આમિર ખાન અને કિરણ રાવ એક પરફેક્ટ કપલ હતા. ચાહકોએ હંમેશાં બંનેની જોડીની પ્રશંસા કરી હતી પરંતુ કોણ જાણતું હતું કે અચાનક એક દિવસ આ જોડી અલગ થઈ જશે. પરંતુ બન્યું તે જ જેની કોઈની અપેક્ષા ન હતી. આ દરમિયાન હવે સોશિયલ મીડિયા પર ખૂબ ટ્રેન્ડ થઈ રહ્યું છે કે ક્યાંકને કયાંક આમિર અને કિરણ રાવ વચ્ચેની જુદાઈમાં ફાતિમાની મહત્વપૂર્ણ ભૂમિકા છે.
સોશિયલ મીડિયા યુઝર્સ ફાતિમા સના શેખ અને આમિર ખાન વિશે વિવિધ પ્રકારની પોસ્ટ્સ પોસ્ટ કરી રહ્યા છે. કેટલાક વપરાશકર્તાઓ તો એમ પણ કહી રહ્યા છે કે સના શેખ અને આમિર ખાન આવતા સમયમાં લગ્ન કરી શકે છે. તો ચાલો જાણીએ કોણ છે ફાતિમા સના શેઠ. જે આમિર ખાન અને કિરણ રાવના અચાનક અલગ થયા પછી ચર્ચામાં આવી છે.
જણાવી દઈએ કે આમિર ખાને શનિવારે કિરણ રાવથી છૂટાછેડા લઈ બધાને આશ્ચર્યચકિત કર્યા હતા. બંનેએ લગ્નના 15 વર્ષ પછી અલગ થવાનું નક્કી કર્યું હતું. આમિર અને કિરણે નિવેદન જારી કરીને તેમના અલગ થવાની જાણકારી આપી હતી.
ત્યારબાદ ચાહકોએ ફાતિમા સના શેખને ટ્રોલ કરવાનું પણ શરૂ કરી દીધું હતું. બીજી બાજુ જો આપણે ફાતિમા સના શેખના જન્મસ્થળની વાત કરીએ તો તેણીનો જન્મ હૈદરાબાદ (તેલંગાણા) માં થયો હતો અને તે મુંબઈમાં મોટી થઇ હતી. ફાતિમાના પિતા વિપિન શર્મા જમ્મુના બ્રાહ્મણ પરિવાર સાથે સંબંધ ધરાવે છે જ્યારે તેની માતા તબસ્સુમ શ્રીનગરના મુસ્લિમ પરિવારમાંથી છે. તેમના ઘરે ઇસ્લામ ધર્મનું પાલન થાય છે. આ કારણોસર અભિનેત્રીનું નામ ફાતિમા સના શેખ રાખવામાં આવ્યું હતું.
ફાતિમાએ બાળ કલાકાર તરીકેની કારકિર્દીની શરૂઆત કરી હતી. તે ચાચી 420, વન ટૂ કા કા ફોર અને બડે દિલવાલા ફિલ્મોમાં બાળ કલાકાર તરીકે જોવા મળી હતી. આ સિવાય ફાતિમા સના શેખને આમિર ખાનની ફિલ્મ 'દંગલ' થી ઓળખ મળી. આ ફિલ્મ પછી તે 'દંગલ ગર્લ' તરીકે ઓળખવામાં આવે છે.
દંગલ ફિલ્મથી બોલિવૂડમાં અભિનેત્રી તરીકે કર્યો પ્રવેશ
દંગલ ફિલ્મમાં આમિર ખાને હરિયાણાના રેસલર 'મહાવીર સિંહ ફોગાટ'નું પાત્ર ભજવ્યું હતું. ફાતિમા સના શેખ અને સાન્યા મલ્હોત્રા આ ફિલ્મમાં આમિર ખાનની બે પુત્રી હતી. આપને જણાવી દઈએ કે આ ફિલ્મ માટે 21 હજાર છોકરીઓનું ઓડિશન લેવામાં આવ્યું હતું. જે બાદ બંને અભિનેત્રીઓની પસંદગી કરવામાં આવી હતી. દંગલ પછી ફાતિમા આમિર ખાન સાથે ફિલ્મ 'ઠગ્સ ઓફ હિંદોસ્તાન' માં જોવા મળી હતી. તે સમયે આમીર અને ફાતિમા વચ્ચેના અફેરના સમાચાર પણ ગપસપના કોરિડોરમાં ઉભા થયા હતા.
ટીવીમાં પણ હાથ અજમાવ્યો છે દંગલ ગર્લે…
જાણીતું છે કે ફિલ્મોમાં આવતા પહેલા ફાતિમા ટીવીમાં પણ કામ કરી ચૂકી છે. તેણે બેસ્ટ ઓફ લક નીક્કી, લેડિઝ સ્પેશિયલ અને અગલે જનમ મોહે બિતિયા હી કીજો માં કામ કર્યું છે. આ સિવાય ફાતિમાએ દક્ષિણ ભારતીય ફિલ્મ ઉદ્યોગમાં પણ કામ કર્યું છે. જોકે તેમાંથી કારકિર્દીની બાબતમાં ફાતિમાને ખાસ સફળતા મળી શકી નથી.
ફાતિમા સના શેખ ફોટોગ્રાફર પણ રહી ચૂકી છે.
અભિનેત્રી હોવા ઉપરાંત ફાતિમા એક સારી ડાન્સર પણ છે. તે જ સમયે તે ફોટોગ્રાફર પણ છે. તેણે સ્ટુડિયોમાં ફોટોગ્રાફર તરીકે કામ કર્યું હતું. તેણે ફોટોગ્રાફર તરીકે વિજ્ઞાપનો માં પણ કામ કર્યું છે. ફાતિમાના ઇન્સ્ટાગ્રામ એકાઉન્ટ પર નજર કરીએ તો આવી ઘણી તસવીરો છે જે તેની પ્રતિભાને ઉજાગર કરે છે.
હવે આમિર ખાન સાથે જોડવામાં આવી રહ્યું છે નામ…
આમિર ખાન અને કિરણ રાવે 15 વર્ષ સાથે રહીને છૂટાછેડા લેવાનો નિર્ણય લીધો છે. આમિર ખાનના છૂટાછેડા પછી તેનું નામ 'દંગલ ગર્લ' ફાતિમા સના શેખ સાથે જોડવામાં આવી રહ્યું છે. ફાતિમા સના શેખની નામ આ પહેલા પણ આમિર ખાન સાથે જોડવામાં આવ્યુ અહેવાલોની વાત માની લેવામાં આવે તો દંગલ ફિલ્મના શૂટિંગના સમયથી જ બંને વચ્ચે કંઈક ચાલતું હતું. જો કે હવે આમિર ખાનની નિવૃત્તિના સમાચાર આવવા લાગ્યા છે લોકો માને છે કે તેની પાછળ ફાતિમાનો હાથ છે.
તે જ સમયે જ્યારે આમિર ખાન અને ફાતિમા સના શેખના અફેરના સમાચાર ઉડતા હતા. તે દરમિયાન ફાતિમા સનાએ એક ઇન્ટરવ્યુ દરમિયાન કહ્યું હતું કે “પહેલા મને આ બાબતોથી ઘણો ફરક પાડતો હતો. પણ હવે મને ખરાબ નથી લાગતું. ઘણા અજાણ્યા લોકો જેમની મને ક્યારેય મુલાકાત નથી થઈ તે મારા વિશે કંઇ લખે છે. તેઓ વિચારતા પણ નથી કે તે સાચું છે કે નહીં. આ સમાચાર વાંચનારા લોકો માને છે કે હું સારી વ્યક્તિ નથી. પરંતુ હવે મેં આ બાબતોને અવગણવાનું શીખી લીધું છે. "
0 Comments