જ્યારે ચેન્નાઈના જયંતિ લાલે દિવાળી પર કર્મચારીઓને કાર અને બાઈક ભેટમાં આપી ત્યારે તેઓની આંખમાં આંસુ આવી ગયા હતા. જયંતિ લાલે કેટલાક કર્મચારીઓને કાર અને કેટલાકને બાઇક ભેટમાં આપી.
સરકારી કર્મચારી હોય કે પ્રાઈવેટ સેક્ટરમાં કામ કરતા કર્મચારી દરેક વ્યક્તિ દિવાળી પર તેની કંપની કે બોસ તરફથી ભેટ મેળવવા ઈચ્છે છે. ઘણી વખત આવું બને છે અને ઘણી વખત નથી પણ બનતું. આ દરમિયાન કેટલાક બોસ એવા છે જેઓ તેમના કર્મચારીઓને મોંઘી ભેટ આપીને પ્રોત્સાહિત કરે છે. આવો જ એક કિસ્સો આવ્યો છે જ્યારે એક બિઝનેસમેને તેના કર્મચારીઓને બાઇક અને કાર ગિફ્ટ કરી છે.
જ્વેલરી શોપ ચલાની જ્વેલર્સના માલિક
વાસ્તવમાં ચેન્નાઈની પ્રખ્યાત જ્વેલરી શોપ ચલાની જ્વેલર્સના માલિકે તેમના કર્મચારીઓને દિવાળીની ભેટ તરીકે કાર અને બાઈક આપી હતી. ચલાની જ્વેલર્સના માલિક જયંતિ લાલે રવિવારે તેમના 10 કર્મચારીઓને કાર અને 20 કર્મચારીઓને દિવાળીની ભેટ તરીકે બાઈક આપી હતી. જયંતિ લાલે કહ્યું કે આ કર્મચારીઓએ ગમે તેવા ઉતાર-ચઢાવ દરમિયાન પણ અમને સાથ આપ્યો છે. આ ભેટ તેમના કામને પ્રોત્સાહન આપવા માટે છે.
રોકડ આપવાને બદલે વાહનો આપવાનો નિર્ણય
મીડિયા રિપોર્ટ્સ અનુસાર કંપનીના એક અધિકારીએ જણાવ્યું કે આ વર્ષે કેશ બોનસ આપવાને બદલે કંપનીએ વાહનો આપવાનો નિર્ણય કર્યો છે. કંપનીનો વિચાર હતો કે બે મહિનામાં કેશ સમાપ્ત થઈ જશે પરંતુ વાહન તમારી પાસે લાંબા સમય સુધી રહેશે. તે કર્મચારીઓ માટે પણ આશ્ચર્યજનક હતું અને તેમને આ વિશે કંઈપણ કહેવામાં આવ્યું ન હતું. સરપ્રાઈઝ મળતાં જ તેઓ પણ ભાવુક થઈ ગયા હતા.
ખાસ વાત એ છે કે કંપનીએ પાંચ વર્ષની ગેરંટી સાથે ઓટોમેટિક કાર આપી છે અને વીમા કવરેજ સાથે ટાંકી ભરીને આપી છે. આ પહેલા પણ ચલાની જ્વેલરીના જયંતી લાલ ચયંતી એ તેના કર્મચારીઓને 8 કાર અને 18 બાઈક આપી હતી. તેમણે એમ પણ કહ્યું કે તેઓ માત્ર કર્મચારી નથી તેઓ અમારો પરિવાર પણ છે.
0 Comments