રાકેશ ઝુનઝુનવાલા પોતાના બાળકો માટે છોડી ગયા આટલી સંપત્તિ, આ છે તેમનો આખો પરિવાર

• શેરબજારના બિગ બુલ કહેવાતા રાકેશ ઝુનઝુનવાલાની કુલ સંપત્તિ લગભગ 40 હજાર કરોડ રૂપિયા છે. અત્રે જણાવી દઈએ કે રાકેશ ઝુનઝુનવાલાની પત્ની રેખા ઝુનઝુનવાલાની અકાસા એરમાં સૌથી મોટી ભાગીદારી છે. એરલાઇનમાં બંનેનો કુલ હિસ્સો 45.97 ટકા છે.

• ભારતીય સ્ટોકના બિગ બુલ કહેવાતા રાકેશ ઝુનઝુનવાલાનું નિધન થયું છે. તેમનો જન્મ 5 જુલાઈ 1960ના રોજ મુંબઈમાં થયો હતો. સામાન્ય પરિવારમાં જન્મેલા પીઢ રોકાણકાર રાકેશ ઝુનઝુનવાલા બિઝનેસ જગતમાં બિગ બુલ તરીકે પણ જાણીતા હતા. તાજેતરમાં તેમણે અકાસા એરલાઇન શરૂ કરીને સસ્તી હવાઈ મુસાફરીનું વચન આપ્યું હતું.

• પત્ની રેખા અકાસામાં સૌથી મોટી શેરહોલ્ડર
• ભારતના વોરેન બફેટ તરીકે જાણીતા રાકેશ ઝુનઝુનવાલાએ પોતાની પાછળ એક વિશાળ બિઝનેસ સામ્રાજ્ય છોડી દીધું છે. તેમના પરિવારમાં પત્ની રેખા ઝુનઝુનવાલા, પુત્રી નિષ્ઠા ઝુનઝુનવાલા, પુત્ર આર્યમન ઝુનઝુનવાલા, પુત્રી આર્યવીર ઝુનઝુનવાલા છે. રાકેશ ઝુનઝુનવાલાની કુલ સંપત્તિ લગભગ 40 હજાર કરોડ રૂપિયા છે. અહીં જણાવી દઈએ કે તેમની અકાસા એરમાં સૌથી મોટી હિસ્સેદારી તેમની પત્ની રેખા ઝુનઝુનવાલાની છે. બંનેનો કુલ હિસ્સો 45.97 ટકા છે.

• વેપારી જગતમાં શોકનું મોજું
• માત્ર 5,000 થી 40,000 કરોડ રૂપિયાનું સામ્રાજ્ય બનાવનાર રાકેશ ઝુનઝુનવાલાનું 62 વર્ષની વયે રવિવારે મુંબઈમાં અવસાન થયું. અહેવાલ મુજબ સ્વાસ્થ્ય સમસ્યાઓના કારણે તેમને બ્રીચ કેન્ડી હોસ્પિટલમાં દાખલ કરવામાં આવ્યા હતા જ્યાં તેમણે સવારે 6.45 વાગ્યે અંતિમ શ્વાસ લીધા હતા. તેમના મૃત્યુના સમાચારથી સમગ્ર વેપારી જગતમાં શોકનું મોજુ ફરી વળ્યું હતું.

• આ કંપનીઓમાં બિગ બુલનું મોટું રોકાણ
• ઝુનઝુનવાલા રેર એન્ટરપ્રાઇઝ નામની કંપની ચલાવતા હતા. તેણે પોતાની પેઢી દ્વારા ઘણી કંપનીઓમાં જંગી રોકાણ કર્યું છે. તેમાં ટાઇટન, ટાટા મોટર્સ, ક્રિસિલ, અરબિંદો ફાર્મા, પ્રાજ ઇન્ડસ્ટ્રીઝ, એનસીસી, એપ્ટેક લિમિટેડ, આયન એક્સચેન્જ, એમસીએક્સ, ફોર્ટિસ હેલ્થકેર, લ્યુપિન, વીઆઇપી ઇન્ડસ્ટ્રીઝ, જિયોજીત ફાઇનાન્સિયલ સર્વિસિસ, રેલિસ ઇન્ડિયા, જુબિલન્ટ લાઇફ સાયન્સ જેવી કંપનીઓનો સમાવેશ થાય છે.

Rakesh Jhunjhunwala was indomitable. Full of life, witty and insightful, he leaves behind an indelible contribution to the financial world. He was also very passionate about India’s progress. His passing away is saddening. My condolences to his family and admirers. Om Shanti. pic.twitter.com/DR2uIiiUb7

— Narendra Modi (@narendramodi) August 14, 2022

• પીએમ મોદીએ ટ્વિટ કરીને શોક વ્યક્ત કર્યો હતો
• ફોર્બ્સની અબજોપતિઓની યાદી અનુસાર રાકેશ ઝુનઝુનવાલા હાલમાં અબજોપતિઓની યાદીમાં વિશ્વના 440મા સૌથી અમીર વ્યક્તિ હતા. તેમના નિધન પર શોક વ્યક્ત કરતા પીએમ મોદીએ ટ્વિટમાં લખ્યું, 'રાકેશે આર્થિક જગતમાં અદમ્ય યોગદાન છોડી દીધું છે જીવનથી ભરપૂર, વિનોદી અને સમજદાર ઝુનઝુનવાલા ભારતની પ્રગતિ માટે ખૂબ જ ઉત્સાહી હતા. તેમનું નિધન દુઃખદ છે. તેમના પરિવાર અને ચાહકો પ્રત્યે મારી સંવેદના. ઓમ શાંતિ.'