ચૈત્રી નવરાત્રીનો પ્રારંભ થયો છે. આ વર્ષે ચૈત્રી નવરાત્રી 2 એપ્રિલથી 11 એપ્રિલ સુધી ચાલશે. નવરાત્રિના 9 દિવસો દરમિયાન, ભક્તો મા દુર્ગાના નવ સ્વરૂપોની પૂજા કરે છે. એવું માનવામાં આવે છે કે નવરાત્રિ દરમિયાન માતાની આરાધના અને શ્રદ્ધા સાથે પૂજા કરવાથી જીવનની તમામ પરેશાનીઓ દૂર થઈ જાય છે. મા દુર્ગાની 51 શક્તિપીઠો છે. તેમાંથી 5 વિશેષ માનવામાં આવે છે. એવું માનવામાં આવે છે કે આ સ્થાનની મુલાકાત લેવાથી માતાની કૃપાથી જીવનમાં સુખ અને સમૃદ્ધિ આવે છે.
દક્ષિણેશ્વર કાલી મંદિર, કોલકાતા
દક્ષિણેશ્વર કાલી મંદિર કોલકાતા પશ્ચિમ બંગાળમાં હુગલી નદીના કિનારે આવેલું છે. આ મંદિરમાં મા કાલી ની મૂર્તિ સ્થાપિત છે. નવરાત્રિ દરમિયાન અહીં માતાના દર્શન કરવા માટે ભક્તોનો ધસારો રહે છે.
માતા જ્વાલા દેવી મંદિર, કાંગડા
માતા જ્વાલા દેવીનું મંદિર હિમાચલ પ્રદેશના કાંગડા જિલ્લામાં આવેલું છે. આ મંદિરમાં હંમેશા અગ્નિની જ્વાળાઓ નીકળે છે. તેથી જ તેને જ્વાલા માતાનું મંદિર કહેવામાં આવે છે. તે 51 શક્તિપીઠોમાંથી એક છે.
કામાખ્યા મંદિર, ગુવાહાટી
કામાખ્યા મંદિર ગુવાહાટી (આસામ) શહેરની નીલાંચલ પહાડીઓ પર આવેલું છે. આ મંદિર 51 શક્તિપીઠોમાંથી એક છે. આ મંદિરમાં મા કામાખ્યાની મૂર્તિ સ્થાપિત છે. આ એક સિદ્ધ શક્તિપીઠ છે.
કરણી માતાનું મંદિર
કરણી માતાનું મંદિર રાજસ્થાનમાં દેશનોક નામના સ્થળે આવેલું છે. માતાના આ મંદિરને ઉંદરોનું મંદિર પણ કહેવામાં આવે છે. વાસ્તવમાં આ મંદિરમાં હજારો ઉંદરો ભેગા થાય છે. કરણી માતાને મા દુર્ગાનું સ્વરૂપ માનવામાં આવે છે.
નૈના દેવી મંદિર, બિલાસપુર
નૈના દેવી મંદિર હિમાચલ પ્રદેશના બિલાસપુરમાં આવેલું છે. તે 51 શક્તિપીઠોમાંથી એક છે. આ મંદિરમાં મા નૈના દેવીની મૂર્તિ સ્થાપિત છે. એવું માનવામાં આવે છે કે આ સ્થાન પર માતા સતીની આંખ પડી હતી.
0 Comments