કહેવાય છે કે ભગવાન જ્યારે પણ આપે છે ત્યારે દિલ ખોલીને આપે છે. હાલમાં જ એક મહિલાએ ચાર બાળકોને જન્મ આપ્યો છે જ્યારે તે પહેલાથી જ ત્રણ બાળકોની માતા છે. ખુશ્બુ નામની મહિલા હવે કુલ 7 બાળકોની માતા બની છે. આ મામલો ઉત્તર પ્રદેશના આગ્રાથી સામે આવ્યો છે.
તાજેતરમાં આગ્રામાં એક મહિલાએ એક સાથે ચાર બાળકોને જન્મ આપ્યો છે. હાલ તમામ બાળકોની હાલત સારી નથી જણાવવામાં આવી રહી છે. આવી સ્થિતિમાં તેની સારવાર નવજાત સઘન સંભાળ એકમમાં કરવામાં આવી રહી છે. બાળકોને સમય પહેલા જન્મ આપ્યો છે. આ કારણે તેની હાલત સારી નથી.
માહિતી આપતાં તબીબોએ જણાવ્યું છે કે પ્રીમેચ્યોર ડિલિવરીને કારણે બાળકોનો સંપૂર્ણ વિકાસ થયો નથી. નોંધનીય છે કે આગ્રાના પ્રકાશ નગર થાણા એતમદૌલામાં રહેતા મનોજ કુમાર અને તેની પત્ની ખુશ્બુ પહેલાથી જ ત્રણ બાળકોના માતા-પિતા છે. દંપતીને ત્રણ પુત્રીઓ છે.
મનોજ કુમાર આગ્રામાં ઓટો ચલાવીને પોતાના પરિવારનું ભરણપોષણ કરે છે. પહેલેથી જ ત્રણ દીકરીઓના જન્મ પછી મનોજ કુમારને હવે પુત્ર જોઈતો હતો. નસીબનો ખેલ જુઓ ભગવાને તેમની વાત માની અને પુત્રનો જન્મ પણ થયો. જો કે તેઓ ફરી વાર ત્રણ પુત્રીના પિતા બન્યા.
પુત્ર ઈચ્છતા મનોજ કુમારને પુત્ર તો મળ્યો પણ વધુ ત્રણ પુત્રીઓ પણ આવી. મનોજ કુમાર અને તેમની પત્ની ખુશ્બુ હવે કુલ સાત બાળકોના માતા-પિતા બન્યા છે. તમને જણાવી દઈએ કે થોડા દિવસો પહેલા ખુશ્બુને આગ્રાના યમુના કોલોની રામબાગની એક ખાનગી હોસ્પિટલમાં દાખલ કરવામાં આવી હતી.
તાજેતરમાં જ ખુશ્બુએ હોસ્પિટલમાં એકસાથે ચાર બાળકોને જન્મ આપ્યો છે. આ સમાચાર સોશિયલ મીડિયા પર પણ ખૂબ ચર્ચામાં રહ્યા છે. દરેક જગ્યાએ લોકો આ વિશે વાત કરી રહ્યા છે. તે જ સમયે ડૉક્ટરોએ કહ્યું છે કે આ ડિલિવરી સરળ નહોતી. કારણ કે બાળકો સમય પહેલા જન્મેલ છે. બધા બાળકો અકાળ છે. તમામને નિયોનેટલ ઇન્ટેન્સિવ કેર યુનિટમાં રાખવામાં આવ્યા છે.
હોસ્પિટલના ડિરેક્ટરે કહ્યું- આજ સુધી આવો ચમત્કાર નથી જોયો...
ચાર બાળકોના જન્મથી ડોક્ટરની સાથે હોસ્પિટલના ડાયરેક્ટર પણ ચોંકી ગયા હતા. આગ્રાની યમુના કોલોની રામબાગમાં એક ખાનગી હોસ્પિટલ ચલાવતા મહેશ ચૌધરીએ કહ્યું કે તેઓ 10 વર્ષથી હોસ્પિટલ ચલાવી રહ્યા છે પરંતુ આજ સુધી તેમણે આવો ચમત્કાર જોયો નથી.
હોસ્પિટલના ડાયરેક્ટર પોતે બાળકોની સંભાળ લેશે
હૉસ્પિટલના ડિરેક્ટરે પણ એક હ્રદયસ્પર્શી વાત કહી. તેમણે કહ્યું કે પરિવારને જે પણ આર્થિક મદદ કરવામાં આવશે તે તેમની મદદ કરશે. સાથે જ તેમણે કહ્યું કે બાળકોના શિક્ષણ માટે પણ વ્યવસ્થા કરવામાં આવશે અને તે પોતે જ તમામ બાળકોની સંભાળ લેશે.
0 Comments