- આ દિવસોમાં દેશભરમાં ગણેશ ઉત્સવની ઉજવણી કરવામાં આવી રહી છે. આવી સ્થિતિમાં, તમામ સેલેબ્સ તેમના ઘરે ગણપતિનું સ્વાગત કરી રહ્યા છે અને ભક્તિમાં તરબોળ જોવા મળે છે. આ દરમિયાન હવે સુપરસ્ટાર શાહરૂખ ખાને પણ પોતાના ઘર 'મન્નત'માં બાપ્પાની સ્થાપના કરી હતી અને વિધિ-વિધાનથી પૂજા કરી હતી. શાહરૂખ ખાને પોતાના ઘરના વિરાજે ગણપતિની ખાસ તસવીર ઈન્સ્ટાગ્રામ પર ફેન્સ માટે મુકી છે, જે ઝડપથી વાયરલ થઈ રહી છે.
- શાહરૂખ ખાને ગણપતિ પૂજાની તસવીર શેર કરી છે
- તસવીરમાં શાહરૂખની થોડી ઝલક પણ દેખાઈ રહી છે. તેના સિવાય નાનો દીકરો અબરામ પણ તસવીરમાં પાછળથી જોવા મળી રહ્યો છે. તસવીર શેર કરતા શાહરૂખ ખાને કેપ્શનમાં લખ્યું કે, "મેં અને નાનાએ (અબરામ) ગણપતિનું સ્વાગત કર્યું. ત્યાર બાદ મજાના મોદક ખાઓ." આ સાથે શાહરૂખ ખાને પણ બધાને ગણેશ ચતુર્થીની ખૂબ ખૂબ શુભેચ્છાઓ પાઠવી હતી.
- દર વર્ષે કરે છે બાપ્પાનું સ્વાગત
- તમને જણાવી દઈએ કે લગભગ દર વર્ષે ગણેશ ચતુર્થીના અવસર પર શાહરૂખ ખાન પોતાના ઘરે ગણપતિ બાપ્પાનું સ્વાગત કરે છે. આ વર્ષે પણ તેણે આવું જ કર્યું છે. શાહરૂખ દરેક તહેવાર ખૂબ જ ધામધૂમથી ઉજવે છે, પછી તે ઈદ હોય, દિવાળી હોય કે ગણેશ ચતુર્થી. આ સાથે આઝાદીના અમૃત મહોત્સવના અવસર પર કિંગ ખાને તેના આખા પરિવાર સાથે ઘરમાં તિરંગો પણ ફરકાવ્યો હતો.
- શાહરુખ ખાનની ફિલ્મો
- શાહરૂખની પ્રોફેશનલ લાઈફની વાત કરીએ તો આ દિવસોમાં તે તેની આગામી ફિલ્મ પઠાણ અને જવાનમાં વ્યસ્ત છે. શાહરૂખ લાંબા સમયથી મોટા પડદાથી દૂર છે, તેથી તેના ચાહકો આ બંને ફિલ્મોની આતુરતાથી રાહ જોઈ રહ્યા છે.
0 Comments