ટીમ ઈન્ડિયાના મુખ્ય કોચ રાહુલ દ્રવિડે પુષ્ટિ કરી છે કે T20 વર્લ્ડ કપ 22ની બીજી સેમિફાઈનલમાં ભારતીય ટીમમાં ફેરફાર જોવા મળશે કારણ કે એડિલેડની પિચ અલગ નજર આવી રહી છે.
ભારતીય ક્રિકેટ ટીમના કોચ રાહુલ દ્રવિડે સ્વીકાર્યું છે કે તે ICC મેન્સ T20 વર્લ્ડ કપ 2022માં ઈંગ્લેન્ડ સામેની આગામી સેમીફાઈનલ માટે તેની પ્લેઈંગ ઈલેવનમાં બદલાવ કરવાનું વિચારશે. દ્રવિડની ટીમ રવિવારે સુપર 12ની છેલ્લી મેચમાં ઝિમ્બાબ્વે સામે 71 રને આસાન જીત સાથે ગ્રુપ 2 પોઈન્ટ ટેબલમાં ટોપ પર છે. ભારતે ઈંગ્લેન્ડ સામે સેમીફાઈનલ રમવાની છે.
જોસ બટલરની આગેવાની હેઠળની ઈંગ્લેન્ડની ટીમનો મુકાબલો કરવા માટે ભારત ગુરુવારે એડિલેડ જશે. અગાઉ દ્રવિડે કહ્યું હતું કે તે મેચ માટે ચોક્કસ XI પસંદ કરશે જે તેને લાગે છે કે તે સંજોગોને અનુરૂપ હશે. આનો અર્થ એ છે કે અનુભવી લેગ-સ્પિનર યુઝવેન્દ્ર ચહલને એડિલેડ ઓવલ ખાતે પ્રથમ વખત ટૂર્નામેન્ટમાં રમવાની તક મળે તેવી શક્યતા છે. આ પીચ ધીમી બોલિંગને અનુકૂળ છે.
અનુભવી વિકેટ કીપર બેટ્સમેન દિનેશ કાર્તિક પણ ઝિમ્બાબ્વે સામે રમનાર ઋષભ પંતની જગ્યાએ વાપસી કરી શકે છે. એડિલેડ જતા પહેલા અને ઝિમ્બાબ્વે સામેની મેચ બાદ રાહુલ દ્રવિડે કહ્યું "મને લાગે છે કે અમારી પાસે 15માં દરેકના વિશે સંપૂર્ણ રીતે ખુલ્લું મન છે. અમે માનીએ છીએ કે 15માં જે પણ હશે તે સંભવિતપણે અમને નબળા નહીં બનાવે અમે જે પ્રકારની ટીમ પસંદ કરી છે. "
તેને આગળ કહ્યું "હું ફરીથી કહું છું કે આપણે ત્યાં જઈને જોવું પડશે. મેં આજે (એડીલેડમાં) થોડી મેચો જોઈ અને મને ખબર છે કે પીચ ધીમી હતી અને તેમાં ગ્રીપ હશે અને થોડો ટર્ન મળશે. અમે એડિલેડમાં સંપૂર્ણપણે નવી પિચ પર રમી રહ્યા હોઈશું અને સાચું કહું તો બાંગ્લાદેશ સામે અમે જે પીચ રમી હતી તેમાં બોલ સ્પિન થાય છે. તે એક અલગ વિકેટ હતી અને તે એડિલેડમાં પણ રમાઈ હતી."
0 Comments