તમને મટુકનાથ અને જુલીની લવ સ્ટોરી તો યાદ જ હશે. હવે બિલકુલ એવી જ પ્રેમ કહાની ફરી બિહારમાં સામે આવી છે. મામલો સમસ્તીપુરનો છે જ્યાં 42 વર્ષીય કોચિંગ ટીચરે પોતાની જ વિદ્યાર્થીની સાથે લગ્ન કર્યા. બંનેની ઉંમરમાં લગભગ 22 વર્ષનો તફાવત છે.
કહેવાય છે કે પ્રેમ ન ઉંમર જોઈને થાય છે ન તો ઘર-બાર… તે ક્યારે અને કોની સાથે થશે તેની કોઈને ખબર નથી. બિહારના સમસ્તીપુરમાં આવો જ એક ચોંકાવનારો કિસ્સો સામે આવ્યો છે. જ્યાં કોચિંગમાં ભણાવતા 42 વર્ષીય શિક્ષકને તેની 20 વર્ષની વિદ્યાર્થીની સાથે પ્રેમ થઈ ગયો. ભણતી વખતે બંને વચ્ચે આંખો લડાઈ અને પછી વાત લગ્ન સુધી પહોંચી ગઈ. આખરે 42 વર્ષીય શિક્ષકે તેની વિદ્યાર્થીની સાથે મંદિરમાં લગ્ન કર્યા. જેનો વીડિયો ઝડપથી વાયરલ થઈ રહ્યો છે.
કોચિંગમાં ભણતાં આંખો થઇ ચાર, પછી થયાં લગ્ન
વિચિત્ર પ્રેમની આ અદ્ભુત કહાની સમસ્તીપુરના રોસડાની કહેવામાં આવી રહી છે. જણાવવામાં આવી રહ્યું છે કે 20 વર્ષની શ્વેતા કુમારી રોસડા બજારમાં સ્થિત સંગીત કુમારના કોચિંગમાં અંગ્રેજીનો અભ્યાસ કરતી હતી. અહીં જ બંનેની આંખો મળી. પછી શું હતું ઉંમરમાં 22 વર્ષનો તફાવત હોવા છતાં બંનેએ લગ્ન કરવાનો નિર્ણય લીધો હતો. અંતે તેઓએ રોસડા થાણેશ્વર મંદિરમાં લગ્ન કરી લીધા.
સમસ્તીપુરમાં મટુકનાથ-જુલી જેવી લવસ્ટોરી
શિક્ષક અને વિદ્યાર્થીના લગ્નનો વીડિયો પણ સામે આવ્યો છે જે ઝડપથી વાયરલ થઈ રહ્યો છે. આ વાયરલ વીડિયોમાં તેમની વચ્ચે સારી કેમેસ્ટ્રી જોવા મળી હતી. દુલ્હન બનેલી છોકરી પણ ખુશ છે જ્યારે ટીચર-વર પણ વચ્ચે-વચ્ચે હસતો-મુસ્કુરાતો જોવા મળે છે. આ લગ્નની સાથે જ બિહારમાં મટુકનાથ અને જુલી જેવી લવસ્ટોરીની ચર્ચા ફરી શરૂ થઈ ગઈ.
શિક્ષક અને વિદ્યાર્થીની ઉંમરમાં 22 વર્ષનો તફાવત
સમસ્તીપુરમાં યોજાયેલા આ લગ્નમાં બંનેની ઉંમરમાં 22 વર્ષનો તફાવત છે. પહેલા તેઓએ મંદિરમાં લગ્ન કર્યા પછી તેને કાયદાકીય માન્યતા આપવા માટે કોર્ટ મેરેજ પણ કર્યા. મળતી માહિતી મુજબ બંને રોસડા બજારના રહેવાસી છે. તેના ઘરનું અંતર પણ વધારે નહોતું.
થોડે જ દૂર છે બંનેના ઘર
લગભગ એક કિલોમીટરની અંદરજ બંનેના ઘર છે. મળતી માહિતી મુજબ શિક્ષક પહેલાથી જ પરિણીત હતો પરંતુ તેની પત્નીનું ઘણા વર્ષો પહેલા અવસાન થઈ ગયું હતું. પછી કોચિંગની શ્વેતા સાથે ટીચરને પ્રેમ થઈ ગયો અને હવે બંનેએ લગ્ન પણ કરી લીધા. આસપાસના લોકો પણ આ લગ્નના સાક્ષી બન્યા.
42 વર્ષના શિક્ષકને 20 વર્ષની વિદ્યાર્થીની સાથે થયો પ્રેમ, જુઓ તેમના લગ્નનો વીડિયો
0 Comments