ફાઇનાન્સ સેક્ટરની દિગ્ગજ લીઝિંગ ફાઇનાન્સ એન્ડ ઇન્વેસ્ટમેન્ટ કંપનીનો શેર રોકાણકારો માટે મલ્ટીબેગર સાબિત થયો છે. એક સમયે આ શેરનો ભાવ ફક્ત 1 રૂપિયામાં ટ્રેડ થતો હતો તે વર્તમાન સમયમાં 9.25 રૂપિયા થઈ ગયો છે. છેલ્લા પાંચ વર્ષના સમયગાળામાં લીઝિંગ ફાઇનાન્સે લગભગ 781 ટકા વળતર આપીને તેના રોકાણકારોને માલામાલ કરી દીધા છે.
લીઝિંગ ફાઇનાન્સ અને ઇન્વેસ્ટમેન્ટ કંપનીના શેરો રૂ. 17.38ના ભાવ સાથે નાણાકીય વર્ષ 2022-23ની રેકોર્ડ ટોચે પહોંચ્યા હતા. કંપનીનો સ્ટોક 22 સપ્ટેમ્બર 2022ના રોજ એક્સ-પ્લિટ થઈ ગયો હતો. તેથી શેરની આ કિંમત 1:10 ના રેશિયોમાં કંપની દ્વારા જાહેર કરાયેલ સ્ટોક સ્પ્લિટને સામેલ કરીને જણાવવામાં આવી છે.
સપ્ટેમ્બરમાં કંપનીના થયા શેર સ્પ્લિટ
આ મલ્ટિબેગર પેની સ્ટોક આ વર્ષે સપ્ટેમ્બરમાં એક્સ સ્પ્લિટ થઈ ગયા હતા. બોર્ડ ઓફ ડિરેક્ટર્સે BSE પર લિસ્ટેડ આ કંપનીના શેરને રૂ. 10 ફેસ વેલ્યુથી રૂ. 1 ફેસ વેલ્યુ શેરમાં વિભાજિત કરવાનો નિર્ણય લીધો હતો. આ સ્ટૉકની 52 સપ્તાહની ઊંચી સપાટી 17.38 રૂપિયા છે અને 52 સપ્તાહની નીચી કિંમત 4.23 રૂપિયા છે.
શું રહી કંપનીના શેરની કિંમત
લીઝિંગ ફાઇનાન્સ એન્ડ ઇન્વેસ્ટમેન્ટ કંપનીએ છેલ્લા એક મહિનામાં તેના રોકાણકારોને 25 ટકા અને છ મહિનાના સમયગાળામાં 36 ટકા વળતર આપ્યું છે. તે જ સમયે છેલ્લા એક વર્ષમાં તેના શેરોએ રોકાણકારોને 3 ટકા વળતર આપ્યું છે. લીઝિંગ ફાઇનાન્સ એન્ડ ઇન્વેસ્ટમેન્ટ કંપની એક સ્મોલકેપ કંપની છે જેનો માર્કેટ કેપ આશરે રૂ. 50 કરોડ છે.
0 Comments