સૌરવ ગાંગુલી દીકરીને માને છે ઘરની માલિક, 25 વર્ષથી સજાવીને રાખી છે શેમ્પેનની બોટલો

સૌરવ ગાંગુલી ભારતીય ક્રિકેટ કંટ્રોલ બોર્ડ (BCCI)ના પ્રમુખ અને ટીમ ઈન્ડિયાના ભૂતપૂર્વ કેપ્ટન છે. તેમનો જન્મ 8 જુલાઈ 1972ના રોજ કોલકાતાના બેહાલામાં થયો હતો. લોકો તેને 'પ્રિન્સ ઓફ કોલકાતા' અને 'બેંગાલ ટાઈગર' તરીકે પણ ઓળખે છે. બાય ધ વે સૌરવ ગાંગુલીની જીવનશૈલી જોઈને તેને આપવામાં આવેલા નામો એકદમ ફિટ બેસે છે. સૌરવ ખૂબ જ વૈભવી જીવન જીવે છે. તેણે 'એશિયન પેઈન્ટ્સ સિઝન 2'ના એપિસોડમાં તેના ઘરની ઝલક બતાવી.

જ્યારે સૌરવ ગાંગુલીએ પોતાના ઘર વિશે ખુલીને વાત કરી હતી
આ એપિસોડમાં સૌરવ ગાંગુલી તેના મહેલ જેવા ઘર અને તેમાં રહેતો પરિવાર અને તેના પરિવારના ક્રિકેટના ક્રેઝ વિશે ખુલીને વાત કરતો જોવા મળ્યો હતો. તેનો એપિસોડ માર્ચ 2018માં યુટ્યુબ પર રિલીઝ થયો હતો. જેમાં તેણે જણાવ્યું કે આ તે ઘર છે જેમાં તેણે પોતાના જીવનના 44 વર્ષ વિતાવ્યા છે.
સૌરવ કહે છે કે જ્યારે તે ઘરમાં પ્રવેશે છે ત્યારે તે ખૂબ જ આરામ અનુભવે છે. આ સાથે તેમણે ભારપૂર્વક જણાવ્યું હતું કે આ મકાનમાં રહેતા લોકો આ ઘરને ઘર બનાવે છે.

તેથી જ 25 વર્ષ જૂની શેમ્પેનની બોટલો સંભાળી રાખી છે
આ એપિસોડમાં સૌરવ ગાંગુલીના ઘરે 25 વર્ષ જૂની શેમ્પેનની બે બોટલો શણગારેલી જોવા મળે છે. આ બોટલો સંભાળવાનું કારણ જણાવતાં તે કહે છે કે તેણે 1996માં ઈંગ્લેન્ડમાં સતત બે સદી ફટકારી હતી. તે દરમિયાન તેને આ શેમ્પેનની બોટલો ભેટમાં મળી હતી. સૌરવ કહે છે કે “જ્યારે હું ઈંગ્લેન્ડથી ભારત પાછો આવ્યો ત્યારે મેં શેમ્પેઈનની બોટલો ખોલી હતી જો કે તે બોટલો હજુ પણ યાદો તરીકે રાખવામાં આવી છે.

“સૌરવ વધુમાં જણાવે છે કે જો શેમ્પેનની બોટલોને ભેજવાળી જગ્યાએ દિવસો સુધી રાખવામાં આવે તો તે ફૂટી શકે છે. આ જ કારણ હતું કે મેં તેને ખોલી હતી. સૌરવે વર્ષ 1996માં ઈંગ્લેન્ડમાં તેની પ્રથમ ટેસ્ટ સદી ફટકારી હતી. આ સાથે જ આગામી ટેસ્ટમાં તેણે બીજી ટેસ્ટ સદી ફટકારી હતી.

સૌરવ જમણા હાથનો વ્યક્તિ છે
પોતાના અંગત જીવનનો ઉલ્લેખ કરતા સૌરવ ગાંગુલીએ કહ્યું કે હું જમણા હાથનો વ્યક્તિ છું. તેણે કહ્યું હતું કે "હું સીધા હાથે ભોજન ખાઉં છું. હું સીધા હાથે લખું છું. હું જમણા હાથથી પણ બોલ ફેંકું છું જોકે હું ડાબા હાથથી જ બેટ પકડું છું.

દીકરીને માને છે ઘરની માલિક
સૌરવ ગાંગુલીને સના ગાંગુલી નામની પુત્રી પણ છે. પુત્રીનો ઉલ્લેખ કરતાં તેણે કહ્યું હતું કે, "સના આ ઘરની સૌથી મહત્વપૂર્ણ સભ્ય છે. મારી માતા, મારા ભાઈઓ, મારા પિતરાઈ ભાઈઓ બધા ત્યાં છે પણ આ પહેલા સનાનું ઘર છે. તેથી જ હું સનાને કહેતો રહું છું કે કૃપા કરીને અમને અહીં રહેવા દો.