દરેક વ્યક્તિ ઈચ્છે છે કે તેનું આવનારું વર્ષ ઘણું સારું રહે. આ સાથે તેને નાણાકીય મુશ્કેલીઓનો સામનો કરવો ન પડે. અહીં કેટલીક વાસ્તુ ટિપ્સ આપવામાં આવી છે જેનો ઉપયોગ કરીને તમે તમારા આવનારા વર્ષને ખુશહાલ બનાવી શકો છો.
આ વર્ષના અંતમાં (2022) માત્ર થોડા દિવસો બાકી છે. દરેક વ્યક્તિ ઈચ્છે છે કે તેનું આવનારું વર્ષ તેના પાછલા વર્ષ કરતા સારું રહે. કોરોનાના કારણે વર્ષ 2022માં લોકોને ઘણી સમસ્યાઓનો સામનો કરવો પડ્યો હતો. મોંઘવારીના કારણે આ વર્ષે અનેક લોકોના જીવન ગરીબીમાં પસાર થયા છે. અહીં કેટલીક વાસ્તુ ટિપ્સ છે જે તમારું નવું વર્ષ ખુશનુમા બનાવી દેશે. તેનાથી તમારી સંપત્તિમાં તો વધારો થશે જ પરંતુ ઘરમાં સુખ-શાંતિનું વાતાવરણ પણ બની રહેશે.
ઘરના મુખ્ય દ્વાર પર લગાવો ઘોડાની નાળ
વાસ્તુશાસ્ત્રમાં ઘોડાની નાળને ખૂબ જ શુભ માનવામાં આવે છે. તેને ઘરમાં રાખવાથી ઘરમાંથી નકારાત્મક ઉર્જા દૂર થાય છે અને આખા ઘરમાં સકારાત્મક ઉર્જા ફેલાય છે. તેનાથી ઘરમાં ખુશીઓ આવે છે. ઘરના મુખ્ય દ્વાર પર ઘોડાની નાળ લગાવવાથી કાળી શક્તિઓ ઘરથી દૂર રહે છે.
ઘરમાં લગાવો ઘણા અરીસાઓ
વાસ્તુશાસ્ત્રના નિષ્ણાતોના મતે ઘરની પ્રગતિ માટે કાચ ખૂબ જ અસરકારક છે. આ સાથે યોગ્ય અરીસાની પસંદગી કરવી પણ ખૂબ જ મહત્વપૂર્ણ છે. ઘરમાં નવો અરીસો નવા વર્ષમાં તમને નવી ખુશીઓનું દર્શન કરાવશે. તેનાથી ઘરમાં સમૃદ્ધિ આવે છે.
ઘરમાં વાવો વાંસનો છોડ
વાસ્તુશાસ્ત્રના નિષ્ણાતોનું કહેવું છે કે વાંસનો છોડ તેના લાંબા આયુષ્ય માટે જાણીતો છે. આ વર્ષની શરૂઆતમાં ઘરમાં વાંસનો છોડ લાવો. તેનાથી ઘરમાં સુખ-સમૃદ્ધિ આવે છે. વાંસનો છોડ ઘરની સકારાત્મક ઉર્જા જાળવી રાખે છે. આ સાથે તે ઘરમાં ધનને આકર્ષે છે.
0 Comments