પોતાની જાત સાથે લગ્ન કરીને લાઇમલાઇટમાં આવેલી ફેમસ એક્ટ્રેસ કનિષ્કા સોની ફરી એકવાર ચર્ચામાં છે. જણાવી એ કે કનિષ્કા સોનીએ પોતાના કરિયરમાં 'દિયા ઔર બાતી હમ' જેવી લોકપ્રિય ટીવી સિરિયલમાં કામ કર્યું છે. હાલમાં જ તેણે પોતાની સાથે લગ્ન કરવાની જાહેરાત કરી હતી અને આ દરમિયાન તેની તસવીરોની સોશિયલ મીડિયા પર ખૂબ ચર્ચા થઈ હતી.
હવે તાજેતરમાં તેના પાછલા જીવનના દિવસોને યાદ કરીને અભિનેત્રીએ તેના ભૂતકાળની વાત કરી. અભિનેત્રીનું કહેવું છે કે શ્રદ્ધાની જેમ તે પણ એક રિલેશનશિપમાં હતી જેમાં તેણે ઘણું સહન કર્યું હતું. આ પછી તે કોઈ રીતે તે વ્યક્તિથી છૂટકારો મેળવવામાં સફળ રહી.
શ્રદ્ધા જેવી જ છે કનિષ્કાની સ્ટોરી
ઉલ્લેખનીય છે કે આ દિવસોમાં શ્રદ્ધા વાલકર હત્યા કેસ દેશમાં ચર્ચામાં છે. આ કેસનો ગુનેગાર આફતાબ પોલીસ કસ્ટડીમાં છે. તે જ સમયે આ મામલાને લઈને દેશભરમાં ગુસ્સો જોવા મળી રહ્યો છે. લોકો આરોપીઓને ફાંસીની સજાની માંગ કરી રહ્યા છે. આવી સ્થિતિમાં ટીવી ઈન્ડસ્ટ્રીથી લઈને બોલિવૂડ સેલેબ્સે પણ આ મામલે નારાજગી વ્યક્ત કરી છે. આ દરમિયાન અભિનેત્રી કનિષ્કા સોનીએ આ બાબતે વાત કરી અને કહ્યું કે તેને પણ શ્રદ્ધા જેવો લિવ-ઈન પાર્ટનર મળ્યો હતો જેણે તેની સાથે મારપીટ પણ કરી હતી.
અભિનેત્રીએ કહ્યું “હું શ્રદ્ધાની કહાની સાથે સંબંધ રાખી શકું છું. મને યાદ છે કે મને પ્રપોઝ કરતી વખતે એક્ટરે લગ્નની વાત કરી હતી. જ્યારે હું તેની સાથે સંબંધમાં હતી ત્યારે મેં તેના ગુસ્સાની સમસ્યાઓ, હિંસક સ્વભાવ અને દારૂ પીવાની આદતોનો સામનો કર્યો હતો. મને લાગતું હતું કે લગ્ન પછી કદાચ સુધારો થશે. હું મોટાભાગનો સમય તેમના ઘરે જ પસાર કરતી હતી. તે મને લિવ ઇન રિલેશનશિપમાં રહેવા માટે કહેતો હતો. જો કે હું જ્યાંથી આવું છું ત્યાં તેની મંજૂરી નથી અને હું પોતે ક્યારેય લિવ-ઇન રિલેશનશિપના પક્ષમાં નથી રહી."
રાત્રે મારતો હતો
પોતાની પીડા વ્યક્ત કરતાં અભિનેત્રીએ કહ્યું “હું મોટાભાગે તેમના ઘરે જ રહેતી હતી કારણ કે આશા હતી કે અમે લગ્ન કરીશું. એક દિવસ જ્યારે મેં તેને પૂછ્યું કે આપણે ક્યારે લગ્ન કરી રહ્યા છીએ. હું તેની સાથે માત્ર એટલા માટે જ રહેતી હતી કારણ કે તેણે કહ્યું હતું કે તે જલ્દી લગ્ન કરશે. મેં તેની સાથે ઘણા સપના જોયા હતા.
મારા સવાલ પર તેને ગુસ્સો આવ્યો અને તે રાત્રે તેણે મને ખૂબ મારી હતી. તે સમયે મારા મનમાં ડર હતો કે તે મને ગમે ત્યારે મારી શકે છે. હું તે જ રાત્રે મારા કેટલોક સામાન લઈને તેના ઘરેથી ભાગી ગઈ હતી. પ્રેમમાં મેં છોકરાઓનું આ એકમાત્ર હિંસક સ્વરૂપ જોયુ છે.
અભિનેત્રી અહીં જ અટકી ન હતી. તેણીએ આગળ કહ્યું “મને નથી લાગતું કે આપણા દેશમાં છોકરીઓ લિવ ઇન રિલેશનશિપ પર એટલા માટે જાય છે કારણ કે તેણે તે વ્યક્તિ સાથે પોતાનું જીવન વીતાવવું હોય છે. તે ટાઈમ પાસ માટે લિવ ઇન જેવો મોટો નિર્ણય નહીં લે. આપણા દેશમાં જે વાતાવરણ છે ત્યાં આ કિસ્સાનું માત્ર પોતાના સ્વાર્થ માટે અર્થઘટન કરવામાં આવી રહ્યું છે. હું લિવ-ઇન પર છોકરીઓને પણ એ જ અભિપ્રાય આપવા માંગુ છું કે ભલે વાતાવરણ બદલાઈ ગયું હોય પરંતુ જ્યાં સુધી તમે તે વ્યક્તિને સંપૂર્ણ રીતે ઓળખો નહીં ત્યાં સુધી આ નિર્ણય ન લો.
આ શોમાં કામ કરી ચુકી છે કનિષ્કા સોની
તમને જણાવી દઈએ કે કનિષ્કા સોનીએ પોતાના કરિયરમાં 'પવિત્ર રિશ્તા', 'દેવી આદિ પરાશક્તિ' જેવી ઘણી લોકપ્રિય ટીવી સીરિયલ્સમાં કામ કર્યું છે. તે ઘણીવાર પોતાના અંગત જીવનને લઈને ચર્ચામાં રહે છે. આ સિવાય કનિષ્લા સોશિયલ મીડિયા પર પણ ખૂબ એક્ટિવ છે. હાલમાં જ તેની પ્રેગ્નન્સીના સમાચાર પણ સામે આવ્યા હતા જોકે બાદમાં તેણે જણાવ્યું કે તેનું વજન વધી ગયું છે.
0 Comments