જાણો કેટલી સંપત્તિની માલકીન છે અનુષ્કા શેટ્ટી, સાઉથની સૌથી મોંઘી હીરોઇનોમાં છે સામેલ

• આજે 07 નવેમ્બરે તેલુગુ સ્ટાર અનુષ્કા શેટ્ટી 40 વર્ષની થઈ ગઈ છે. અનુષ્કાનો જન્મ 7 નવેમ્બર 1981ના રોજ કર્ણાટક રાજ્યના પુત્તુરમાં થયો હતો. તેલુગુ અને તમિલ ફિલ્મોમાં કામ કરવા બદલ અનુષ્કાને દક્ષિણ ભારતીય સિનેમાની લેડી સુપરસ્ટાર તરીકે ઓળખવામાં આવે છે. અનુષ્કા શેટ્ટીએ અત્યાર સુધી સાઉથ ફિલ્મ ઈન્ડસ્ટ્રીમાં 46 થી વધુ ફિલ્મોમાં કામ કર્યું છે.

• બ્લોકબસ્ટર બાહુબલીએ તેને માત્ર ભારતમાં જ નહીં પરંતુ સમગ્ર વિશ્વમાં ઓળખ મળી. આ ફિલ્મમાં તેના પાત્રને ખૂબ પસંદ કરવામાં આવ્યું હતું પરંતુ તે પહેલા પણ અનુષ્કાએ તેના કામથી દર્શકોને પ્રભાવિત કર્યા હતા. આજે તેમના જન્મદિવસ પર ચાલો જાણીએ તેમના અંગત જીવન વિશે.

• અનુષ્કા શેટ્ટીનું મૂળ નામ સ્વીટી શેટ્ટી છે પરંતુ ફિલ્મ નિર્માતા પુરી જગન્નાથે તેલુગુ ફિલ્મ 'સુપર' માટે ઓડિશન આપ્યા બાદ તેનું નામ અનુષ્કા રાખ્યું હતું. તે એન્જિનિયર અને ડોક્ટરોના ખૂબ જ શિક્ષિત પરિવારમાંથી આવી હતી. સાઉથની સૌથી લોકપ્રિય અભિનેત્રી અનુષ્કાએ રૂદ્રમાદેવી, મિર્ચી અને અરુંધતી જેવી ઘણી હિટ ફિલ્મોમાં કામ કર્યું છે.

• અનુષ્કાએ બેંગ્લોરની લોકપ્રિય ગર્લ્સ કોલેજ માઉન્ટ કાર્મેલમાંથી ગ્રેજ્યુએશન કર્યું છે. એ જ કોલેજ જ્યાંથી દીપિકા પાદુકોણે અભ્યાસ કર્યો હતો. અનુષ્કાએ માઉન્ટ કાર્મેલ ખાતે બેચલર ઓફ કોમ્પ્યુટર એપ્લિકેશનનો અભ્યાસ કર્યો છે. અનુષ્કા શેટ્ટી તુલુ, કન્નડ, તેલુગુ, અંગ્રેજીમાં બોલી શકે છે. અભિનેત્રી અનુષ્કાનો આખો પરિવાર ડોક્ટરો અને એન્જિનિયરોથી ભરેલો હતો છતાં અનુષ્કાએ એક અલગ રસ્તો પસંદ કર્યો.તેણે અભ્યાસ પૂરો કર્યા પછી ભણાવવાનું પણ શરૂ કર્યું. અનુષ્કા શેટ્ટી ટોલીવુડની સૌથી ઉંચી અભિનેત્રીઓમાંની એક છે તેની ઉંચાઈ 5 ફૂટ 9 ઈંચ છે.

• અનુષ્કાના અંગત જીવનની વાત કરીએ તો અભિનેત્રી 142 કરોડની નેટવર્થની માલિક છે. અનુષ્કા શેટ્ટીની વાર્ષિક આવક પાંચ કરોડ રૂપિયાથી વધુ છે. રિપોર્ટ્સ અનુસાર અનુષ્કા એક ફિલ્મ માટે ચારથી પાંચ કરોડ રૂપિયા લે છે. અનુષ્કા શેટ્ટીએ વરિષ્ઠ ટોલીવુડ નિર્દેશક કોડી રામકૃષ્ણ પાસેથી અભિનય શીખ્યો હતો જેમણે તેની સાથે અરુંધતીને સહ-નિર્માણ કર્યું હતું. અનુષ્કાને ઘણા એવોર્ડ મળ્યા છે. જેમાંથી 3 સિને મા એવોર્ડ, નંદી એવોર્ડ અને 3 ફિલ્મફેર એવોર્ડ અને TN સ્ટેટ ફિલ્મ એવોર્ડનો સમાવેશ થાય છે.

• અભિનેત્રીનો કાર સંગ્રહ
• અનુષ્કા શેટ્ટીના કાર કલેક્શન વિશે વાત કરીએ તો તેની પાસે એક કરતા વધુ શાનદાર વાહનો છે. અનુષ્કા પાસે તેના કાર કલેક્શનમાં ટોયોટા કોરોલા એટલિસ છે. તેમની આ કારની કિંમત 21 લાખ રૂપિયા છે. આ સિવાય અનુષ્કા પાસે ઓડી A6 છે. તેની કિંમત લગભગ 55.86 લાખ રૂપિયા છે. તેની પાસે બીજી Audi Q5 છે જેની કિંમત 61.52 લાખ રૂપિયા છે. Audi સિવાય અનુષ્કા પાસે BMW 6 કાર પણ છે.

• અનુષ્કા બાળકોને ભણાવતી હતી
• અનુષ્કાએ અભ્યાસ પૂરો કર્યા પછી ક્યારેય અભિનેત્રી બનવાનું વિચાર્યું ન હતું. અગાઉ તે કોલેજ પૂરી કર્યા પછી ધ્યાન વર્કશોપ લેતી હતી ત્યારબાદ તે યોગ પ્રશિક્ષક બની હતી અને મુંબઈમાં યોગના ક્લાસ લેતી હતી. તેણી ત્રીજા ધોરણના બાળકોને પણ ભણાવતી હતી. અનુષ્કા શેટ્ટી 39 વર્ષની ઉંમરે પણ સિંગલ છે. એક સમયે તેનું નામ પ્રભાસ સાથે જોડાયું હતું. જો કે બંને એકબીજાને માત્ર સારા મિત્રો તરીકે ઓળખે છે.