હવે આ સિમેન્ટ કંપની પર છે અદાણીની નજર, રૂ. 5 હજાર કરોડમાં એક્વિઝિશનની તૈયારી

• અદાણી ગ્રૂપના ચેરમેન અને મેનેજિંગ ડિરેક્ટર ગૌતમ અદાણીએ ગયા મહિને 2030 સુધીમાં સિમેન્ટ ઉત્પાદન ક્ષમતા બમણી કરીને 140 મિલિયન ટન કરવાનો લક્ષ્યાંક રાખ્યો હતો. અલ્ટ્રાટેક દેશની સૌથી મોટી સિમેન્ટ કંપની છે. તેની ક્ષમતા 1199 મિલિયન ટનથી વધુ છે.
• અદાણી ગ્રૂપ સતત પોતાનો બિઝનેસ વધારવામાં વ્યસ્ત છે. દરમિયાન હવે અદાણી ગ્રુપે પણ સિમેન્ટ બિઝનેસમાં ઝંપલાવ્યું છે. હવે અદાણી ગ્રૂપ દેવા હેઠળ ડૂબેલા જેપી ગ્રૂપના સિમેન્ટ બિઝનેસને રૂ. 5,000 કરોડમાં ખરીદવા માટે વાતચીત કરી રહ્યું છે. એશિયાના મોટા ઉદ્યોગપતિ ગૌતમ અદાણીની આગેવાની હેઠળનું જૂથ થોડા સમય પહેલા આ ક્ષેત્રમાં પ્રવેશ્યું છે. સૂત્રોએ જણાવ્યું હતું કે અદાણી જૂથ જયપ્રકાશ એસોસિએટ્સના મેનેજમેન્ટ સાથે વાટાઘાટ કરી રહ્યું છે અને તે આગળ વધી છે. ટૂંક સમયમાં આ ડીલની જાહેરાત થઈ શકે છે.
• સિમેન્ટ બિઝનેસ
• અદાણી ગ્રુપ અને જેપી ગ્રુપ બંનેએ આ અંગે કંઈપણ કહેવાનો ઈન્કાર કર્યો હતો. પોર્ટ ટુ એનર્જી બિઝનેસ સાથે સંકળાયેલા જૂથે તાજેતરમાં અંબુજા સિમેન્ટ અને ACC હસ્તગત કરીને સિમેન્ટ બિઝનેસમાં પ્રવેશ કર્યો હતો. આ સંપાદન સાથે કંપની 67.5 મિલિયન ટનની ક્ષમતા સાથે દેશની બીજી સૌથી મોટી સિમેન્ટ ઉત્પાદક બની ગઈ છે. જેપી ગ્રૂપે તેનું સિમેન્ટ યુનિટ અલ્ટ્રાટેકને વેચ્યું હતું પરંતુ કેટલાક યુનિટ હજુ પણ ગ્રૂપ કંપનીઓ પાસે છે.

• યોજનાને મંજૂરી
• જયપ્રકાશ એસોસિએટ્સ લિ. અને જયપ્રકાશ પાવર વેન્ચર્સ લિ. લિ.એ સોમવારે દેવું ઘટાડવા માટે તેના સિમેન્ટ એકમો તેમજ નોન-કોર એસેટ્સ વેચવાની યોજનાને મંજૂરી આપી હતી. જો આ સોદો પાર પડશે તો અદાણી ગ્રૂપની સિમેન્ટ ઉત્પાદન ક્ષમતામાં 10 મિલિયન ટનનો વધારો થશે.
• આટલી છે ક્ષમતા
• નોંધનીય છે કે અદાણી ગ્રૂપના ચેરમેન અને મેનેજિંગ ડિરેક્ટર ગૌતમ અદાણીએ ગયા મહિને 2030 સુધીમાં સિમેન્ટ ઉત્પાદન ક્ષમતા બમણી કરીને 140 મિલિયન ટન કરવાનો લક્ષ્યાંક રાખ્યો હતો. અલ્ટ્રાટેક દેશની સૌથી મોટી સિમેન્ટ કંપની છે. તેની ક્ષમતા 119.9 મિલિયન ટન કરતાં વધુ છે અને તેની ક્ષમતા વધારીને 159.2 મિલિયન ટન કરવાની યોજના છે. જયપ્રકાશ એસોસિએટ્સ લિ. કંપનીની કુલ ક્ષમતા વાર્ષિક આશરે 6 મિલિયન ટન છે જ્યારે જયપ્રકાશ પાવર વેન્ચર્સની ક્ષમતા વાર્ષિક 4 મિલિયન ટન છે.