29 મેના રોજ રમાઈ શકે છે IPL 2022ની ફાઈનલ મેચ, જાણો ક્યારથી શરૂ થશે IPLની મેચો

• IPL 2022ની ફાઈનલ મેચની તારીખ જાહેર થઈ ગઈ છે. આ સાથે આ સિઝન ક્યારે શરૂ થશે તે પણ જાણાવવામાં આવ્યું છે.

• ઈન્ડિયન પ્રીમિયર લીગ 2022ની ફાઈનલ મેચ 29 મેના રોજ રમાઈ શકે છે. જ્યારે IPL 2022 માર્ચના છેલ્લા અઠવાડિયામાં શરૂ થવાનું લગભગ નિશ્ચિત છે. આ સિઝનમાં ગ્રુપ સ્ટેજની 70 મેચો રમાશે. અહેવાલો અનુસાર 55 મેચ મુંબઈમાં અને 15 મેચ પુણેમાં રમાશે. બીસીસીઆઈ 24 ફેબ્રુઆરીએ આ અંગે અંતિમ નિર્ણય લઈ શકે છે. આ અંગે હજુ સુધી કોઈ સત્તાવાર માહિતી સામે આવી નથી.

• Cricbuzz અનુસાર IPL 2022ની 55 મેચ મુંબઈના ત્રણ સ્ટેડિયમમાં રમાઈ શકે છે. જેમાં વાનખેડે સ્ટેડિયમ, બ્રેબોર્ન સ્ટેડિયમ સ્ટેડિયમ અને ડીવાય પાટિલ સ્ટેડિયમનો સમાવેશ થાય છે. આ સિવાય પુણેના એમસીએ ઈન્ટરનેશનલ સ્ટેડિયમમાં પણ 15 મેચ રમાઈ શકે છે.

• જો અહેવાલો પર વિશ્વાસ કરવામાં આવે તો કોઈપણ સંજોગોમાં ટૂર્નામેન્ટ 29 મે રવિવારના રોજ સમાપ્ત થવાની છે એટલે કે આ દિવસે ફાઇનલ મેચ રમાશે. જોકે પ્લેઓફની તારીખ હજુ સુધી સ્થળ પર નક્કી કરવામાં આવી નથી. જો ટૂર્નામેન્ટની શરૂઆતની વાત કરીએ તો તેના વિશે બે તારીખો સામે આવી છે. IPL 2022 26 અથવા 27 માર્ચે શરૂ થઈ શકે છે. આ અંગે હજુ સુધી BCCI કે IPL તરફથી કોઈ સત્તાવાર માહિતી આવી નથી.

• તમને જણાવી દઈએ કે IPL અધિકારીઓ 24 ફેબ્રુઆરીએ મેચની તારીખો પર અંતિમ નિર્ણય લઈ શકે છે. આ સિઝનમાં 8ની જગ્યાએ 10 ટીમો રમતા જોવા મળશે. જેમાં લખનૌ સુપર જાયન્ટ્સ અને ગુજરાત ટાઇટન્સનો સમાવેશ કરવામાં આવ્યો છે. ગુજરાતનો કેપ્ટન હાર્દિક પંડ્યા છે. જ્યારે લખનૌની કપ્તાની કેએલ રાહુલ કરશે. IPL 2022 પહેલા યોજાયેલી હરાજીમાં ઘણા ખેલાડીઓની ટીમો પણ બદલાઈ છે. હાર્દિક પહેલા મુંબઈ ઈન્ડિયન્સ ટીમનો ભાગ હતો. તે જ સમયે કેએલ રાહુલ પંજાબ કિંગ્સ ટીમ તરફથી રમ્યો હતો.