માતા બન્યા બાદ પ્રથમ વખત જાહેરમાં દેખાઈ નુસરત જહાં, જણાવ્યું તેના બાળકના પિતાનું નામ

• તૃણમૂલ કોંગ્રેસના સાંસદ અને બંગાળી અભિનેત્રી નુસરત જહાં લાંબા સમયથી પોતાના અંગત જીવનને લઈને ચર્ચામાં છે. તાજેતરમાં જ માતા બનેલી નુસરત જહાંએ ગયા મહિને 26 ઓગસ્ટના રોજ પુત્રને જન્મ આપ્યો હતો. દીકરાના જન્મ બાદથી દરેક વ્યક્તિ તેમના બાળકનો પિતા કોણ છે તે જાણવા માટે ઉત્સાહિત છે. નુસરત જહાંએ બાળકનું નામ જણાવવાનો સ્પષ્ટ ઇનકાર કર્યો છે અને કહ્યું છે કે તે એકલી માતા રહેશે. આ હોવા છતાં દરેક વ્યક્તિ તેને તેના પુત્રના પિતાનું નામ પૂછે છે. આવી સ્થિતિમાં નુસરત જહાં તાજેતરમાં જ એક ઇવેન્ટમાં જોવા મળી હતી. આ દરમિયાન તેને ઘણા સવાલો પૂછવામાં આવ્યા હતા અને તેણીએ ખૂબ જ નિખાલસતાથી તેનો જવાબ આપ્યો હતો.

• તાજેતરમાં જ અભિનેત્રી નુસરત જહાં એક ઇવેન્ટમાં જોવા મળી હતી. આ દરમિયાન તેને પૂછવામાં આવ્યું કે તે તેના પુત્રની પહેલી ઝલક ક્યારે બતાવશે. આ સવાલનો જવાબ આપતી વખતે નુસરત જહાં કહે છે, "તમારે તેના પિતાને પૂછવું જોઈએ અત્યાર સુધી તેણે કોઈને તેને જોવા નથી દીધા." તેણીએ વધુમાં ઉમેર્યું કે, "માતા બનવું ખૂબ જ સારું લાગે છે અને તે એક નવું જીવન અને નવી શરૂઆત જેવું છે. તેણે કહ્યું કે,તેના પુત્રનું નામ યશાન રાખવામાં આવ્યું છે." આ સમય દરમિયાન નુસરતનો એક વીડિયો સોશિયલ મીડિયા પર ખૂબ વાયરલ થઈ રહ્યો છે.

• તે જ સમયે જ્યારે પત્રકારે નુસરત જહાંને તેના જીવનસાથી અને બાળકના પિતા વિશે પૂછ્યું ત્યારે અભિનેત્રીએ કહ્યું, "મને લાગે છે કે આ એક અર્થહીન પ્રશ્ન છે. પિતા કોણ છે તે પૂછવું એ સ્ત્રીના પાત્ર પર કાળો ડાઘ નાખવા જેવું છે. બાળકનો પિતા જાણે છે કે તે પિતા છે અને સાથે મળીને અમે બાળકને ખૂબ સારી રીતે ઉછેરી રહ્યા છીએ. યશ અને હું સાથે સારો સમય પસાર કરી રહ્યા છીએ. "

• નુસરત જહાંને 26 ઓગસ્ટના રોજ હોસ્પિટલમાં દાખલ કરવામાં આવી હતી અને 2 દિવસ બાદ 28 ઓગસ્ટના રોજ તેણે પુત્રને જન્મ આપ્યો હતો. મીડિયા રિપોર્ટ્સ અનુસાર જ્યારે અભિનેત્રી હોસ્પિટલમાં રહી ત્યારે તેનો અફવાવાળો બોયફ્રેન્ડ યશ દાસગુપ્તા હાજર હતો. કેટલાક મીડિયા રિપોર્ટમાં દાવો કરવામાં આવ્યો હતો કે અભિનેત્રીએ હોસ્પિટલને વિનંતી કરી હતી કે યશને તેની સાથે ઓપરેશન થિયેટરમાં એટેન્ડન્ટ તરીકે રહેવા દે. અભિનેત્રીને 30 ઓગસ્ટના રોજ હોસ્પિટલ દ્વારા રજા આપવામાં આવી હતી.

• તમને જણાવી દઈએ કે નુસરત જહાં લાંબા સમયથી પોતાના અંગત જીવન માટે હેડલાઇન્સમાં છે. આ વર્ષે જૂન મહિનામાં નુસરત જહાં અને નિખિલ જૈનના અલગ થવાના સમાચાર હેડલાઇન્સમાં આવ્યા હતા. તે જ સમયે આ અંગે મૌન તોડીને નુસરતે નિખિલ જૈન સાથેના તેના લગ્નને ગેરકાયદે ગણાવ્યા હતા. આ સાથે નિખિલે એમ પણ કહ્યું કે તે વર્ષ 2020 થી અલગ રહે છે.