સીડીએસ બિપિન રાવત મૃત્યુ: યુએસ દૂતાવાસે તમિલનાડુ હેલિકોપ્ટર દુર્ઘટનામાં રાવત પરિવારના પરિવારો અને દરેક અન્ય લોકો જેણે પોતાનો જીવ ગુમાવ્યો છે તેના પરિવાર પ્રત્યે ઊંડી સંવેદના વ્યક્ત કરી છે.
Helicopter Crash Bipin Rawat Death: દેશના પહેલા ચીફ ઓફ ડિફેન્સ સ્ટાફ (CDS) ના નિધન પર પાકિસ્તાન, ભૂતાન અને અમેરિકા સહિત ઘણા દેશો તરફથી શોક વ્યક્ત કરવામાં આવ્યો છે. બુધવારે બોપોરે લગભગ 12.15 વાગ્યે તમિલનાડુના કુન્નુર પાસે એક હેલિકોપ્ટર દુર્ઘટનામાં બિપિન રાવત અને તેમની પત્ની સહિત 13 લોકોએ જીવ ગુમાવી દીધા. આ અકસ્માતમાં ગ્રુપ કેપ્ટન વરુણ સિંહ ઘાયલ થયા છે તેમની સારવાર ચાલી રહી છે.
પાકિસ્તાનના ડીજી આઈએસપીઆર ના ઓફિશિયલ ટ્વિટર હેન્ડલ પર ટ્વિટ કરવામાં આવ્યું, "ભારતમાં હેલિકોપ્ટર દુર્ઘટનામાં સીડીએસ જનરલ બિપિન રાવત, તેમની પત્ની અને અન્યના અમૂલ્ય જીવ ગુમાવ્યા, જેના પર જનરલ નદીમ રઝા, CJCSC અને જનરલ કમર જાવેદ બાજવા અને COASએ પોતાનો શોક વ્યક્ત કર્યો છે. "
આ દુર્ઘટના પર યુએસ એમ્બેસી તરફથી પણ શોક વ્યક્ત કરવામાં આવ્યો. યુએસ દૂતાવાસે તમિલનાડુ હેલિકોપ્ટર દુર્ઘટનામાં રાવત પરિવાર અને અન્ય દરેક લોકો જેણે પોતાનો જીવ ગુમાવ્યો છે તેના પરિવારો પ્રત્યે ઊંડી સંવેદના વ્યક્ત કરી છે. સાથે જ કહેવામાં આવ્યું છે કે જનરલ રાવત અમેરિકાના મિત્ર અને ભાગીદાર હતા. તેમણે ગ્રૂપ કેપ્ટનને ઝડપથી સ્વસ્થ થવાની પણ શુભેચ્છા પાઠવી.
ભૂટાનના પીએમએ વ્યક્ત કર્યો શોક: ભૂટાનના પીએમએ આ દુર્ઘટના પર શોક વ્યક્ત કરતા કહ્યું, "ભારતમાં બનેલી હેલિકોપ્ટર દુર્ઘટના વિશે જાણીને ખૂબ જ દુઃખ થયું, જેમાં સીડીએસ જનરલ બિપિન રાવત અને તેમની પત્ની સહિત 13 અમૂલ્ય જીવો ચાલ્યા ગયા. ભૂટાનના લોકો અને હું ભારતના અને જીવ ગુમાવનાર લોકો માટે પ્રાર્થના કરી રહ્યા છીએ."
0 Comments