જાણો કેમ પગમાં નથી પહેરવામાં આવતી સોનાની પાયલ, શું છે તેનો લક્ષ્મી માતા સાથે સંબંધ?

• ભારતીય સંસ્કૃતિમાં જ્વેલરી પહેરવાની પરંપરા પ્રાચીન સમયથી ચાલી આવે છે. સ્ત્રી હોય કે પુરૂષ તમને સોના અને ચાંદી બંનેના ઘરેણાં પહેરેલા જોવા મળશે. ખાસ કરીને મહિલાઓ સોનાના ઘરેણાં પહેરવાનું પસંદ કરે છે. તે જ સમયે હિંદુ ધર્મ, જ્યોતિષ અને વાસ્તુશાસ્ત્રમાં સોનાને ખૂબ જ મહત્વપૂર્ણ માનવામાં આવે છે. તેને સ્વર્ણ પણ કહેવાય છે.

• ભારતીય મહિલાઓનો શૃંગાર સોના અને ચાંદીના ઘરેણાં વિના અધૂરો રહે છે. પુરુષો અને સ્ત્રીઓની સાથે બાળકો પણ સોનાના ઘરેણાં પહેરે છે. જો કે તમને બજારમાં માથાથી પગ સુધીના સોનાના બધાજ આભૂષણો મળશે પરંતુ પગમાં સોનાના દાગીના પહેરવાની ના પાડવામાં આવે છે. તેની પાછળનું કારણ ધાર્મિક, જ્યોતિષીય કારણો સિવાય વૈજ્ઞાનિક કારણ પણ છે.

• આ કારણથી તે અમીર હોય કે ગરીબ તે પોતાના પગમાં સોનાના ઘરેણા નથી પહેરતા. પગમાં ચાંદીના દાગીના પહેરવાને શુભ માનવામાં આવે છે. પછી ભલે આપણે બિછિયાની વાત કરીએ કે પાયલની. એવું માનવામાં આવે છે કે પગમાં સોનું પહેરવાથી દેવી લક્ષ્મી નારાજ થાય છે.

• પગમાં સોનું પહેરવાથી દેવી લક્ષ્મી કેમ નારાજ થાય છે?
• જો કે સોનું ખૂબ જ શુભ માનવામાં આવે છે. ભગવાન વિષ્ણુ અને માતા લક્ષ્મીને પણ સોનું ખૂબ જ પ્રિય છે. આ કારણથી નાભિ અથવા કમરની નીચે સોનું પહેરવાથી ભગવાન વિષ્ણુ અને દેવી લક્ષ્મી નારાજ થઈ શકે છે. આટલું જ નહીં પરંતુ જો શ્રી હરિ અને મા લક્ષ્મીજી ગુસ્સે થાય છે તો તેનાથી જીવનમાં અનેક પ્રકારની પરેશાનીઓ આવી શકે છે અને વ્યક્તિ નિર્ધન પણ થઈ શકે છે. પગમાં સોનાના આભૂષણો પહેરવાથી જીવનમાં એક પછી એક પૈસા સંબંધિત સમસ્યાઓ તો આવે જ છે સાથે જ બીજી ઘણી સમસ્યાઓ પણ ઉભી થવા લાગે છે.

• જો તમે પગમાં સોનાના ઘરેણાં પહેરો છો તો તે ભગવાન વિષ્ણુ અને માતા લક્ષ્મીનું અપમાન માનવામાં આવે છે. આમ કરવાથી બંને ગુસ્સે થઈ શકે છે જેના કારણે તમારા ઘરની સુખ-શાંતિ અને ધન-સમૃદ્ધિ બંને જતી રહે છે. આ કારણથી પગમાં ક્યારેય સોનાના ઘરેણા ન પહેરવા જોઈએ. તેથી જ સ્ત્રીઓ પાયલ અને બીચિયા માત્ર ચાંદીના જ પહેરે છે અને શરીરના ઉપરના ભાગમાં જ સોનાના આભૂષણો પહેરે છે.

• પગમાં સોનું પહેરવાથી શું નુકસાન થાય છે?
• બીજી તરફ વૈજ્ઞાનિક દ્રષ્ટિકોણથી જોઈએ તો પગમાં સોનું પહેરવાથી સ્વાસ્થ્યને પણ નુકસાન થાય છે. જી હા પગમાં સોનું ન પહેરવું એ વૈજ્ઞાનિક દ્રષ્ટિકોણથી પણ યોગ્ય માનવામાં આવે છે. આ પ્રમાણે માનવીની શારીરિક રચના એવી હોય છે જેમાં શરીરના ઉપરના ભાગને ઠંડક અને નીચેના ભાગને હૂંફની જરૂર હોય છે. સોનાના દાગીનાથી શરીરમાં ગરમી વધે છે.

• આવી સ્થિતિમાં જો તમે તમારા પગમાં સોનાથી બનેલી જ્વેલરી પહેરો છો તો તે તમારા શરીરને નુકસાન પહોંચાડી શકે છે. આ કારણે પગમાં ચાંદીના ઘરેણાં પહેરવામાં આવે છે જેથી શરીરનું તાપમાન સંતુલિત રહે. નહિંતર શરીરના તાપમાનમાં અસંતુલનને કારણે ઘણા પ્રકારના નુકસાન થવાની સંભાવના છે.