જ્યારથી ટીમ ઈન્ડિયાના ધમાકેદાર બેટ્સમેન વિરાટ કોહલીએ રવિવારે T20 વર્લ્ડ કપમાં પાકિસ્તાની બોલરોને હરાવીને ભારતને ઐતિહાસિક જીત અપાવી ત્યારથી પાકિસ્તાનના ભૂતપૂર્વ ક્રિકેટરો તેના ચાહકો બની ગયા છે.
જ્યારથી ટીમ ઈન્ડિયાના ધમાકેદાર બેટ્સમેન વિરાટ કોહલીએ રવિવારે રમાયેલા T20 વર્લ્ડ કપમાં પાકિસ્તાની બોલરોને પરાસ્ત કરીને ભારતને ઐતિહાસિક જીત અપાવી છે ત્યારથી પાકિસ્તાનના ભૂતપૂર્વ ક્રિકેટરો તેના ફેન બની ગયા છે. વિરાટ કોહલીએ પાકિસ્તાન સામેની T20 વર્લ્ડ કપ મેચમાં ટીમ ઈન્ડિયાને 31 રનમાં 4 વિકેટ જેવી પરિસ્થિતિમાંથી બહાર કાઢીને અશક્ય દેખાતી જીત અપાવી છે.
કોઈ પણ પાકિસ્તાની કોહલીના કદની બરાબરી કરી શકે તેમ નથી
પાકિસ્તાનના ભૂતપૂર્વ વિકેટ કીપર બેટ્સમેન કામરાન અકમલે દાવો કર્યો છે કે કોઈ પણ પાકિસ્તાની વિરાટ કોહલીની કદની બરાબરી કરી શકે તેમ નથી. કામરાન અકમલના આ નિવેદને અચાનક સોશિયલ મીડિયા પર સનસનાટી મચાવી દીધી છે. કામરાન અકમલનું કહેવું છે કે પાકિસ્તાન સામેની મેચમાં વિરાટ કોહલીએ જે રીતે ટીમ ઈન્ડિયાને મુશ્કેલ પરિસ્થિતિઓમાંથી જીત અપાવી છે તે મામલે કોઈ પાકિસ્તાની ક્રિકેટર તેની આસપાસ પણ નથી.
PAKના આ દિગ્ગજ નિવેદનથી મચાવી સનસનાટી
કામરાન અકમલે તેની યુટ્યુબ ચેનલ પર કહ્યું 'જો વિરાટ કોહલીની જગ્યાએ કોઈ અન્ય બેટ્સમેન હોત તો મેચ આટલો લાંબો સમય ન ચાલ્યો હોત. જો વિરાટ કોહલીની જગ્યાએ આપણા બેટ્સમેન બેટિંગ કરતા હોત તો પાકિસ્તાનની ટીમ 30-40 રનથી મેચ હારી ગઈ હોત. પાકિસ્તાની ટીમ આ પ્રકારનું દબાણ બિલકુલ સહન કરી શકતી નથી.
કામરાન અકમલે કહ્યું 'પાકિસ્તાનના યુવા બેટ્સમેનોએ વિરાટ કોહલીની બેટિંગમાંથી શીખવું જોઈએ. પાકિસ્તાનના તમામ અંડર-15 અને અંડર-19 સ્તરના ખેલાડીઓએ વિરાટ કોહલીની આ આખી ઇનિંગ જોવી જોઈએ અને દબાણમાં કેવી રીતે જીતવું તે શીખવું જોઈએ.
'કોહલી જેવો સિક્સર કોઈ પણ મા નો લાલ નથી મારી શકતો'
આ પહેલા કામરાન અકમલે ARY ચેનલ પર વિરાટ કોહલી વિશે કહ્યું હતું કે વિરાટ કોહલીએ મેલબોર્નમાં પાકિસ્તાની ફાસ્ટ બોલર હારિસ રઉફને જે સિક્સ ફટકારી હતી તે કોઈ પણ મારી શકે નહીં. કામરાન અકમલના મતે હારિસ રઉફને પણ આ સિક્સર આ સમયે વિરાટ કોહલી સિવાય વિશ્વનો કોઈ અન્ય બેટ્સમેન ફટકારી શકે નહીં.
0 Comments