પૃથ્વીરાજ ચૌહાણ બનવા માટે અક્ષયે લીઘી સોનુ સૂદ કરતા 20 ગણી ફી, જાણો માનુષીને કેટલી ફી મળી

• બોલિવૂડ ઈન્ડસ્ટ્રીના ખેલાડી તરીકે જાણીતા અક્ષય કુમાર વર્ષમાં ત્રણથી ચાર પાંચ ફિલ્મો કરવા માટે જાણીતા છે. તે જ ચાહકો પણ તેની ફિલ્મો માટે ખૂબ ઉત્સુક છે. અત્યારે અક્ષય કુમાર તેની આગામી ફિલ્મ પૃથ્વીરાજ ચૌહાણને લઈને ચર્ચામાં છે.

• ઘણા લોકો આ ફિલ્મની આતુરતાથી રાહ જોઈ રહ્યા છે તો કેટલાક લોકો અક્ષય કુમારને ટ્રોલ પણ કરી રહ્યા છે. જો કે આ બધાની વચ્ચે અક્ષય કુમારની ફીને લઈને ચર્ચા ચાલી રહી છે. તો ચાલો જાણીએ કે અક્ષય કુમાર સહિત આ ફિલ્મની સ્ટારકાસ્ટે કેટલી ફી લીધી છે?

• માનુષી છિલ્લરની આ ડેબ્યુ ફિલ્મ છે
• નોંધનીય છે કે મિસ વર્લ્ડ બનેલી માનુષી છિલ્લર આ ફિલ્મથી એક્ટિંગની દુનિયામાં પગ મુકવા જઈ રહી છે. આ સિવાય ફિલ્મમાં પ્રખ્યાત અભિનેતા સોનુ સૂદ અને સંજય દત્ત પણ મહત્વની ભૂમિકામાં જોવા મળવાના છે. કહેવામાં આવી રહ્યું છે કે અક્ષય કુમારે માનુષી છિલ્લર, સોનુ સૂદ અને સંજય દત્ત કરતા પણ વધુ ફી લીધી છે.

• આ સિવાય ફિલ્મમાં લલિત તિવારી, આશુતોષ રાણા અને સાક્ષી તંવર જેવા પ્રખ્યાત કલાકારો પણ જોવા મળશે. આ ફિલ્મ 300 કરોડ રૂપિયાના બજેટમાં બની છે જે યશ રાજ ફિલ્મ્સના બેનર હેઠળ બની રહી છે. આ દરમિયાન ફિલ્મના ટ્રેલરને પણ ખૂબ પસંદ કરવામાં આવ્યું હતું. જોકે કેટલાક લોકોને આ ટ્રેલર પસંદ આવ્યું હતું તો કેટલાક લોકોએ અક્ષય કુમારની ફિલ્મને નાપસંદ કરી હતી.

• કયા અભિનેતાએ કેટલી ફી લીધી?

• અક્ષય કુમાર
• જો ફિલ્મના મહત્વના પાત્ર ભજવતા અભિનેતા અક્ષય કુમારની વાત કરીએ તો તેણે આ ફિલ્મ માટે 60 કરોડથી વધુ રૂપિયા લીધા છે. આ ફિલ્મમાં અક્ષય કુમાર પૃથ્વીરાજ ચૌહાણના રોલમાં જોવા મળશે.

• સંજય દત્ત
• બીજી તરફ આ ફિલ્મમાં સંજય દત્ત પૃથ્વીરાજના કાકાના રોલમાં જોવા મળશે. રિપોર્ટ અનુસાર આ રોલ માટે સંજય દત્તને લગભગ 5 કરોડ રૂપિયા ચૂકવવામાં આવ્યા છે. નોંધપાત્ર વાત એ છે કે સંજય દત્તે KGF-2 ફિલ્મમાં પોતાનો પાવર બતાવ્યો છે. આ ફિલ્મમાં પ્રખ્યાત અભિનેતા યશ સાથેની તેની એક્ટિંગને ખૂબ પસંદ કરવામાં આવી હતી.

• સોનુ સૂદ
• સોનુ સૂદની વાત કરીએ તો તે ફિલ્મમાં 'ચાંદબરદાઈ'ની ભૂમિકા ભજવતો જોવા મળશે. એક રિપોર્ટ અનુસાર આ ફિલ્મ માટે સોનુ સૂદને 3 કરોડથી વધુની ફી આપવામાં આવી હતી.

• માનુષી છીલ્લર
• છેલ્લે જો ફિલ્મની હિરોઈનની વાત કરીએ તો વર્ષ 2017ની મિસ વર્લ્ડ માનુષી છિલ્લર આ ફિલ્મથી પોતાના કરિયરની શરૂઆત કરવા જઈ રહી છે અને આ ફિલ્મમાં તે સંયોગિતાના રોલમાં જોવા મળશે. રિપોર્ટ અનુસાર આ ફિલ્મ માટે તેને 1 કરોડ ફી આપવામાં આવી રહી છે.