ખૂબ જ નાની ઉંમરમાં પોતાના લુકને કારણે હેડલાઈન્સ બનાવનારી ફ્રેન્ચ મોડલ થાઈલેન બ્લોન્ડેઉ ફરી એકવાર હેડલાઈન્સમાં છે. તે તાજેતરમાં જ તેના બોયફ્રેન્ડ સાથે રિલેક્સ કરતી જોવા મળી હતી. થાઈલેને સૌથી પહેલા હેડલાઈન્સ 6 વર્ષની ઉંમરમાં બનાવી હતી જ્યારે તે મીડિયામાં વિશ્વની સૌથી સુંદર છોકરી તરીકે જાણીતી થઈ હતી.
2007 માં થાઈલેનને ટીસી કેંડલરના 100 સૌથી સુંદર ચહેરાઓના લિસ્ટમાં શામેલ કરવામાં આવી હતી. જણાવી દઈએ કે આ લિસ્ટમાં પ્રિયંકા ચોપરા અને ઘણા હોલીવુડ સ્ટાર્સ પણ એંટ્રી લઈ ચૂક્યા છે. નોંધપાત્ર વાત એ છે કે જ્યારે થાઈલેનને આ લિસ્ટમાં શામેલ કરવામાં આવી હતી, તેના બે વર્ષ પહેલા જ તે તેની મોડેલિંગ કારકિર્દીની શરૂઆત કરી ચૂકી હતી.
થાઈલેને માત્ર 4 વર્ષની ઉંમરમાં મોડેલિંગ કરવાનું શરૂ કરી દીધું હતું અને તે ખૂબ જ નાની ઉંમરથી જ રેંપ વોક કરવા લાગી હતી. જો કે તેની માતા પણ ફેશન ડિઝાઈનર હતી, આવી સ્થિતિમાં થાઈલેનને ફેશન ઈંડસ્ટ્રીનો સંપર્ક હતો. તેની 6 વર્ષની ઉંમરમાં એક તસવીર વાયરલ થઈ હતી, જ્યાર પછી તેને વિશ્વની સૌથી સુંદર છોકરીનો એવોર્ડ આપવામાં આવ્યો હતો.
ત્યાર પછી 10 વર્ષની ઉંમરમાં તે ઘણા વિવાદોમાં આવી ગઈ હતી. ખરેખર તે વોગના એક ફોટોશૂટ દરમિયાન ગોલ્ડ ડ્રેસ, હાઈ હીલ્સ અને મેકઅપમાં જોવા મળી હતી. ત્યાર પછી આ ફોટોશૂટના ટીકાકારોએ કહ્યું હતું કે આ ફોટોશૂટની મદદથી 10 વર્ષની થાઈલેનને સેકશુએલાઈઝ કરવાનો પ્રયત્ન કરવામાં આવ્યો છે.
આ આરોપો પર થાઈલેનની માતાએ જવાબ આપતા કહ્યું હતું કે હું સમજી શકું છું કે કેટલાક લોકો માટે આ આઘાતજનક છે. હું ખુદ આ ફોટોશૂટ દરમિયાન આઘાતમાં હતી. પરંતુ સત્ય તો એ છે કે હું આ વાતને લઈને વધારે હેરાન હતી કે આ ફોટોશૂટમાં જે નેકલેસ પહેર્યો હતો, તેની કિંમત 3 મિલિયન પાઉંડ્સ હતી.
ચાઈલ્ડ મોડેલિંગમાં સફળ કારકિર્દી પછી તે ફેશન ઈંડસ્ટ્રીમાં પોતાનું સ્થાન મેળવવામાં સફળ રહી છે. વર્ષ 2017 માં તેણે મિલાન ફેશન વીકમાં એક યુવાન મોડેલ તરીકે શરૂઆત કરી હતી. ત્યાર પછી તેને લોરિયલનો બ્રાંડ એંબેસેડર બનાવવામાં આવી હતી. તેણે હવે પોતાની કપડાની બ્રાંડ પણ શરૂ કરી લીધી છે.
નોંધપાત્ર વાત એ છે કે થાઈલેન પૂર્વ ફૂટબોલ ખેલાડી પેટ્રિક બ્લોન્ડેએયુ અને ફ્રેન્ચ મોડેલ વેરોનિકાની પુત્રી છે. થાઈલેન હવે 20 વર્ષની થઈ ચૂકી છે અને ઘણી ટોપની બ્રાંડનો ચહેરો છે. તેના ઈંસ્ટાગ્રામ પર 40 લાખથી વધુ ફોલોઅર્સ છે અને તે તેના કપડાની બ્રાંડને સોશિયલ મીડિયા પર પણ પ્રમોટ કરે છે.
0 Comments