યુવક એપાર્ટમેન્ટના 11મા માળે આવેલા ફ્લેટમાં તેના મિત્રો સાથે રહેતો હતો. રવિવારે રાત્રે તેણે લિફ્ટનું બટન દબાવ્યું. આના પર લિફ્ટ તે ફ્લોર પર ન આવી પરંતુ દરવાજા ખુલી ગયા. આ પછી યુવકે ધ્યાન ન આપ્યું અને લિફ્ટની અંદર પગ મૂક્યો. જેના કારણે તે લિફ્ટની શાફ્ટમાં પડી ગયો હતો. તેનું સારવાર દરમિયાન મોત નિપજ્યું હતું.
રાજસ્થાનના જયપુરમાં એક દર્દનાક અકસ્માતથી લોકો હચમચી ગયા હતા. અહીંના એક એપાર્ટમેન્ટમાં બિલ્ડિંગના 11મા માળેથી લિફ્ટની શાફ્ટમાં પડી જતાં 20 વર્ષીય યુવકનું મોત થયું હતું. યુવક ઉત્તર પ્રદેશનો રહેવાસી હતો. પોલીસે પોસ્ટમોર્ટમ કરાવી લાશને સ્વજનોને સોંપી હતી.
મૂળ યુપીના વારાણસીનો રહેવાસી કુશાગ્ર મિશ્રા માઈ હવેલી એપાર્ટમેન્ટના 11મા માળે આવેલા ફ્લેટમાં તેના મિત્રો સાથે રહેતો હતો. રવિવારે રાત્રે તેણે લિફ્ટનું બટન દબાવ્યું. દરવાજો ખૂલ્યો પણ લિફ્ટ એ ફ્લોર પર ન આવી.
આ પછી કુશાગ્રે ધ્યાન ન આપ્યું અને લિફ્ટની અંદર પગ મૂક્યો. જેના કારણે તે લિફ્ટની શાફ્ટમાં પડી ગયો હતો. તે મણિપાલ યુનિવર્સિટીમાંથી કોમ્પ્યુટર સાયન્સનો અભ્યાસ કરતો હતો. આ દર્દનાક ઘટના અંગે સોસાયટીના લોકોએ પોલીસને જાણ કરી હતી. રહેવાસીઓએ બિલ્ડર પર બેદરકારીનો આરોપ લગાવ્યો છે.
સવાઈ માનસિંહ હોસ્પિટલમાં મૃત્યુ
યુવાનને તાત્કાલિક નજીકની હોસ્પિટલમાં ખસેડવામાં આવ્યો હતો. ત્યાંથી તેને સવાઈ માનસિંહ હોસ્પિટલમાં રીફર કરવામાં આવ્યો હતો. અહીં સારવાર દરમિયાન તેમનું મોત થયું હતું.
પરિવારની રડી રડી ને ખરાબ હાલત છે
યુભંકરોટા પોલીસ સ્ટેશનના ઈન્ચાર્જ રવિન્દ્ર પ્રતાપે જણાવ્યું કે લિફ્ટની શાફ્ટમાં પડી જવાને કારણે યુવકનું મોત થયું છે. તેનું પોસ્ટમોર્ટમ કરાવ્યા બાદ મૃતદેહ સંબંધીઓને સોંપવામાં આવ્યો છે. કુશાગ્ર મિશ્રાના મોતની માહિતી મળતા જ પરિવારમાં શોકનો માહોલ છવાયો હતો. પરિવારના સભ્યોની હાલત ખરાબ છે.
વાયર તૂટવાને કારણે લિફ્ટ 35 ફૂટ નીચે પડી હતી
જૂન મહિનામાં પાલીના આંબેડકર સર્કલમાં આવી જ એક ઘટના બની હતી. ત્યારે ઈલેક્ટ્રોનિક શોરૂમમાં વાયર તૂટવાને કારણે લિફ્ટ અચાનક લગભગ 35 ફૂટ નીચે પડી ગઈ હતી. અકસ્માતમાં એક સેલ્સમેનનું મોત થયું હતું અને બે ઘાયલ થયા હતા.
0 Comments