન દેવના આશીર્વાદથી જ ભીમની પ્રાપ્તિ કરી હતી. વળી બંને અત્યંત શક્તિશાળી હતા.એવું કહેવામાં આવે છે કે ભીમ પાસે એક હજાર હાથીઓની શક્તિ હતી અને મહાભારતના સમયમાં તેમના જેવા તેમના શક્તિશાળી યોદ્ધા માત્ર તેમના પુત્ર ઘટોતકચ હતા.
હનુમાન મા દુર્ગાના પ્રબળ ભક્ત હતા
ભગવાન રામની જેમ હનુમાન માતા જગદંબાના વિશિષ્ટ ભક્ત હતા. એવું માનવામાં આવે છે કે તેમની સેવા માટે હનુમાન હમેશા આગળ હોય છે અને ભૈરવ તેની પાછળ હોય છે. આ જ કારણ છે કે મા જગદંબાના તમામ મંદિરોમાં હનુમાનની મૂર્તિ ચોક્કસપણે હાજર છે.
તમને આ રહસ્ય વિશે ભાગ્યે જ ખબર હશે
એવી દંતકથા છે કે રાવણે માતા જગદંબાને પ્રસન્ન કરવા અને રામ સાથેના યુદ્ધમાં વિજય મેળવવા માટે યજ્ઞ કર્યો હતો. આ યજ્ઞમાં રાવણે ખૂબ ઉચ્ચ ગુણવત્તાવાળા બ્રાહ્મણો બોલાવ્યા હતા. આવામાં જ્યારે હનુમાનને આ વિશે જાણ થઈ ત્યારે તેણે પોતાનો વેશ બદલીને લંકામાં પ્રવેશ કર્યો અને યજ્ઞ કરી રહેલા બ્રાહ્મણોની ખૂબ સેવા કરી.
હનુમાનની સેવા જોઈને બ્રાહ્મણોએ તેમને વરદાન માંગવાનું કહ્યું તો હનુમાનજીએ મંત્રમાં એક શબ્દ બદલાવી નાખ્યો. આ પછી બ્રાહ્મણોએ ખોટા મંત્રનો જાપ કર્યો અને તેના કારણે માતા જગદંબા ક્રોધિત થઈ અને રાવણને હારનો સામનો કરવો પડ્યો.
0 Comments