ટીવી અભિનેત્રી શિવાંગી જોશીએ સખત મહેનત અને સમર્પણથી પોતાની સફળ કારકિર્દી બનાવી છે. આજે શિવાંગીને કોઈ ઓળખની જરૂર નથી. તો ચાલો તેમના જન્મદિવસના ખાસ દિવસે તેમના વિશે કેટલીક ખાસ વાતો જણાવીએ.
Shivangi Joshi Birthday: અભિનેત્રી શિવાંગી જોશીએ ટીવીની દુનિયામાં પોતાનું નામ બનાવ્યું છે. અભિનેત્રી માત્ર શિવાંગી તરીકે જ નહીં પરંતુ નાયરા અને સીરત તરીકે પણ જાણીતી છે. શિવાંગી જોશીએ વર્ષ 2013થી પોતાની એક્ટિંગ કરિયરની શરૂઆત કરી હતી અને ત્યાર બાદ તેને સતત સિરિયલો મળતી રહી. જ્યારે અભિનેત્રી પ્રથમ વખત ઓડિશન આપવા આવી ત્યારે તે તેની માતા સાથે ગઈ હતી. તો આજે અમે શિવાંગી જોશીના 27માં જન્મદિવસ પર તેના અને તેની નેટવર્થ સાથે જોડાયેલી કેટલીક ખાસ વાતો જણાવવા જઈ રહ્યા છીએ.
શિવાંગી મમ્મી સાથે ઓડિશન આપવા આવી હતી
શિવાંગી જોશીએ ટીવી શો બેગુસરાયમાં કામ કર્યું હતું. આ શોમાં તેનું પૂનમ ઠાકુરના પાત્રને લોકોએ પસંદ કર્યું હતું. આ ઓડિશન માટે શિવાંગી તેની માતા સાથે પહોંચી હતી. તેણે તેની માતાને કહ્યું કે તેને આ રોલ મળશે. આ રીતે અભિનેત્રીને આ રોલ મળ્યો અને તે પછી તેના કામની ખૂબ જ નોંધ લેવામાં આવી.
યે રિશ્તા ક્યા કહેલાતા હૈ શોમાં હિના ખાને અક્ષરાનું પાત્ર ભજવ્યું હતું અને તે લોકોના દિલમાં વસી ગયું હતુ. આવી સ્થિતિમાં મેકર્સ શોમાં નાયરા માટે એવો ચહેરો ઇચ્છતા હતા જે સિરિયલને આગળ ચલાવવાની જવાબદારી લઈ શકે. નાયરાના રોલ માટે ઘણી છોકરીઓના ઓડિશન લેવામાં આવ્યા હતા. ત્રણ છોકરીઓને ફાઈનલ કરવામાં આવી હતી અને તેમાંથી એક શિવાંગી જોશી હતી. અંતે શિવાંગીને શોમાં નાયરાના રોલ માટે પસંદ કરવામાં આવી અને તેણીએ પોતાના દમદાર અભિનયથી દરેકના દિલમાં જગ્યા બનાવી.
એક એપિસોડ માટે આટલો ચાર્જ લે છે
શિવાંગી જોશીના શો 'યે રિશ્તા ક્યા કહેલાતા હૈ'ના એક એપિસોડની ફી પણ વધારે હતી. અભિનેત્રી શોના એક એપિસોડ માટે 40 હજાર રૂપિયા લેતી હતી અને મહિનામાં 25 દિવસ કામ કરતી હતી. અહેવાલો અનુસાર અભિનેત્રીની માસિક કમાણી લગભગ 10 લાખ રૂપિયા હતી. તો શિવાંગી જોશીની કુલ સંપત્તિ 25 કરોડની આસપાસ છે.
0 Comments