IPLમાં આ 5 ભારતીય બેટ્સમેનો કરી ચૂક્યા છે ઓરેન્જ કેપ પર કબજો, સચિન પણ છે આ યાદીમાં સામેલ

• ઈન્ડિયન પ્રીમિયર લીગમાં દર વર્ષે ટ્રોફી જીતવા માટે તમામ ટીમો વચ્ચે સ્પર્ધા થાય છે તો બીજી તરફ ઓરેન્જ કેપ જીતવાની લડાઈ પણ બેટ્સમેનો વચ્ચે જોવા મળે છે. દર વર્ષે IPLમાં સૌથી વધુ રન બનાવનાર બેટ્સમેનને ઓરેન્જ કેપ આપવામાં આવે છે. આ સિઝનમાં પણ તમામ બેટ્સમેનોમાં ઓરેન્જ કેપની રેસ શરૂ થઈ ગઈ છે. IPLની આ 15મી સિઝન રમાઈ રહી છે પરંતુ IPL ઈતિહાસમાં અત્યાર સુધી માત્ર 5 ભારતીય બેટ્સમેન જ ઓરેન્જ કેપ જીતી શક્યા છે.

• સચિન તેંડુલકર
• IPLમાં ઓરેન્જ કેપ જીતનાર સચિન તેંડુલકર ભારતનો પ્રથમ બેટ્સમેન છે. માસ્ટર બ્લાસ્ટર સચિન તેંડુલકરે IPL 2010માં આ કારનામું કર્યું હતું. આ સિઝનમાં સચિને 15 મેચમાં 618 રન બનાવ્યા હતા. આ સિઝનમાં તેનો ઉચ્ચ સ્કોર અણનમ 89 હતો અને સ્ટ્રાઈક રેટ પણ 130થી વધુ હતો.

• રોબિન ઉથપ્પા
• IPL 2014માં રોબિન ઉથપ્પાએ સૌથી વધુ રન બનાવીને ઓરેન્જ કેપ જીતી હતી. IPLમાં KKR તરફથી રમતા ઉથપ્પાએ ઓરેન્જ કેપ કબજે કરી હતી. 2014 IPLમાં, ઉથપ્પાએ 16 મેચમાં 138ના સ્ટ્રાઈક રેટથી 660 રન બનાવ્યા હતા. IPLમાં ઓરેન્જ કેપ જીતનાર ઉથપ્પા બીજા ભારતીય બેટ્સમેન બન્યા છે.

• વિરાટ કોહલી
• IPL 2016માં વિરાટ કોહલીએ ઓરેન્જ કેપ કબજે કરી હતી. આ સિઝનમાં વિરાટ કોહલીએ 16 મેચમાં 973 રન બનાવ્યા છે. એક સિઝનમાં સૌથી વધુ રન બનાવવાનો રેકોર્ડ હજુ પણ વિરાટના નામે છે. તેણે આ સિઝનમાં ચાર સદી પણ ફટકારી હતી.

• કેએલ રાહુલ
• વર્ષ 2020ની આઈપીએલમાં કેએલ રાહુલને ઓરેન્જ કેપ મળી હતી. આ સિઝનમાં કેએલ રાહુલે કિંગ્સ ઈલેવન પંજાબ માટે 14 મેચમાં 670 રન બનાવ્યા હતા. KL રાહુલ IPLમાં ઓરેન્જ કેપ જીતનાર ચોથો ભારતીય બેટ્સમેન બન્યો છે.

• ઋતુરાજ ગાયકવાડ
• ચેન્નાઈ સુપર કિંગ્સના યુવા બેટ્સમેન ઋતુરાજ ગાયકવાડે પણ આઈપીએલમાં ઓરેન્જ કેપ જીતી છે. ઋતુરાજ ગાયકવાડે છેલ્લી સિઝનમાં એટલે કે IPL 2021માં 45.35ની એવરેજથી 16 મેચમાં 635 રન બનાવ્યા હતા અને તેને ઓરેન્જ કેપ મળી હતી, ઋતુરાજે આ સિઝનમાં ચેન્નાઈ સુપર કિંગ્સને ચેમ્પિયન પણ બનાવ્યું હતું.