ભારતીય ક્રિકેટ ટીમના કેપ્ટન વિરાટ કોહલીને લઈને આખી દુનિયા ક્રેઝી છે. માત્ર ભારત જ નહીં વિદેશમાં પણ એવા કરોડો લોકો છે જે વિરાટ કોહલીને પસંદ કરે છે. વિરાટ કોહલી તેની શ્રેષ્ઠ રમત અને તેજસ્વી કેપ્ટનશિપના કારણે ક્રિકેટની દુનિયા પર રાજ કરી રહ્યો છે. તેનો જલવો કંઈક એવો છે કે આજના સમયનો કોઈ પણ ક્રિકેટર ઘણી મોટી બાબતોમાં વિરાટની આજુબાજુ પણ જોવા મળતા નથી.
ભારતીય કેપ્ટનને ચાહકોની લોકોની યાદીમાં એક નામ પાકિસ્તાની ક્રિકેટરની પત્નીનું પણ છે. નોંધપાત્ર વાત એ છે કે વિરાટને આપણા પાડોશી દેશ પાકિસ્તાનમાં પણ ખૂબ પસંદ કરવામાં આવે છે. વિશ્વના ઘણા દેશોની સાથે વિરાટની લોકપ્રિયતા પાકિસ્તાનમાં પણ આશ્ચર્યજનક છે અને પાકિસ્તાનની ક્રિકેટ ટીમના ફાસ્ટ બોલર હસન અલીની પત્ની પણ વિરાટ માટે દિવાની છે.
હસન અલીની પત્ની દેખાવમાં બોલિવૂડની કોઈ પણ સુંદર અભિનેત્રીથી ઓછી નથી. આપને જણાવી દઈએ કે હસન અલીની પત્નીનું નામ શામિયા આરઝૂ છે અને શામિયા આરઝૂ ભારતની દીકરી છે. શામીયાએ ઓગસ્ટ 2019 માં હસન અલી સાથે લગ્ન કર્યા હતા. શામિયા હરિયાણાના નુહ જિલ્લાની છે.
ઘણીવાર હસન અલીની બેગમ એટલે કે શામીયા આરઝૂ સોશિયલ મીડિયા પર ચર્ચામાં રહે છે. તેનું ચર્ચામાં રહેવાનું કારણ તેની સુંદરતા છે. હસન અલીની પત્ની વિરાટ કોહલીને ખૂબ પસંદ કરે છે. શામિયા ભારતીય ક્રિકેટ ટીમના કેપ્ટનની મોટી ચાહક હોવાનું કહેવાય છે. આપને જણાવી દઈએ કે શમિઆના પતિ હસન ચેમ્પિયન્સ ટ્રોફી, એશિયા કપ અને વર્લ્ડ કપ જેવી મોટી ટૂર્નામેન્ટોમાં ભારત સામે બોલિંગ કરી ચુક્યા છે.
જણાવી દઈએ કે હસન અલી જ નહીં આ સિવાય ઘણા અન્ય ક્રિકેટરોએ ભારતની યુવતી સાથે લગ્ન કર્યા છે અને તેઓને ભારતના જમાઈ કહેવામાં આવે છે. પાકિસ્તાનના પ્રખ્યાત બેટ્સમેન શોએબ મલિકે વર્ષ 2010 માં ભારતીય ટેનિસ ખેલાડી સાનિયા મિર્ઝા સાથે લગ્ન કર્યા હતા. ત્યરે જ આપડા સમયના સર્વશ્રેષ્ઠ ક્રિકેટર મોહસીન ખાને બોલીવુડની અભિનેત્રી રીના રોય સાથે લગ્ન કાર્ય હતા પરંતુ બાદમાં બંનેએ છૂટાછેડા લઈ સંબંધ પૂર્ણ કર્યો હતો.
હસન અલીની ક્રિકેટ કારકીર્દિ
27 વર્ષીય હસન અલી પાકિસ્તાનનો તેજસ્વી બોલર છે. તેની ક્રિકેટ કારકીર્દિ અત્યાર સુધી ઘણી સારી રહી છે. હસન અલી અત્યાર સુધી પાકિસ્તાન માટે 103 આંતરરાષ્ટ્રીય મેચ રમ્યો છે અને તેણે કુલ 188 વિકેટ લીધી છે. તેણે 13 ટેસ્ટ મેચોમાં 57 વિકેટ ઝડપી છે. તે જ સમયે 54 વનડેમાં તેણે 83 બેટ્સમેનનો શિકાર કર્યો છે. જ્યારે 36 ટી -20 મેચોમાં હસન અલીએ 48 બેટ્સમેનને આઉટ કર્યા છે.
બીજી તરફ વિરાટ કોહલીની ક્રિકેટ કારકીર્દિની વાત કરીએ તો તેની ક્રિકેટ કારકીર્દિ રેકોર્ડ્સથી ભરેલી છે. તેણે ક્રિકેટ મેદાન પર એક કરતા વધારે રેકોર્ડ પોતાના નામે કર્યા છે. તે ત્રણેય ફોર્મેટમાં ભારતનો કેપ્ટન છે અને ત્રણેય ફોર્મેટમાં 22 હજારથી વધુ રન બનાવ્યો છે. તેણે ભારત માટે અત્યાર સુધીમાં 436 થી વધુ મેચ રમી છે. તેના નામે કુલ 70 સદી છે જે સચિન તેંડુલકર પછી દુનિયામાં સૌથી વધુ છે.
0 Comments