બોલિવૂડના મોટા કલાકારો 'ધ કાશ્મીર ફાઇલ્સ' પર ટિપ્પણી કરવાનું ટાળી રહ્યા છે. આ ફિલ્મ વિશે લગભગ તમામ મોટા કલાકારોનું મૌન સામાન્ય ભારતીયોને ઘણું નુકસાન પહોંચાડી રહ્યું છે. તેમને લાગે છે કે બોલિવૂડના મોટા સ્ટાર્સને ભારતના મોટા ભાગના લોકોની ભાવનાઓ સાથે કોઈ લેવાદેવા નથી તેમણે માત્ર પોતાનો એજન્ડા ચલાવીને પૈસા કમાવવાના છે. ખાન સુપરસ્ટારથી લઈને ઘણા મોટા સ્ટાર્સ સુધી લોકો આ કારણે ખૂબ ટ્રોલ પણ થયા છે. સતત આલોચના બાદ પહેલીવાર કોઈ મોટા અભિનેતા આમિર ખાને આ ફિલ્મ અંગે મૌન તોડ્યું છે.
આમિરે હત્યાકાંડ પર દુખ વ્યક્ત કર્યું
મીડિયા સાથે વાત કરતા, આમિર ખાને તેના 57માં જન્મદિવસ પર ધ કાશ્મીર ફાઇલ્સની ટીમને શુભેચ્છા પાઠવી હતી અને એમ પણ કહ્યું હતું કે તે ટૂંક સમયમાં જ જોશે. ભૂતકાળમાં ફરી એકવાર આમિર ખાને આ ફિલ્મ વિશે વાત કરી છે.
દિલ્હીમાં ફિલ્મ ટ્રિપલ આરના પ્રમોશન દરમિયાન જ્યારે આમિર ખાનને ફરીથી ધ કાશ્મીર ફાઇલ્સ વિશે પ્રશ્ન કરવામાં આવ્યો ત્યારે તેણે આ વખતે ખુલીને પોતાનો પક્ષ રજૂ કરવાનો પ્રયાસ કર્યો. આમિર ખાને કહ્યું છે કે દરેક ભારતીયે આ ફિલ્મ જોવી જ જોઈએ.
RRRની પ્રેસ કોન્ફરન્સ દરમિયાન આમિર ખાને કહ્યું કે તેણે કાશ્મીર ફાઇલ્સ જોઈ નથી પરંતુ ટૂંક સમયમાં તેને જોવાનો પ્રયત્ન કરશે. સાથે જ તેણે એમ પણ કહ્યું છે કે, 'આ આપણા ઈતિહાસ સાથે જોડાયેલો એવો કિસ્સો છે જેણે દરેકના દિલને ઠેસ પહોંચાડી છે.' પોતાની વાતને આગળ વધારતા આમિરે કહ્યું, 'કાશ્મીરી પંડિતો સાથે જે પણ થયું તે દુઃખદ છે. આ એક એવી ફિલ્મ છે જે દરેક ભારતીયે જોવી જોઈએ. દરેક ભારતીયે જોવું જોઈએ કે અત્યાચાર થાય ત્યારે કેવું લાગે છે.
તમને જણાવી દઈએ કે અનુપમ ખેર, મિથુન ચક્રવર્તી, પલ્લવી જોશી અને દર્શન કુમાર સ્ટારર ધ કાશ્મીર ફાઇલ્સ બોક્સ ઓફિસ પર રોકાવાનું નામ નથી લઈ રહી. બીજા સપ્તાહમાં ફિલ્મની કમાણીની ગતિ વધુ વધી ગઈ છે. માત્ર 10 દિવસમાં આ ફિલ્મે 150 કરોડનો આંકડો પાર કરી લીધો છે.
0 Comments