હિંદુ ધર્મમાં દરેક દિવસ કોઈ દેવી-દેવતાને સમર્પિત કરવામાં આવ્યો છે. બુધવારને ભગવાન ગણેશજીનો દિવસ માનવામાં આવે છે. ખરાબ કાર્યોની ભરપાઈ કરવા માટે બુધવાર ખૂબ જ ખાસ દિવસ છે. એવું માનવામાં આવે છે કે આ દિવસે યોગ્ય રીતે ગણેશજીની પૂજા કરવાથી વ્યક્તિને તેના તમામ કાર્યોમાં સફળતા મળે છે. તેની સાથે જ વ્યક્તિના તમામ કાર્યો કોઈપણ અવરોધ વિના પૂર્ણ થાય છે. આ દિવસે ભક્તો ભગવાન ગણેશની પૂજા અર્ચના કરે છે. જ્યારે કેટલાક લોકો આ દિવસે ઉપવાસ પણ રાખે છે.
બુધવારે ભગવાન ગણેશની પૂજા કરવાથી જીવનની તમામ પરેશાનીઓ દૂર થઈ જાય છે. ભગવાન ગણેશને વિઘ્નહર્તા કહેવામાં આવે છે. એવું માનવામાં આવે છે કે જ્યાં ભગવાન ગણેશનો વાસ હોય છે ત્યાં બધું જ શુભ હોય છે. આ દિવસે ભગવાન ગણેશને પ્રસન્ન કરવા માટે વિવિધ ઉપાયો કરવામાં આવે છે. જો આ ઉપાયો પુરી ભક્તિ સાથે કરવામાં આવે તો ગણપતિ બાપ્પા પ્રસન્ન થાય છે અને ભક્તો પર તેમની કૃપા બનાવી રાખે છે.
તે જ સમયે જ્યોતિષમાં કેટલાક એવા કાર્યોનો પણ ઉલ્લેખ કરવામાં આવ્યો છે જે બુધવારે ભૂલથી પણ ન કરવા જોઈએ. જો આ દિવસે તેમાંથી કોઈ કામ કરવામાં આવે તો ગણેશજી ભક્તો પર નારાજ થઈ જાય છે અને તેમને દરેક કાર્યમાં નિષ્ફળતાનો સામનો કરવો પડે છે. જો તમે થોડું ધ્યાન રાખશો તો ગણપતિના આશીર્વાદ મેળવી શકો છો.
વાણી પર નિયંત્રણ રાખવું જોઈએ
જ્યોતિષ શાસ્ત્ર અનુસાર બુધવારનો દિવસ ગણેશજી અને બુધ ગ્રહ બંનેનો દિવસ માનવામાં આવે છે. બુધ ગ્રહને બુદ્ધિ અને વાણીનો કારક માનવામાં આવે છે. આ કારણથી વ્યક્તિએ બુધવારે પોતાની વાણી પર નિયંત્રણ રાખવું જોઈએ. એવું માનવામાં આવે છે કે આ દિવસે કોઈની સાથે કડવી વાત ન કરવી. આ દિવસે દરેક સાથે પ્રેમ અને મધુરતા સાથે રહો. જો કોઈ વ્યક્તિ આ બાબતોનું ધ્યાન ન રાખે તો તેને આર્થિક સમસ્યાનો સામનો કરવો પડે છે.
પૈસા સબંધિત લેવડ-દેવડ ન કરો
જ્યોતિષ શાસ્ત્ર અનુસાર બુધવારે પૈસા સંબંધિત કોઈ પણ લેવડ-દેવડ ન કરવી જોઈએ. બુધવારના દિવસે કોઈને ઉધાર આપવા કે ઉધાર લેવાથી વ્યક્તિને આર્થિક મુશ્કેલીઓનો સામનો કરવો પડે છે અને સમસ્યાઓ વધવા લાગે છે.
પશ્ચિમ દિશાની મુસાફરી ન કરો
જ્યોતિષ શાસ્ત્ર અનુસાર જો તમારે બુધવારે અચાનક યાત્રા કરવી પડે તો આ સમય દરમિયાન ખાસ સાવધાની રાખવી ખૂબ જ જરૂરી છે. બુધવારે પશ્ચિમ દિશા તરફ ભ્રમણ કરવું શુભ નથી હોતું. પશ્ચિમ દિશાને ભ્રામક કહેવામાં આવે છે. જો જરૂરી ન હોય તો બુધવારે પશ્ચિમ દિશામાં યાત્રા ન કરવી.
કાળા વસ્ત્રો ન પહેરો
બુધવારે કાળા કપડા ન પહેરવા જોઈએ. ગણેશજીને પ્રસન્ન કરવા લીલા વસ્ત્રો પહેરો. કાળા કપડા પહેરવાથી વ્યક્તિના લગ્નજીવન પર ખરાબ અસર પડે છે અને પતિ-પત્નીના સંબંધોમાં ખટાશ આવે છે. આ સિવાય કાળા રંગની જ્વેલરી પણ ન પહેરવી જોઈએ તેનાથી ઘરમાં અશુભતા આવે છે.
સ્ત્રીનું અપમાન ન કરો
બુધવારના દિવસે જાણે -અજાણ્યે કોઈપણ સ્ત્રીનું અપમાન ન થાય તેનું ખાસ ધ્યાન રાખવું જોઈએ. એવું માનવામાં આવે છે કે આ દિવસે છોકરીઓ અને મહિલાઓના અપમાનને કારણે દેવી લક્ષ્મી ક્રોધિત થાય છે જેના કારણે ઘરમાં આર્થિક સંકટ આવવા લાગે છે.
0 Comments