કસ્ટમ વિભાગને મુંબઈ એરપોર્ટ પર અત્યાર સુધીની સૌથી મોટી સફળતા મળી છે. કસ્ટમ વિભાગે એક જ દિવસમાં 32 કરોડ રૂપિયાની કિંમતનું 61 કિલો સોનું જપ્ત કર્યું છે જે એક જ દિવસમાં અત્યાર સુધીની સૌથી મોટી જપ્તી છે. આ કેસમાં 7 લોકોની ધરપકડ કરવામાં આવી છે જેમાં 2 મહિલાઓ છે.
કસ્ટમ વિભાગે મુંબઈ એરપોર્ટ પર એક જ દિવસમાં 32 કરોડ રૂપિયાની કિંમતનું 61 કિલો સોનું જપ્ત કર્યું છે. આ કેસમાં 7 લોકોની ધરપકડ કરવામાં આવી છે જેમાં 2 મહિલાઓ છે. મુંબઈ કસ્ટમ વિભાગના ઈતિહાસમાં એરપોર્ટ પર એક જ દિવસમાં આ સૌથી મોટી જપ્તી છે.
કસ્ટમ વિભાગના જણાવ્યા અનુસાર 4 ભારતીય મુસાફરો તન્ઝાનિયાથી આવ્યા હતા તેઓએ ખાસ ડિઝાઇન કરેલા કમર બેલ્ટના ખિસ્સામાં સોનું છુપાવ્યું હતું. ચારેય પાસેથી રૂ. 28.17 કરોડનું કુલ 53 કિલો સોનું બારામત કરવામાં આવ્યું હતું. સોનાની લગડીઓ યુએઈમાં ખાસ ડિઝાઈન કરાયેલા બેલ્ટમાં છુપાવવામાં આવી હતી.
સુડાનના એક નાગરિકે આપ્યો હતો આ બેલ્ટ
ટ્રાન્ઝિટ ટાઈમ દરમિયાન દોહા એરપોર્ટ પર સુડાનના એક નાગરિક દ્વારા બેલ્ટ આપવામાં આવ્યો હતો. કતર એરવેઝની ફ્લાઈટ નંબર QR-556માં દોહાથી આવતા 4 ભારતીય મુસાફરોને રોકવામાં આવ્યા હતા. પૂછપરછ કરતાં જાણવા મળ્યું કે તેઓ તાન્ઝાનિયાથી આવી રહ્યા હતા. સોનાની લગડીઓ યુએઈમાં ખાસ ડિઝાઈન કરાયેલા બેલ્ટમાં છુપાવવામાં આવી હતી જેમાં અનેક ખિસ્સાઓ હતા તેના હેડની આસપાસ વીંટાળેલા હતા. પૂછપરછ દરમિયાન ચારેય મુસાફરોએ કબૂલાત કરી છે કે તેઓને દોહા એરપોર્ટ પર એક અજાણ્યા સુદાનીએ સોનું આપ્યું હતું.
જો કે તે મુસાફરે તેમની સાથે મુસાફરી કરી ન હતી. ચારેય મુસાફરોની ધરપકડ કરીને કોર્ટમાં રજૂ કરવામાં આવ્યા હતા. જ્યાંથી તેને 14 દિવસની જ્યુડિશિયલ કસ્ટડીમાં મોકલી દેવામાં આવ્યા છે.
થોડા દિવસ પહેલા પણ સામે આવ્યો હતો આવો કિસ્સો
તમને જણાવી દઈએ કે 11 નવેમ્બરે આ કેસમાં ઈન્ટેલિજન્સ ઈનપુટ્સના આધારે મુંબઈ એરપોર્ટ પર કસ્ટમ અધિકારીઓએ વિસ્તારા ફ્લાઈટમાં દુબઈથી આવેલા ત્રણ મુસાફરો (એક પુરુષ અને બે મહિલા) પાસેથી 3.88 કરોડ રૂપિયાની કિંમતનું 8 કિલો સોનું જપ્ત કર્યું હતું. મીણના રૂપમાં સોનાની પેસ્ટ યાત્રીઓ દ્વારા પહેરવામાં આવતા જીન્સ પેન્ટની કમર પાસે છુપાવવામાં આવી હતી. ત્રણ મુસાફરોમાંથી 60 વર્ષની મહિલા મુસાફર વ્હીલ ચેર પર હતી. ત્રણેય મુસાફરોની ધરપકડ કરીને ન્યાયિક કસ્ટડીમાં મોકલી દેવામાં આવ્યા છે. હાલના કેસમાં વધુ તપાસ ચાલી રહી છે.
0 Comments