સુઝલોન એનર્જી લિમિટેડ વિશ્વની પાંચમી સૌથી મોટી પવનચક્કી ઉત્પાદક કંપની છે. કંપનીના શેર સારૂ પ્રદર્શન કરી રહ્યા છે. 1995માં સ્થપાયેલી આ કંપનીના સ્થાપક તુલસી તાંતીનું 1 ઓક્ટોબરે અવસાન થયું હતું.
આજકાલ પીઢ બિઝનેસ મેન ગૌતમ અદાણી શેરબજારમાં ચર્ચામાં છે. અદાણી ગ્રુપે છેલ્લા કેટલાક દિવસોમાં ઘણી કંપનીઓને ટેકઓવર કરી છે. આ દરમિયાન કંપનીએ ફરી એક મોટું પગલું ભર્યું છે. પવનચક્કી ઉત્પાદક સુઝલોન એનર્જી લિમિટેડને એશિયાના સૌથી ધનિક વ્યક્તિ ગૌતમ અદાણીની કંપની તરફથી મોટો ઓર્ડર મળ્યો છે. અદાણી ગ્રીન એનર્જી તરફથી આ ઓર્ડર મળ્યા બાદ કંપનીના શેર રોકેટની ઝડપે આગળ વધ્યા હતા.
અદાણી ગ્રીન એનર્જીએ આપ્યો મોટો ઓર્ડર
સુઝલોન એનર્જી લિમિટેડે અદાણી ગ્રીન એનર્જી પાસેથી કુલ 48.3 મેગાવોટના વિન્ડ ટર્બાઇનનો કોન્ટ્રાક્ટ જીત્યો છે. કંપનીએ મંગળવારે આ માહિતી આપી હતી. આ માહિતી આપતાં કંપનીએ એક નિવેદનમાં જણાવ્યું કે તેને અદાણી ગ્રીન એનર્જી તરફથી મોટો ઓર્ડર મળ્યો છે. આ ઓર્ડર હેઠળ કંપની તેના વિન્ડ ટર્બાઇન જનરેટર (WTG) ના 23 એકમો સાથે હાઇબ્રિડ લેટીસ ટ્યુબ્યુલર (HLT) ટાવર સ્થાપિત કરશે. તમને જણાવી દઈએ કે વિન્ડ ટર્બાઇન જનરેટર (WTG) ની રેટેડ ક્ષમતા 2.1 MW હશે.
કંપનીના શેર બન્યા રોકેટ
તમને જણાવી દઈએ કે સૌથી અમીર વ્યક્તિ ગૌતમ અદાણીની કંપની તરફથી આ ઓર્ડર મળ્યા બાદ કંપનીના શેરમાં જોરદાર ઉછાળો આવ્યો હતો. માત્ર એક દિવસના ટ્રેડિંગ દરમિયાન સુઝલોન એનર્જીના શેરની કિંમત 5.89 ટકા વધીને રૂ. 7.90ના સ્તરે પહોંચી હતી. એટલે કે આજના કારોબારમાં આ સ્ટૉકમાં જોરદાર વૃદ્ધિ જોવા મળી હતી. તમને જણાવી દઈએ કે છેલ્લા ટ્રેડિંગ દિવસે એટલે કે સોમવારે કંપનીના શેર 7.46 રૂપિયાના સ્તરે બંધ થયા હતા. પરંતુ એક દિવસના ટ્રેડિંગ પછી બજાર બંધ સમયે કંપનીનો શેર થોડો થોભી ગયો અને અંતે કંપનીનો શેર 3.36 ટકાના ઉછાળા સાથે રૂ.7.70 પર બંધ થયો. એટલે કે એકંદરે આજે શેરમાં તેજી રહી હતી.
0 Comments