- દરેકના જીવનમાં ટેન્શન હોય છે. પરંતુ આનો અર્થ એ નથી કે તમે સમસ્યાઓથી છૂટકારો મેળવવા માટે તમારું પોતાનું જીવન જ સમાપ્ત કરી દો. ઘણા લોકો પોતાની સમસ્યાઓથી છુટકારો મેળવવા માટે આત્મહત્યાનો આશરો લે છે. ત્યારે કેટલાક એવા પણ હોય છે જે પોતે તો મરે જ છે પરંતુ તેની સાથે પોતાના બાળકોને પણ મોતના મુખમાં ધકેલી દે છે. જ્યારે તે નિર્દોષનો તો આમાં કોઈ વાંક પણ નથી હોતો.
- બાળક સાથે નદીમાં કૂદવાની મહિલા
- આજે અમે તમને આવી જ એક માતાનો પરિચય કરાવવા જઈ રહ્યા છીએ જે પોતાના માસૂમ બાળકને નદીમાં ફેંકી દેવાની હતી. આ પછી તે પોતે પણ નદીમાં કૂદી જવાની હતી. કદાચ આ સ્ત્રી તેના અંગત જીવનમાં કોઈક વાતથી કંટાળી ગઈ હતી. તેથી તે એક મોટા પુલ પરથી નદીમાં કૂદવા માંગતી હતી. જોકે ભગવાને તે બાળક અને મહિલાનો જીવ બચાવ્યો હતો. તેમને બચાવવા માટે તેમનો એક દેવદૂત મોકલ્યો.
- હકીકતમાં આ દિવસોમાં એક મહિલાના આત્મહત્યાના પ્રયાસનો વીડિયો સોશિયલ મીડિયા પર ખૂબ વાયરલ થઈ રહ્યો છે. આ વીડિયોમાં જોઈ શકાય છે કે એક મહિલા તેના નાના બાળક સાથે પુલ પર ચાલી રહી છે. પછી તેના મગજમાં કંઈક આવે છે અને તે બાળકને કલ્વર્ટ પર બનેલી રેલિંગ પર ઉભી કરી દે છે. મહિલાના આ કૃત્યથી બાળક પણ ડરી જાય છે. તે પણ સમજે છે કે માતા તેને નીચે ફેંકવા જઈ રહી છે.
- બસ ડરાઇવરે આ રીતે બચાવ્યા
- જો કે ત્યારે જ એક બસ ત્યાંથી પસાર થઈ રહી છે. આ બસ ડ્રાઈવર તરત જ તેની બસ રોકે છે. અને ઝડપથી બાળક અને મહિલાને બચાવવા દોડે છે. તે બાળકને તેના હાથમાં લઈને બસમાં ચડી જાય છે. તે જ સમયે અન્ય એક વ્યક્તિ મહિલાને આત્મહત્યા કરતા રોકે છે અને તેને પણ બસમાં બેસાડે છે.
- આ સમગ્ર ઘટના બસમાં લાગેલા સીસીટીવી કેમેરામાં કેદ થઈ ગઈ છે. એક બસ ડ્રાઈવરે પોતાની બુદ્ધિમત્તા અને ચપળતાથી બે જીવ બચાવ્યા. હવે બધા આ બસ ડ્રાઈવરને હીરો કહી રહ્યા છે. આ વીડિયોને ટ્વિટર પર @TheFigen_ નામના એકાઉન્ટ દ્વારા શેર કરવામાં આવ્યો છે. વીડિયો જોયા બાદ લોકો પોતાની અલગ-અલગ પ્રતિક્રિયાઓ પણ આપી રહ્યા છે. કેટલાકે ડ્રાઇવરને ભગવાનનો દેવદૂત કહ્યો તો કેટલાકે માતાને એ કહેવા લાગ્યા કે તે બાળકનું જીવન કેમ ખતમ કરી રહી હતી.
- અહીં જુઓ વિડિયો-
Hero Driver pic.twitter.com/FLEY85d6yY
— Figen (@TheFigen_) November 11, 2022
- સારું આ સમગ્ર મામલે તમારો શું અભિપ્રાય છે? તમારા જવાબો અમને કોમેન્ટ કરીને જરૂર જણાવો.
0 Comments