મધ્યપ્રદેશના આ જિલ્લામાં થયા હતા બિપિન રાવતના લગ્ન, વિસ્તારમાં શોકનું મોજુ

• CDS Bipin Rawat Death: દેશના પ્રથમ ચીફ ઑફ ડિફેન્સ સ્ટાફ એટલે કે સીડીએસ જનરલ બિપિન રાવત મધ્ય પ્રદેશના શાહડોલના જમાઈ હતા. જનરલ રાવતને બે પુત્રીઓ છે.

• CDS Bipin Rawat Death: દેશના પહેલા ચીફ ઑફ ડિફેન્સ સ્ટાફ એટલે કે સીડીએસ જનરલ બિપિન રાવત મધ્ય પ્રદેશના શાહડોલના જમાઈ હતા. તેમના લગ્ન 1985માં સ્થાનિક રજવાડાના કુંવર મૃગેન્દ્ર સિંહની પુત્રી મધુલિકા સિંહ સાથે થયા હતા. જનરલ રાવત અને તેમની પત્ની મધુલિકા સિંહ બંનેનું સેનાના હેલિકોપ્ટર દુર્ઘટનામાં દુઃખદ નિધન થઈ ગયું. જનરલ રાવતની બે પુત્રીઓ છે. મોટી પુત્રી કૃતિકા રાવતના લગ્ન મુંબઈમાં થયા છે અને નાની પુત્રી તારિણી રાવત હજુ અભ્યાસ કરી રહી છે.

• વિંધ્ય વિસ્તારમાં શોક: દુ:ખદ અકસ્માતના સમાચાર ફેલાતાની સાથે જ શહડોલ સહિત સમગ્ર વિંધ્ય વિસ્તારમાં શોકનું મોજું ફેલાઈ ગયું છે. કહેવાય છે કે મધુલિકાના ભાઈ હર્ષવર્ધન ભોપાલથી દિલ્હી રવાના થઈ ગયા છે. હર્ષવર્ધનની પાસે દિલ્હીની આર્મી હેડક્વાર્ટરથી પરિવારના સભ્યોને સાથે લઈને દિલ્હી પહોંચવાની માહિતી આવી હતી. તેની માતા શાહડોલમાં હતી, તેથી તે ત્યાથી જબલપુર થઈને દિલ્હી રવાના થઈ.

• સાસરિયુ શાહડોલના સોહાગપુરમાં છે: ચીફ ઑફ ડિફેન્સ સ્ટાફ જનરલ બિપિન રાવતના સાસરિયુ શહડોલ જિલ્લાના સોહાગપુરમાં છે. તેમની પત્ની મધુલિકા સિંહ રજવાડાના કુંવર મૃગેન્દ્ર સિંહની મધ્યમ પુત્રી હતી. રીવા ઘરાના સાથે સંબંધ ધતરાવતા મૃગેન્દ્ર સિંહની પુત્રી મધુલિકાના લગ્ન બિપિન રાવત સાથે 1985માં થયા હતા. મધુલિકાના પિતા કોંગ્રેસની ટિકિટ પર સોહાગપુરથી 1967 અને 1972માં બે વાર ધારાસભ્ય રહ્યા છે. પરિવારજનોના જણાવ્યા અનુસાર જનરલ રાવતની પત્ની મધુલિકા 2012માં છેલ્લી વાર શહડોલ આવી હતી.

• જનરલ બિપિન રાવતને ભારતના પહેલા ચીફ ઓફ ડિફેન્સ સ્ટાફ બનવાનું ગૌરવ મળ્યું છે. તેમણે 1 જાન્યુઆરી 2020ના રોજ પહેલા સીડીએસનો કાર્યભાર સંભાળ્યો હતો. આ પહેલા રાવત થલસેના અધ્યક્ષ હતા. રાવતે 31 ડિસેમ્બર 2016 થી 31 ડિસેમ્બર 2019 સુધી થલસેના પ્રમુખના પદ પર રહ્યા. તેમની પત્ની મધુલિકા સિંહ સૈનિકોના પરિવારો માટે કલ્યાણકારી કાર્ય કરતી સેનાની સંસ્થાની અધ્યક્ષ હતી.