પ્રખ્યાત અને સુંદર અભિનેત્રી પ્રિયંકા ચોપરા હિન્દી સિનેમામાં 'દેશી ગર્લ' તરીકે પણ ઓળખાય છે. 'દેશી ગર્લ' પ્રિયંકા ચોપરા ભલે લગ્ન પછી વિદેશમાં શિફ્ટ થઈ ગઈ હોય જોકે તે પોતાની સંસ્કૃતિને ભૂલી નથી. અભિનેત્રી તેના દરેક તહેવારો ધામધૂમથી ઉજવે છે.
પ્રિયંકા ચોપરાએ પણ પોતાના પતિ નિક જોનાસ સાથે વિદેશમાં મહાપર્વ મહાશિવરાત્રીની ઉજવણી કરી છે. 1લી માર્ચના રોજ દેશ અને દુનિયામાં મહાશિવરાત્રીના પવિત્ર તહેવારની ઉજવણી કરવામાં આવી હતી. આ ખાસ અવસર પર હિન્દી સિનેમાના કલાકારોએ ચાહકોને શુભેચ્છા પાઠવી હતી. પ્રિયંકા ચોપરાએ પણ એવું જ કર્યું.
પ્રિયંકા ચોપરાએ તેમના પતિ અને અમેરિકન સિંગર નિક જોનાસ સાથે તેમના ઘરે મહાશિવરાત્રીની ઉજવણી કરી. અભિનેત્રીએ તેના સોશિયલ મીડિયા એકાઉન્ટ પરથી તેની ઝલક પણ બતાવી હતી. આ ખાસ અવસર પર તે પતિ નિક સાથે ભગવાન શિવની પૂજા કરતી જોવા મળી હતી.
પ્રિયંકા ચોપરાએ તેની ઈન્સ્ટાગ્રામ સ્ટોરીમાં મહાશિવરાત્રી દરમિયાન એક તસવીર શેર કરી છે. જેમાં તે નિક સાથે પૂજા કરતી જોવા મળે છે. પ્રિયંકાએ એ પણ જણાવ્યું કે તેના ઘરમાં એક વિશાળ મંદિર બનેલું છે. પ્રિયંકા અને નિકના ઘરનું મંદિર સફેદ માર્બલથી બનેલું છે.
સૌથી મોટા મંદિરમાં ભગવાન શિવની એક મોટી મૂર્તિ પણ બિરાજમાન છે. મંદિર અને મૂર્તિ બંને ખૂબ જ સુંદર છે. મંદિરમાં અન્ય દેવી-દેવતાઓની નાની મૂર્તિઓ પણ રાખવામાં આવી છે. આ તસવીરમાં પ્રિયંકા નિક સાથે બેસી ભગવાન શિવની પૂજા કરી રહી છે. આ શેર કરતા પ્રિયંકાએ લખ્યું, “તમને મહાશિવરાત્રીની ખૂબ ખૂબ શુભેચ્છાઓ. સર્વત્ર શિવ. ભગવાન શિવની આરાધના"
દિવાળી પર પણ પ્રિયંકાએ કર્યું પૂજન...
આ પહેલા પ્રિયંકા ચોપરાએ નિક સાથે દિવાળી જેવા મોટા તહેવાર પર પોતાના ઘરે ભગવાનની પૂજા કરી હતી. અભિનેત્રીએ દિવાળીની તસવીરો પણ સોશિયલ મીડિયા પર શેર કરી છે. ત્યારે પ્રિયંકાએ પીળી સાડી પહેરી હતી અને નિક જોનાસ સફેદ કુર્તા-પાયજામામાં જોવા મળ્યો હતો.
હાલમાં જ પ્રિયંકા માતા બની છે
નોંધનીય છે કે હાલમાં જ પ્રિયંકા ચોપરા અને નિક જોનાસના ઘરે કિલકારી ધૂમ મચાવી છે. પ્રિયંકા અને નિકે 22 જાન્યુઆરી 2022 ના રોજ સોશિયલ મીડિયા દ્વારા આ માહિતી આપી હતી. તમને જણાવી દઈએ કે પ્રિયંકા અને નિકનું માતા-પિતા બનવાનું સપનું સરોગસી દ્વારા પૂરું થયું છે. કહેવામાં આવી રહ્યું છે કે બંને દીકરીના માતા-પિતા બની ગયા છે.
આ દંપતીએ તેમના ચાહકો સાથે આ સારા સમાચાર શેર કર્યા અને લખ્યું, "અમને જણાવતા અત્યંત આનંદ થાય છે કે અમે સરોગસી દ્વારા અમારા બાળકનું સ્વાગત કર્યું છે. આ ખાસ પ્રસંગે અમે આદરપૂર્વક અમારી ગોપનીયતા માટે પૂછીએ છીએ કારણ કે અમે આ સમયે અમારા પરિવાર પર અમારું ધ્યાન કેન્દ્રિત કરવા માંગીએ છીએ. બધાનો આભાર".
હજુ દીકરીનું નામ નથી રાખ્યું...
નિક અને પ્રિયંકાએ હજુ સુધી પોતાની દીકરીનું નામ નથી રાખ્યું. હાલમાં જ પ્રિયંકાની માતાએ કહ્યું હતું કે, હું દાદી બનીને ખૂબ જ ખુશ છું. હું આખો સમય ફક્ત હસું છું. હું બહુ ખુશ છું". તે જ સમયે, તેણે માહિતી આપી હતી કે "હજુ સુધી નામ આપવામાં આવ્યું નથી. પંડિત નામ પાડશે ત્યારે થશે. અત્યારે નહિ".
2018 માં લગ્ન...
પ્રિયંકા ચોપરા અને નિકે વર્ષ 2018માં રાજસ્થાનમાં શાહી અંદાજમાં લગ્ન કર્યા હતા. પહેલા બંનેના લગ્ન હિંદુ રીતિ-રિવાજથી થયા હતા બાદમાં બંનેએ પણ ક્રિશ્ચિયન રીતિ-રિવાજથી લગ્ન કર્યા હતા. લગ્ન બાદ પ્રિયંકા ભારત છોડીને નિક સાથે અમેરિકામાં સ્થાયી થઈ ગઈ હતી. પરંતુ પ્રિયંકા ભારત આવતી રહે છે.
0 Comments