ભારતીય ટીમ T20 વર્લ્ડ કપ-2022 ના સુપર-12 રાઉન્ડની તેમની પ્રથમ મેચમાં કટ્ટર હરીફ પાકિસ્તાન સામે ટકરાશે. મહાન બેટ્સમેનોમાંના એક સચિન તેંડુલકરે આ દરમિયાન T20 વર્લ્ડ કપ માટે મોટી ભવિષ્યવાણી કરી છે.
ભારતીય ક્રિકેટ ટીમ ટી20 વર્લ્ડ કપના સુપર-12 રાઉન્ડ પહેલા વોર્મ-અપ મેચ રમી રહી છે. ટીમ ઈન્ડિયા ટૂર્નામેન્ટમાં પોતાના અભિયાનની શરૂઆત 23 ઓક્ટોબરે કટ્ટર હરીફ પાકિસ્તાન સામેની મેચથી કરશે. આ દરમિયાન મહાન બેટ્સમેનોમાંના એક સચિન તેંડુલકરે T20 વર્લ્ડ કપ માટે મોટી ભવિષ્યવાણી કરી છે. તેણે ટુર્નામેન્ટના ચાર સેમી ફાઇનલિસ્ટના નામ વિશે પણ અનુમાન લગાવ્યું છે.
ભારતને ફેવરિટ કહ્યું
સચિન તેંડુલકરે પણ ભારત અને પાકિસ્તાન વચ્ચેની મેચ અંગે પોતાનો અભિપ્રાય આપ્યો છે. તેણે ધ ટેલિગ્રાફને આપેલા ઈન્ટરવ્યુમાં ઈન્ડો-પાક મેચ વિશે કહ્યું 'ભારત ફેવરિટ ટીમ છે. હા ચોક્કસ મારું દિલ ભારત સાથે છે અને હું હંમેશા ઇચ્છું છું કે ભારત જીતે. માત્ર એટલા માટે નહીં કે હું ભારતીય છું હું ખરેખર માનું છું કે અમારી પાસે આ પરિસ્થિતિઓમાં સારું પ્રદર્શન કરવાની ક્ષમતા છે.
આ ટીમોને બતાવી સેમિફાઇનાલીસ્ટ
49 વર્ષીય તેંડુલકરે વધુમાં કહ્યું 'હું દેખીતી રીતે ઇચ્છું છું કે ભારત ચેમ્પિયન બને પરંતુ મારા માટે સેમિફાઇનલમાં પહોંચનારી ટોપ-4 ટીમોમાં ભારત ઉપરાંત પાકિસ્તાન, ઓસ્ટ્રેલિયા અને ઇંગ્લેન્ડ છે. દક્ષિણ આફ્રિકાની જેમ ન્યુઝીલેન્ડ પણ સારો દેખાવ કરી શકે છે. ભારત પાસે ઘણી સારી તક છે. આ ટીમ સારી રીતે સંતુલિત છે અને અમારી પાસે બહાર જઈને સારું પ્રદર્શન કરવાનું સંયોજન છે. હકીકતમાં હું ટીમને લઈને ઘણો આશાવાદી છું.
ભારતે પ્રેક્ટિસ મેચમાં ઓસ્ટ્રેલિયાને આપી માત
આ દરમિયાન સોમવારે બ્રિસ્બેનમાં રમાયેલી વોર્મ-અપ મેચમાં ભારતીય ટીમે ઓસ્ટ્રેલિયાને છ રનથી હરાવ્યું હતું. ભારતે 7 વિકેટે 186 રન બનાવ્યા હતા જે બાદ ઓસ્ટ્રેલિયાની ટીમ 180 રનમાં ઓલઆઉટ થઈ ગઈ હતી. ફાસ્ટ બોલર મોહમ્મદ શમીએ છેલ્લી ઓવરમાં માત્ર 4 રન આપીને ત્રણ વિકેટ ઝડપી હતી. ભારત તરફથી કેએલ રાહુલે 57 રન જ્યારે સૂર્યકુમાર યાદવે 33 બોલમાં 50 રન બનાવ્યા હતા. ઓસ્ટ્રેલિયાના કેપ્ટન એરોન ફિન્ચે 54 બોલમાં 76 રન બનાવ્યા હતા.
0 Comments