પત્ની છે રાજકારણી, સસરા છે મોટા ઉદ્યોગપતિ; આ રીતે શરૂ થઈ હતી રવિન્દ્ર જાડેજાની લવસ્ટોરી

• ભારતના સ્ટાર ઓલરાઉન્ડર રવિન્દ્ર જાડેજાએ ટીમ ઈન્ડિયા માટે ઘણી મેચો પોતાના દમ પર જીતી છે. તેની પત્ની રીવા સોલંકી દેખાવમાં ખૂબ જ સુંદર છે. સાથે જ તેના સસરા પણ મોટા બિઝનેસમેન છે. જાડેજાએ ભારતીય ટીમ માટે ઘણી મેચો પોતાના દમ પર જીતી છે. તે ત્રણેય ફોર્મેટમાં ભારત માટે હિટ છે.

• રીવા સોલંકીએ રાજકોટની આત્મીય ઇન્સ્ટિટ્યૂટ ઓફ ટેકનોલોજી એન્ડ સાયન્સમાંથી મિકેનિકલ એન્જિનિયરિંગની ડિગ્રી મેળવી છે. તે વાંચવામાં ખૂબ જ હોશિયાર હતી. તેણે યુપીએસસીની તૈયારી પણ કરી હતી.

• રવિન્દ્ર જાડેજાની બહેન નૈનાની રીવા સોલંકી ખૂબ સારી મિત્ર છે. તેણે એક પાર્ટીમાં જાડેજાને રીવા સોલંકી સાથે મળાવી હતી. આ પછી જાડેજા-રીવા વચ્ચે પ્રેમ વધવા લાગ્યો. વર્ષ 2017માં બંને દીકરી નિધ્યાના માતા-પિતા બન્યા હતા. બંને દીકરીને સોશિયલ મીડિયાથી દૂર રાખવા માંગે છે.

• રવિન્દ્ર જાડેજાની પત્ની રીવા સોલંકીનો જન્મ 1990માં થયો હતો. રીવા સોલંકીના પિતા હરદેવસિંહ સોલંકી બિઝનેસમેન છે. તેના પિતાની બે ખાનગી શાળાઓ અને એક હોટલ પણ છે. રીવા સોલંકી પોતે 2019માં ભાજપ સાથે સંકળાયેલી હતી. તે કરણી સેનામાં મહિલા પાંખના વડા પણ રહી ચુક્યા છે.

• રીવા માતા-પિતાની એકમાત્ર પુત્રી છે. જાડેજા અને રીવા ના લગ્ન 17 એપ્રિલ 2016 ના રોજ થયા હતા. જાડેજાને લગ્ન પહેલા જ તેના સસરાએ લગભગ 1 કરોડની કિંમતની Audi Q7 કાર ભેટમાં આપી હતી. બંનેના લગ્ન ખૂબ જ ધામધૂમથી થયા હતા.

• રવીન્દ્ર જાડેજા ઈજાના કારણે T20 વર્લ્ડ કપમાંથી બહાર થઈ ગયો છે. તેમના સ્થાને અક્ષર પટેલનો સમાવેશ કરવામાં આવ્યો છે. જાડેજાએ ભારતીય ટીમ માટે ઘણી મેચો પોતાના દમ પર જીતી છે. તે સ્લેયર બોલિંગ અને ડેશિંગ બેટિંગમાં નિષ્ણાત ખેલાડી છે.