બોલિવૂડ ફિલ્મ ઇન્ડસ્ટ્રીની જાણીતી અભિનેત્રી શિલ્પા શેટ્ટીના પતિ અને બિઝનેસમેન રાજ કુંદ્રાની હાલમાં જ મુંબઈ પોલીસની ક્રાઈમ બ્રાંચે ધરપકડ કરી હતી અને હાલમાં તે પોલીસ કસ્ટડીમાં છે. રાજ કુન્દ્રાની ધરપકડ પર હવે તેની પત્ની શિલ્પા શેટ્ટીની પ્રતિક્રિયા આવી છે અને શિલ્પાએ એક પોસ્ટ દ્વારા પોતાનું દુ:ખ વ્યક્ત કર્યું છે.
શિલ્પા શેટ્ટીએ આ સમગ્ર મામલે અત્યાર સુધી મૌન ધારણ કર્યું હતું. પરંતુ આજે તેણે એક પોસ્ટ દ્વારા પોતાનું દર્દ જણાવ્યું છે. શિલ્પા શેટ્ટીએ તેના ઇન્સ્ટાગ્રામ પર જેમ્સ થર્બરના પુસ્તકના એક પેઝની તસવીર શેર કરી છે. જેમાં લખ્યું છે કે 'ક્રોધમાં પાછળ ન જુઓ અથવા ડરમાં આગળ ન જુઓ પરંતુ જાગૃતિથી જુઓ.
આપણે ગુસ્સામાં પાછળ વળીને જોઈએ છીએ. જેમણે આપણને દુખ પહોંચાડ્યું છે તેમના ઉપર નિરાશાઓ અનુભવી છે. આપણે જે દુર્ભાગ્ય સહન કર્યું છે. આપને એવી સંભાવનાનો ડર છે કે આપણે આપણી નોકરી ગુમાવી શકીએ છીએ માંદગીનો સંકટ આવી શકે છે અથવા કોઈ પ્રિય વ્યક્તિના મોતને થઇ શકે છે. આપણે જે સ્થાને હોવા જોઈએ. તે અહીં જ છે અત્યારે શું છે અથવા શું હોઈ શકે છે તે અંગે બેચેનતાથી ન વિચારો પરંતુ અત્યારે શું છે તેનાથી સંપૂર્ણ જાગૃત છો કે નહિ.
તેમાં આગળ લખ્યું છે 'હું જીવંત અને ભાગ્યશાળી છું એ જાણીને હું એક ઊડો શ્વાસ લઉ છું. મારે પહેલા પણ પડકારોનો સામનો કરવો પડ્યો છે અને ભવિષ્યમાં પણ પડકારોનો સામનો કરી શકીશ. આજે કોઈ મને જીવન જીવવા માટે કઈ પણ ભટકાવી શકશે.
શિલ્પાની આ પોસ્ટથી સ્પષ્ટ થઈ ગયું છે કે તે આ પરિસ્થિતિ સામે લડવાનો પ્રયાસ કરી રહી છે. આ દિવસોમાં તેમના જીવનમાં જે કંઇ પણ થઈ રહ્યું છે તે તેનો સામનો કરવા માટે તેઓ સંપૂર્ણ રીતે તૈયાર છે. નોંધપાત્ર વાત એ છે કે અશ્લીલ વીડિયો અપલોડ કરવા અને બનાવવાના મામલે રાજ કુંદ્રાને મુંબઈ પોલીસે 19 જુલાઈએ ધરપકડ કરી હતી. ત્યારબાદથી શિલ્પા શેટ્ટીનું નામ પણ ઘણા સમાચારોમાં આવી રહ્યું છે.
શિલ્પા શેટ્ટી તેના પતિની ધરપકડથી એટલી તૂટી ગઈ છે કે તેણે સુપર ડાન્સર પ્રકરણ 4 ના શૂટિંગ માટે આવવાની ના પાડી દીધી હતી. જે બાદ આ શોના નિર્માતાઓએ તેની જગ્યાએ કરિશ્મા કપૂરને રાખી હતી.
આજે રિલીઝ થવાની છે ફિલ્મ
આજે શિલ્પા શેટ્ટીની ફિલ્મ હંગામા 2 રિલીઝ થવા જઈ રહી છે. આ ફિલ્મ 23 જુલાઈએ ડિઝની પ્લસ હોટસ્ટાર વીઆઈપી પર રિલીઝ થશે. આ ફિલ્મ દ્વારા શિલ્પા શેટ્ટી 14 વર્ષ પછી ફિલ્મોમાં પરત ફરી રહી છે. શિલ્પા પણ ફિલ્મના પ્રમોશનમાં ઘણી વ્યસ્ત હતી. જોકે રાજ કુંદ્રાની ધરપકડ બાદ શિલ્પાએ ફિલ્મના પ્રમોશનથી પોતાને દૂર કરી લીધી હતી.
આ ફિલ્મમાં શિલ્પા શેટ્ટી ઉપરાંત પરેશ રાવલ, રાજપાલ યાદવ, આશુતોષ રાણા, જોની લિવર પણ સહાયક ભૂમિકામાં છે. આ ફિલ્મ હંગામા ફ્રેન્ચાઇઝીની છે અને પ્રિયદર્શનની 1994 માં આવેલી મલયાલમ ફિલ્મની રિમેક છે.
0 Comments