ટાટા સન્સના ભૂતપૂર્વ ચેરમેન સાયરસ મિસ્ત્રીનું નિધન, કાર અકસ્માતમાં ગયો જીવ

• ઉદ્યોગપતિ સાયરસ મિસ્ત્રી વિશે મોટા સમાચાર સામે આવ્યા છે. મળતી માહિતી મુજબ ટાટા સન્સના પૂર્વ ચેરમેન સાયરસ મિસ્ત્રીનું મુંબઈ નજીક એક માર્ગ અકસ્માતમાં મોત થયું છે. આ અકસ્માત મુંબઈ નજીક પાલઘરમાં થયો હતો. આ ઘટના આજે બપોરે 3 વાગ્યાની આસપાસ બની હતી.

• ઘટના સમયે તેમની કારની સ્પીડ ખૂબ જ ઝડપી હતી, ત્યારબાદ તેમની કાર ડિવાઈડર સાથે અથડાઈ હતી. એવું પણ કહેવામાં આવી રહ્યું છે કે ઘટના સમયે ડ્રાઇવર વાહન ચલાવી રહ્યો હતો અને તે સમયે કારમાં ચાર લોકો હતા. મિસ્ત્રી 54 વર્ષના હતા.

• પાલઘર પોલીસ અધિકારીએ જણાવ્યું કે ટાટા સન્સના ભૂતપૂર્વ ચેરમેન સાયરસ મિસ્ત્રી અમદાવાદથી મુંબઈ જઈ રહ્યા હતા. મુસાફરી દરમિયાન તેમની કાર ડિવાઈડર સાથે અથડાઈ હતી. કારમાં 4 લોકો સવાર હતા. બેનું ઘટનાસ્થળે જ મોત થયું હતું અને બેને હોસ્પિટલમાં લઈ જવામાં આવ્યા હતા.

• પાલઘર પોલીસ સૂત્રોના જણાવ્યા અનુસાર, સાયરસ મિસ્ત્રીના મૃત્યુમાં પ્રાથમિક અનુમાન એ છે કે કારના ડ્રાઈવરે કાબૂ ગુમાવ્યો હતો. સાયરસ મિસ્ત્રીનો મૃતદેહ કાસાની સરકારી હોસ્પિટલમાં છે. પોલીસ દ્વારા આકસ્મિક મૃત્યુ રિપોર્ટ (ADR) પ્રક્રિયા મુજબ દાખલ કરવામાં આવી રહી છે.

• 2011માં રતન ટાટાના અનુગામી તરીકે ચૂંટાયા
• મિસ્ત્રીને 2011માં રતન ટાટાના અનુગામી તરીકે પસંદ કરવામાં આવ્યા હતા. અગાઉ પણ તેઓ અગ્રણી બિઝનેસ ગ્રુપ શાપૂરજી પલોનજી મિસ્ત્રી કંપની સાથે સંકળાયેલા હતા. 4 જુલાઈ, 1968ના રોજ મુંબઈમાં જન્મેલા સાયરસના પિતા પલોનજી મિસ્ત્રી પણ મોટા બિઝનેસ ટાયકૂન હતા.

• સાયરસ પાસે આયર્લેંડની નાગરિકતા પણ હતી
• મિસ્ત્રી પાસે આયર્લેંડ નાગરિકત્વ હતું અને તેઓ ભારતના કાયમી નાગરિક હતા. તેની માતાનો જન્મ આયર્લેન્ડમાં થયો હતો, જેના કારણે તેને ત્યાંની નાગરિકતા મળી હતી. તેની માતાના ભાઈ ભારતમાં એક મોટી શિપિંગ કંપનીના વડા હતા. સાયરસ મિસ્ત્રીએ 1992માં દેશના જાણીતા વકીલોમાંના એક ઈકબાલ ચાગલાની પુત્રી રોહિકા ચાગલા સાથે લગ્ન કર્યા હતા. તેમને બે બાળકો છે.