વિન્ડીઝ શ્રેણીમાંથી આરામ લીધા બાદ પત્ની સાથે વેકેશન માણી રહ્યો છે બુમરાહ, જુઓ ફોટા

• ભારતીય ફાસ્ટ બોલર જસપ્રીત બુમરાહે વેસ્ટ ઈન્ડિઝ સામેની ODI અને T20 શ્રેણીમાંથી આરામ લીધો છે. આ સાથે તે પોતાની પત્ની સંજના ગણેશન સાથે રજાઓ મનાવી રહ્યો છે. અગાઉ બુમરાહ દક્ષિણ આફ્રિકાના પ્રવાસે હતો,જ્યાં તેને ODI ટીમનો વાઇસ કેપ્ટન બનાવવામાં આવ્યો હતો.

• જસપ્રિત બુમરાહે પત્ની સંજના સાથેના કેટલાક ફોટા સોશિયલ મીડિયા પર શેર કર્યા છે. બોટ પર મુસાફરી કરતી વખતે બુમરાહ એકદમ સિમ્પલ લુકમાં જોવા મળ્યો હતો. તેણે સફેદ ટી-શર્ટ અને બ્લુ જીન્સ પહેર્યું હતું.

• બુમરાહની પત્ની સંજના ગણેશને પણ સોશિયલ મીડિયા પર કેટલાક ફોટા શેર કર્યા છે. તેણે ચાર ફોટા શેર કર્યા છે જેમાં એકમાં તે બુમરાહ સાથે જોવા મળી રહી છે. તેણે લખ્યું કે મેં બોટ પર કંઈક આવું જોયું છે.

• જસપ્રિત બુમરાહે માર્ચ 2021માં સંજના ગણેશન સાથે લગ્ન કર્યા હતા. સંજના ગણેશન એક ટીવી પ્રસ્તુતકર્તા છે. કોરોનાના કારણે બંનેએ ખૂબ જ નાના કાર્યક્રમમાં અને પરિવારના સભ્યો વચ્ચે લગ્ન કર્યા હતા. તેમના લગ્નમાં માત્ર 20 થી 25 લોકો જ હાજર રહ્યા હતા.

• જસપ્રીત બુમરાહ આગામી IPL સિઝનમાં મુંબઈ ઈન્ડિયન્સ ટીમ તરફથી રમતા જોવા મળશે. મુંબઈની ટીમે બુમરાહને જાળવી રાખ્યો છે. આ ભારતીય ફાસ્ટ બોલર અત્યાર સુધી આઈપીએલમાં મુંબઈની જ ટીમ તરફથી રમી ચૂક્યો છે.

• બુમરાહે તાજેતરમાં સાઉથ આફ્રિકા પ્રવાસ પર ત્રણ ટેસ્ટ અને ત્રણ વનડે મેચોની શ્રેણી રમી હતી. તેણે ટેસ્ટ સિરીઝમાં કુલ 12 વિકેટ લીધી હતી જ્યારે બુમરાહે જે ઓડીઆઈ સિરીઝમાં વાઇસ કેપ્ટન હતો તેણે કુલ 5 વિકેટ લીધી હતી. જોકે ભારતીય ટીમ બંને શ્રેણીમાં હારી ગઈ હતી.

• હવે ટીમ ઈન્ડિયાએ વેસ્ટ ઈન્ડિઝ વિરૂદ્ધ ODI અને T20 સિરીઝ પોતાના જ ઘરમાં રમવાની છે. બુમરાહ આ બે શ્રેણીમાં નહીં રમે. તેણે આરામ કર્યો છે. ટીમ ઈન્ડિયા અને વિન્ડીઝ વચ્ચેની આ શ્રેણી ફેબ્રુઆરીમાં જ યોજાશે.