તાલિબાન પર લગામ લગાવવા અમેરિકાએ ભર્યું સખત પગલું, પૈસા પૈસા માટે તરસશે તાલિબાન

  • બાઈડને કહ્યું કે અફઘાનિસ્તાનથી યુએસ સેના પાછી ખેંચવાનો નિર્ણય યોગ્ય હતો. અફઘાન સેના અને નેતાઓએ જ લડ્યા વગર શસ્ત્રો નાખી દીધા. અશરફ ગની લડ્યા વગર જ દેશ છોડી ભાગી ગયા. અલબત્ત, અફઘાનિસ્તાનની સ્થિતિ ભયાનક છે, પરંતુ તેના માટે જવાબદાર અશરફ ગની છે. દુનિયાએ તેને પ્રશ્નો પૂછવા જોઈએ. બાઈડને કહ્યું કે અફઘાનિસ્તાનમાં અમેરિકી સેનાએ ઘણું જોખમ લીધું છે. હું હવે મારા સૈનિકોના જીવને જોખમમાં નહીં મૂકી શકું. અફઘાન સેનાને અત્યાધુનિક હથિયારો અને તાલીમ આપી, પરંતુ તેમણે કંઈ પણ ન કર્યું.
  • અફઘાનિસ્તાનની સ્થિતિ પર અમેરિકા પોતાની નજર બનાવી રાખી છે અને બગડતી પરિસ્થિતિને નિયંત્રણમાં લેવા માટે સખત પગલાં લીધા છે. એક અહેવાલ અનુસાર અમેરિકાએ અફઘાનિસ્તાનની સેંટ્રલ બેંકની લગભગ 9.5 અબજ ડોલર એટલે કે 706 અબજ રૂપિયાથી વધુ સંપત્તિ સ્થિર કરી દીધી છે. એટલું જ નહીં દેશના પૈસા તાલિબાનના હાથમાં ન જાય તેના માટે અમેરિકાએ અફઘાનિસ્તાનને રોકડ પુરવઠો આપવાનો પણ બંધ કરી દીધો છે.
  • અમેરિકી વહીવટીતંત્રના એક અધિકારીએ આ વાતની પુષ્ટિ પણ કરી છે. અધિકારીના જણાવ્યા અનુસાર અમેરિકામાં અફઘાન સરકારની સેંટ્રલ બેંકની કોઈ પણ સંપત્તિ તાલિબાનને નહીં આપવામાં આવે. આ સંપત્તિ ટ્રેઝરી વિભાગના પ્રતિબંધિત લિસ્ટમાં બની રહેશે. જો કે, તેણે લઈને યુએસ ટ્રેઝરી ડિપાર્ટમેંટે કોમેંટ કરવાથી ઈંકાર કરી દીધો છે અને આ બાબતમાં કોઈ પણ પ્રકારનું નિવેદન નથી આપ્યું.
  • બેંકના વડાએ પણ કર્યું હતું ટ્વિટ: અફઘાન સેંટ્રલ બેંકના વડા અજમલ અહમદી અમેરિકાના આ પગલાથી જાણકારી પહેલા જ થઈ ગઈ હતી અને સોમવારે જ તેણે આ વાતની આશંકા વ્યક્ત કરી હતી. સોમવારે ટ્વિટ કરતી વખતે તેણે કહ્યું હતું કે અમેરિકા તરફથી ડોલરનું શિપમેંટ બંધ થવાનું છે. કારણ કે અમેરિકા કોઈ પણ સંજોગોમાં એ નથી ઈચ્છતું કે આ ફંડ તાલિબાનના હાથમાં લાગે. અમેરિકા તરફથી લેવામાં આવેલા આ પગલાથી તાલિબાન હવે ભંડોળનો ઉપયોગ નહીં કરી શકે.
  • આ દરમિયાન અમેરિકાના રાષ્ટ્રપતિ જો બાઈડને અફઘાનિસ્તાનથી પોતાના દેશની સેનાને બોલાવવાના નિર્ણયને યોગ્ય ઠેરવી દીધો છે. બાઈડને કહ્યું કે જો અફઘાન સૈનિકો નથી લડતા તો હું કેટલી પેઢીઓ સુધી અમેરિકન દીકરા-દીકરીઓને અહીં મોકલતો રહીશ. મારો જવાબ સ્પષ્ટ છે. હું એ ભૂલો પુનરાવર્તન નહીં કરું જે અમે પહેલા કરી ચૂક્યા છીએ. તેમણે કહ્યું કે અમેરિકન સૈનિકો કોઈ એવા યુદ્ધમાં નથી મરી શકતા જેમાં અફઘાન દળ પોતાના માટે લડવા જ નથી ઈચ્છતા.
  • જો બાઈડને અફઘાન નેતૃત્વને સંઘર્ષ કર્યા વગર તાલિબાનને સત્તા સોંપવા માટે જવાબદાર ઠેરાવ્યું. સાથે જ તાલિબાનને ચેતવણી પણ આપી હતી કે જો તેણે અમેરિકન કર્મચારીઓ પર હુમલો કર્યો અથવા દેશમાં તેની કામગીરીમાં અવરોધો ઊભા કર્યા તો અમેરિકા ચૂપ નહીં રહે.
  • ટ્વિટર પર એક વીડિયો સંદેશમાં તેમણે કહ્યું કે હું અમેરિકાનો ચોથો એવો રાષ્ટ્રપતિ છું જેણે અફઘાનિસ્તાનમાં યુદ્ધની સ્થિતિ જોઈ છે. આવા બે ડેમોક્રેટ અને બે રિપબ્લિકન રાષ્ટ્રપતિ રહ્યા છે. હું આ જવાબદારી પાંચમા રાષ્ટ્રપતિ માટે નહીં છોડું. હું આ દાવો કરી અમેરિકન લોકોને છેતરીશ નહીં કે અફઘાનિસ્તાનમાં થોડો સમય વધારે પસાર કરીને અમે પરિવર્તન લાવીશું.

Post a Comment

0 Comments