બંગાળી ફિલ્મ ઈન્ડસ્ટ્રીની પ્રખ્યાત અભિનેત્રી એન્ડ્રીલા શર્માનું 20 નવેમ્બર રવિવારના રોજ કાર્ડિયાક અરેસ્ટને કારણે અવસાન થયું. એન્ડ્રીલા કેન્સર સર્વાઈવર પણ રહી ચુકી છે અને તેણે બે વખત કેન્સરને હરાવ્યું છે. 1 નવેમ્બરના રોજ એન્ડ્રીલાને બ્રેઈન સ્ટ્રોક આવ્યા બાદ હોસ્પિટલમાં દાખલ કરવામાં આવી હતી.
બંગાળી ફિલ્મ ઈન્ડસ્ટ્રીની અભિનેત્રી એન્ડ્રીલા શર્માનું રવિવારે કાર્ડિયાક અરેસ્ટને કારણે નિધન થયું છે. એન્ડ્રીલા માત્ર 24 વર્ષની હતી. કહેવામાં આવી રહ્યું છે કે 15 નવેમ્બરના રોજ એન્ડ્રીલાને મલ્ટીપલ કાર્ડિયાક એરેસ્ટ થયો હતો જેના પછી તેને સીપીઆર પણ આપવામાં આવ્યો હતો પરંતુ તે પછી મોડી રાત્રે તેને બીજી કાર્ડિયાક અરેસ્ટ આવ્યો જેના કારણે તેણે પોતાનો જીવ ગુમાવ્યો હતો.
મળતી માહિતી મુજબ 1 નવેમ્બરના રોજ એન્ડ્રીલાને બ્રેઈન સ્ટ્રોક આવ્યો હતો જેના કારણે તેને હોસ્પિટલમાં દાખલ કરવામાં આવી હતી. તે ઘણા દિવસોથી વેન્ટિલેટર પર હતી. એન્ડ્રીલા શર્મા કેન્સર સર્વાઈવર પણ હતી. તેણે કેન્સર જેવી ખતરનાક બીમારીને બે વખત હરાવી હતી.
આજના સમયમાં નાની ઉંમરમાં કાર્ડિયાક અરેસ્ટનું જોખમ વધી ગયું છે. ઘણી વખત લોકો કાર્ડિયાક અરેસ્ટના લક્ષણોને સામાન્ય ગણીને તેની અવગણના કરે છે જે ખૂબ જ ખતરનાક સાબિત થઈ શકે છે. તો ચાલો જાણીએ કાર્ડિયાક અરેસ્ટ એટલે શું? તેના લક્ષણો શું છે અને તેનાથી બચવા માટે કઈ પદ્ધતિઓ અપનાવી શકાય?
શું હોય છે કાર્ડિયાક અરેસ્ટ?
કાર્ડિયાક અરેસ્ટ એ એક જાનલેવા સ્થિતિ છે જેમાં હૃદય અચાનક કામ કરવાનું બંધ કરી દે છે. જો હૃદય કામ કરવાનું બંધ કરી દે છે તો તે લોહીને પંપ નથી કરી શકતું અને થોડા જ સમયમાં તેની અસર આખા શરીર પર દેખાવા લાગે છે.
કટોકટીમાં કાર્ડિયોપલ્મોનરી રિસુસિટેશન (CPR) અને ડિફિબ્રિલેશન કાર્ડિયાક અરેસ્ટમાં થોડી મદદ મળી શકે છે. CPR તમારા ફેફસાંમાં પૂરતો ઓક્સિજન જાળવી રાખે છે. જો સીપીઆર અને ડિફિબ્રિલેટર સમયસર ઉપલબ્ધ હોય તો કાર્ડિયાક અરેસ્ટથી જીવ બચાવી શકાય છે.
કાર્ડિયાક અરેસ્ટના લક્ષણો
-કાર્ડિયાક અરેસ્ટ પહેલા શરીરમાં દેખાય છે આ લક્ષણો-
- મૂર્છા
- ઝડપી ધબકારા
- છાતીનો દુખાવો
- ચક્કર
- શ્વાસ લેવામાં તકલીફ
- ઉલટી
- પેટ અને છાતીમાં સાથે દુખાવો થવો
અચાનક કેમ આવે છે કાર્ડિયાક અરેસ્ટ?
કાર્ડિયાક અરેસ્ટ હાર્ટ એટેકથી અલગ છે. હાર્ટ એટેકમાં હૃદયના એક ભાગમાં લોહી પહોંચતું બંધ થઈ જાય છે જ્યારે કાર્ડિયાક અરેસ્ટમાં હૃદય અચાનક કામ કરવાનું બંધ કરી દે છે. હૃદયરોગનો હુમલો ક્યારેક ઇલેટ્રોનિક સિસ્ટમમમાં ખલેલ પેદા કરી શકે છે જે અચાનક કાર્ડિયાક અરેસ્ટ થઇ જાય છે.
જ્યારે કાર્ડિયાક અરેસ્ટ આવે છે ત્યારે શ્વાસ લેવામાં ઘણી તકલીફ થાય છે અને બેહોશ થઈ જાય છે. આ હૃદયની ઇલેટ્રોનિક સિસ્ટમમમાં ખલેલને કારણે છે. તેના કારણે હૃદયની પમ્પિંગ ક્રિયામાં વિક્ષેપ પડે છે અને શરીરમાં લોહીનો પ્રવાહ બંધ થઈ જાય છે.
ક્યાં લોકોને રહે છે કાર્ડિયાક અરેસ્ટનું સૌથી વધુ જોખમ?
હેલ્થ એક્સપર્ટના મતે આવી ઘટનાઓ સામાન્ય રીતે 35-40 વર્ષની ઉંમરમાં પણ જોવા મળે છે. પરંતુ હવે યુવાનોમાં પણ આ રોગનું જોખમ ઘણું વધી ગયું છે. આવી સ્થિતિમાં કાર્ડિયાક અરેસ્ટ માટે આ કારણો જવાબદાર છે-
0 Comments