ઘરમાં છોડ લગાવવાથી વાતાવરણ સકારાત્મક રહે છે. શુદ્ધ હવા મળે છે અન્ય પણ ઘણા ફાયદા હોય છે. પરંતુ કેટલાક છોડ એટલા અશુભ હોય છે કે તેને તમારા ઘરમાં લગાવવા દુષ્ટતાને ખુદ જ આમંત્રણ આપવું છે. આ છોડ અનેક પ્રકારના નુકસાનોના કારણ બને છે. વાસ્તુ શાસ્ત્રમાં આ છોડને ઘરમાં લગાવવાની સખત મનાઈ છે.
નકારાત્મકતા લાવે છે આમલીનો છોડ: આમલી ખાવામાં કેટલી પણ સારી લાગતી હોય કે રસોડા માટે તે કેટલી પણ ઉપયોગી કેમ ન હોય પરંતુ તેનો છોડ ઘરમાં ક્યારેય પણ ન લગાવવો જોઈએ. આમલીનું ઝાડ અથવા છોડ ઘરમાં નકારાત્મકતા લાવે છે. પ્રયત્ન કરો કે તમારા ઘરની આસપાસ પણ તેને ન લગાવો. આ વૃક્ષ ફક્ત મંદિર અથવા જાહેર સ્થળો પર જ લગાવવું યોગ્ય હોય છે.
ઘરમાં ઝઘડા કરાવે છે લીંબુ-આમળા: ઘરની અંદર કે મુખ્ય દરવાજાની સામે લીંબુ કે આમળાનું ઝાડ ન લગાવો. તેમાં કાંટા હોય છે અને તે ઘરમાં વિવાદનું કારણ બને છે.
દુર્ભાગ્ય લાવે છે કપાસ: વાસ્તુ શાસ્ત્રમાં કપાસનો છોડ ઘર માટે ખૂબ જ અશુભ કહેવામાં આવ્યો છે. આ છોડ જોવામાં સુંદર લાગે છે પરંતુ દુર્ભાગ્યનું કારણ બને છે. તે ઘરમાં પૈસાની અછત વધારે છે અને પરિવારને ગરીબી તરફ લઈ જાય છે.
બાવળ વધારે છે માનસિક રોગો: બાવળનો છોડ ભૂલથી પણ ઘરમાં અને ઘરની આસપાસ પણ ન લગાવવો જોઈએ. આ છોડની હાજરી જ ઘરમાં વિવાદ કરાવવા અને સભ્યોને માનસિક રીતે બીમાર બનાવવા માટે પૂરતી છે.
આ છોડમાં હોય છે ખરાબ આત્માઓનો વાસ: ઘરમાં કે ઘરની આસપાસ પણ મહેંદીનો છોડ ન લગાવવો જોઈએ. એવું માનવામાં આવે છે કે આ છોડમાં ખરાબ આત્માઓનો વાસ હોય છે. તેથી આ છોડ નકારાત્મકતા લાવે છે. જો સુખી જીવન ઈચ્છો છો તો આ છોડને લગાવવાથી બચો.
0 Comments