બોલીવુડ અભિનેતા રણબીર કપૂર અને અભિનેત્રી આલિયા ભટ્ટ તાજેતરમાં માતા-પિતા બન્યા છે. અભિનેત્રી આલિયા ભટ્ટે 6 નવેમ્બરે મુંબઈની રિલાયન્સ હોસ્પિટલમાં પુત્રીને જન્મ આપ્યો હતો. તે જ સમયે બોલિવૂડના અન્ય કપલના ઘરે પણ કિલકરી ગૂંજી રહી છે. હવે બિપાશા બસુ અને કરણ સિંહ ગ્રોવર પણ પેરેન્ટ્સ બની ગયા છે.
બિપાશા બાસુએ 12 નવેમ્બરના રોજ પુત્રીને જન્મ આપ્યો હતો. આ સમાચાર સામે આવતા જ ફેન્સ અને સેલેબ્સે બિપાશા અને કરણ સિંહ ગ્રોવરને અભિનંદનના મેસેજ મોકલવાનું શરૂ કરી દીધું હતું. માતા બન્યા બાદ અભિનેત્રીએ તેની પુત્રીની ઝલક પણ દેખાડી છે અને તેણે ચાહકો સાથે આ ગુડ ન્યુઝ પણ શેર કર્યા છે. આ સાથે કપલે દીકરીનું નામ પણ જાહેર કરી દીધું.
દીકરીનું નામ રાખ્યું 'દેવી'
માતા બન્યા બાદ બિપાશા બાસુએ પોતાના ઈન્સ્ટાગ્રામ એકાઉન્ટ પરથી એક તસવીર શેર કરી છે. તસવીર શેર કરતા બિપાશાએ કેપ્શન આપ્યું છે "ખુશી". માતા બન્યા બાદ તેણે એક નોટ શેર કરી છે. આમાં કરણ અને બિપાશાની દીકરીના પગ દેખાઈ રહ્યા છે. કરણે દીકરીના પગ પોતાના હાથમાં લીધા છે.
પ્રથમ તારીખ 12.11. 22 લખેલ છે. આ પછી કપલની દીકરીનું નામ લખેલું છે. દંપતીએ તેમની પુત્રીનું નામ 'દેવી બસુ સિંહ ગ્રોવર' રાખ્યું છે. તેની નીચે લખ્યું છે કે "અમારા પ્રેમ અને માતાના આશીર્વાદથી આજે અમારી પુત્રી અમારી સાથે છે અને તે એક દેવી છે. આ પોસ્ટને શેર કરતા બિપાશાએ કેપ્શનમાં લખ્યું "સૌભાગ્યશાળી".
સેલેબ્સે પાઠવ્યા અભિનંદન
ચાહકોની સાથે બોલિવૂડ સેલેબ્સે પણ બિપાશાની પોસ્ટ પર કોમેન્ટ કરીને તેને અભિનંદન પાઠવ્યા છે. અભિનેત્રી દિયા મિર્ઝા માટે એ લખ્યું "આ દુનિયામાં તમારું સ્વાગત છે નન્હી સી. હંમેશા પ્રેમ અને વધુ પ્રેમથી પ્રેમ કરો! તમને મળવારાહ નથી જોઈ શકતી. તમને ઘણા બધા આશીર્વાદ." મલાઈકા અરોરાએ લખ્યું કે “અભિનંદન પ્રિય બિપાશા અને કરણ. આટલું સુંદર નામ"
સોનમ કપૂરે લખ્યું “અભિનંદન ડાર્લિંગ બિપાશા. કેટલું સુંદર નામ છે." સોફી ચૌધરીએ લખ્યું " અત્યાર સુધીના સૌથી શ્રેષ્ઠ સમાચાર !! મિત્રો તમારા માટે ખૂબ જ રોમાંચિત !!!!! ભગવાન તમારી નાની પરીને આશીર્વાદ આપે. @bipashabasu @iamksgofficial”. શમિતા શેટ્ટીએ લખ્યું "અભિનંદન".
પ્રખ્યાત કોમેડિયન કપિલ શર્માએ લખ્યું "મમ્મી પાપાને અભિનંદન અને નાની ગુડિયાને ખૂબ પ્રેમ. ભગવાન સુંદર પરિવારને આશીર્વાદ આપે." કોમેડિયન કૃષ્ણા અભિષેકની બહેન આરતી સિંહે હાર્ટ ઇમોજી સાથે લખ્યું "દેવી". હેરડ્રેસર અલીમ હકીમે કોમેન્ટ કરી “તમારા બંને સુંદર દંપતી @bipashabasu @iamksgofficialને ખૂબ ખૂબ અભિનંદન…. પરી દુનિયામાં આપનું સ્વાગત છે”.
0 Comments