એમએસ ધોનીએ ખરીદી આ ઇલેક્ટ્રિક કાર? ફુલ ચાર્જમાં પહોંચશે રાંચીથી નેપાળ, ચાલે છે 700KM

• પૂર્વ ક્રિકેટ કેપ્ટન મહેન્દ્ર સિંહ ધોની તાજેતરમાં ઇલેક્ટ્રિક કાર ચલાવતો જોવા મળ્યો છે. રિપોર્ટ અનુસાર MS ધોનીએ Kiaની ઇલેક્ટ્રિક કાર Kia EV6 ખરીદી છે.

• ભારતીય ક્રિકેટરોમાં જો કોઈને કાર અને મોટરસાઈકલનો સૌથી વધુ શોખ હોય તો તે ભૂતપૂર્વ કેપ્ટન મહેન્દ્ર સિંહ ધોની છે. તેની પાસે જૂનાથી લઈને નવા સુધીના વાહનો અને મોટરસાઈકલની શ્રેણી છે. હાલમાં જ તે ઇલેક્ટ્રિક કાર ચલાવતો જોવા મળ્યો છે. રિપોર્ટ અનુસાર MS ધોનીએ Kiaની ઇલેક્ટ્રિક કાર Kia EV6 ખરીદી છે. તેમના કાર કલેક્શનમાં આ પહેલી ઇલેક્ટ્રિક કાર છે. ખાસ વાત એ છે કે આ ઇલેક્ટ્રિક કાર ફુલ ચાર્જમાં 700KMથી વધુ ચાલે છે અને જો કોઈ ઈચ્છે તો તેને રાંચીથી નેપાળ (કાઠમંડુ) લઈ જઈ શકે છે.

• મિત્રોને પણ કારમાં બેસાડ્યા
• ટ્વિટર પર અપલોડ કરાયેલા એક વીડિયોમાં મહેન્દ્ર સિંહ ધોની તેના સાથી ક્રિકેટરો રુતુરાજ ગાયકવાડ અને કેદાર જાધવ સાથે તેની નવી કિયા EV6માં બેઠેલા જોવા મળે છે. આ ગ્રે રંગની Kia EV6 છે. આ કાર તદ્દન નવી છે અને તેમાં અસ્થાયી નોંધણી નંબર છે. તમને જણાવી દઈએ કે કિયાએ કમ્પલીટલી બિલ્ટ યુનિટ (CBU) તરીકે આ વાહનના માત્ર 200 યુનિટનો ઓર્ડર આપ્યો હતો. અત્યાર સુધીમાં આ વાહનના તમામ એકમો વેચાઈ ગયા છે. જોકે કંપનીનું કહેવું છે કે ટૂંક સમયમાં વધુ એકમો બોનાવવામાં આવશે.

• 60 લાખ છે કિંમત
• Kia ભારતમાં તેના EV6ને બે અલગ-અલગ વેરિઅન્ટમાં વેચે છે. પ્રથમ ફ્રન્ટ-માઉન્ટેડ સિંગલ મોટર સાથેનું ટુ-વ્હીલ-ડ્રાઈવ કન્ફિગરેશન છે, જેની કિંમત ₹59.95 લાખ (એક્સ-શોરૂમ) છે. તે 229 PS પાવર અને 350 Nm પીક ટોર્ક ઉત્પન્ન કરે છે. બીજું ઓલ-વ્હીલ-ડ્રાઈવ વર્ઝન છે, જેનું પાવર આઉટપુટ 325 PS અને પીક ટોર્ક 605 Nm છે. તેની કિંમત ₹64.95 લાખ (એક્સ-શોરૂમ) છે.

• Kia EV6માં 77.4 kWhની બેટરી પેક છે. ARAI અનુસાર તે ફુલ ચાર્જમાં 708 કિમીની ડ્રાઇવિંગ રેન્જ આપી શકે છે. આ ઇલેક્ટ્રિક ક્રોસઓવરને 350kW DC ફાસ્ટ ચાર્જરથી પણ ચાર્જ કરી શકાય છે. Kia EV6ને માત્ર 18 મિનિટમાં 10 ટકાથી 80 ટકા સુધી ચાર્જ કરી શકાય છે. તમને જણાવી દઈએ કે ધોની પાસે મર્સિડીઝ બેન્ઝ GLE, લેન્ડ રોવર, Audi Q7 અને Jeep Grand Cherokee Trackhawk જેવી પાવરફુલ કાર છે.