હિમાચલ પ્રદેશના યુવા ફાસ્ટ બોલર સિદ્ધાર્થ શર્માનું વડોદરાની હોસ્પિટલમાં નિધન થયું છે. સિદ્ધાર્થ શર્માએ હિમાચલ પ્રદેશ માટે છ ફર્સ્ટ ક્લાસ, છ લિસ્ટ એ અને એક ટી-20 મેચ રમી હતી. ફર્સ્ટ ક્લાસ મેચોમાં સિદ્ધાર્થે 22.20ની એવરેજથી 25 વિકેટ લીધી હતી. આ સાથે જ લિસ્ટ-Aમાં તેના નામે આઠ વિકેટ છે.
ભારતીય ક્રિકેટમાંથી એક દુઃખદ સમાચાર સામે આવ્યા છે. હિમાચલ પ્રદેશના યુવા ફાસ્ટ બોલર સિદ્ધાર્થ શર્માનું વડોદરાની હોસ્પિટલમાં નિધન થયું છે. હિમાચલ પ્રદેશ ક્રિકેટ એસોસિએશન (HPCA)ના એક વરિષ્ઠ અધિકારીએ સિદ્ધાર્થ શર્માના મૃત્યુની પુષ્ટિ કરી. 28 વર્ષનો સિદ્ધાર્થ શર્મા 2021-22માં વિજય હજારે ટ્રોફી જીતનાર હિમાચલ ટીમનો સભ્ય હતો.
HPCA સેક્રેટરી અવનીશ પરમારે ન્યૂઝ એજન્સી પીટીઆઈને કહ્યું, 'હિમાચલ પ્રદેશ ક્રિકેટ એસોસિએશનના તમામ લોકો શોકમાં ડૂબી ગયા છે. સિદ્ધાર્થ ગુરુવારે અમને છોડીને ગયો તે છેલ્લા કેટલાક દિવસોથી વેન્ટિલેટર પર હતો. બરોડા સામેની છેલ્લી મેચમાં તે અમારી ટીમમાં હતો. મેચ પહેલા તેને ઉલ્ટી થવા લાગી હતી અને પેશાબ કરવામાં તકલીફ પડી હતી. તેને હોસ્પિટલમાં લઈ જવામાં આવ્યો જ્યાં તેની તબિયત વધુ ખરાબ થઈ ગઈ.
હિમાચલ પ્રદેશના મુખ્યમંત્રી સુખવિંદર સિંહ સુખુએ તેમના નિધન પર શોક વ્યક્ત કર્યો છે. તેણે ટ્વિટ કર્યું, 'હિમાચલ પ્રદેશની વિજય હજારે ટ્રોફી વિજેતા ટીમના સભ્ય સિદ્ધાર્થ શર્માના નિધનના સમાચારથી હું દુ:ખી છું. ભગવાન તેમના આત્માને શાંતિ આપે અને પરિવારને આ દુઃખ સહન કરવાની શક્તિ આપે.
સિદ્ધાર્થના પરિવારમાં માતા-પિતા અને ભાઈઓ છે. બંને ભાઈઓ કેનેડામાં રહે છે જ્યાંથી ઘરે પરત ફર્યા બાદ સિદ્ધાર્થ શર્માના અંતિમ સંસ્કાર કરવામાં આવ્યા હતા. સિદ્ધાર્થ શર્માએ ગયા વર્ષે ડિસેમ્બરમાં ઈડન ગાર્ડન્સ મેદાન પર બંગાળ સામેની રણજી ટ્રોફી મેચમાં કુલ સાત વિકેટ લીધી હતી. સિદ્ધાર્થ શર્માએ હિમાચલ પ્રદેશ માટે છ ફર્સ્ટ ક્લાસ, છ લિસ્ટ એ અને એક ટી-20 મેચ રમી હતી.
ફર્સ્ટ ક્લાસ મેચોમાં સિદ્ધાર્થે 22.20ની એવરેજથી 25 વિકેટ લીધી હતી. આ દરમિયાન ઇનિંગ્સમાં તેનું સર્વશ્રેષ્ઠ પ્રદર્શન 69 રનમાં પાંચ વિકેટ હતું. લિસ્ટ-એ મેચોમાં સિદ્ધાર્થે 27.75ની એવરેજથી આઠ વિકેટ લીધી હતી. આ દરમિયાન તેનું સર્વશ્રેષ્ઠ પ્રદર્શન 26 રનમાં બે વિકેટ હતું. સિદ્ધાર્થ ટી20માં એકપણ વિકેટ લઈ શક્યો ન હતો.
0 Comments