આ છે બોલિવૂડના 5 સુપરસ્ટાર, જેઓ બની ગયા છે એક સફળ બિઝનેસમેન, ફિલ્મો સિવાય પણ કમાય છે કરોડો

• બોલીવુડ બિઝનેસમેન: બોલિવૂડ સ્ટાર્સ તેમની ફિલ્મોથી કરોડોની કમાણી કરે છે પરંતુ એવા કેટલાક સ્ટાર્સ છે જે ફિલ્મોમાં સફળ થવાની સાથે સાથે બિઝનેસમાં પોતાનો હાથ અજમાવતા હોય અને ત્યાં પણ સફળ થયા હોય. અમે તમને બોલિવૂડના આવા પાંચ ટોપ સ્ટાર્સ વિશે જણાવવા જઈ રહ્યા છીએ.

• શાહરૂખ ખાન
• બોલિવૂડનો બાદશાહ શાહરૂખ ખાન જેટલા મોટા સુપરસ્ટાર છે તેની બિઝનેસ સ્કિલ પણ એટલી જ મહાન છે. તે આઈપીએલ ટીમ કોલકાતા નાઈટ રાઇડર્સનો સહ-માલિક છે તેને આ ટીમ અભિનેત્રી જૂહી ચાવલા સાથે મળીને ખરીદી છે. શાહરૂખ ખાન 500 કરોડના ટર્નઓવર સાથે રેડ ચિલીઝ એન્ટરટેનમેન્ટનો પણ સહ-માલિક છે.

• સલમાન ખાન
• આપણા ચુલબુલ પાંડે એટલે કે સલમાન ખાન પણ બિઝનેસ કરવાના મામલે ઓછા નથી, ફિલ્મોના નિર્માણ ઉપરાંત, તે વ્યાવસાયિક સાહસમાં પણ સામેલ છે, જેમાં સ્પર્ધાત્મક રમતો, સમર્થન, બ્રાન્ડેડ કપડાંનો સમાવેશ થાય છે. તેની પોતાની બ્રાંડ બીઇંગ હ્યુમન ખૂબ જ પ્રખ્યાત છે જેમાં ઘણા શહેરોમાં ડઝનેક આઉટલેટ્સ છે. યાત્રા ડોટ કોમમાં પણ સલમાન ખાનનો 5% હિસ્સો છે.

• રિતિક રોશન
• હૅન્ડસમ હંક રિતિક રોશન તેના સુંદર દેખાવ અને ફિટનેસ પર જેટલું ધ્યાન આપે છે તેનું મન એટલું જ ઝડપથી વ્યવસાયમાં ચાલે છે. તેની પોતાની ફેશન બ્રાન્ડ એચઆરએક્સમાં મોટાભાગનો હિસ્સો ફ્લિપકાર્ટના ઓનલાઇન શોપિંગ પોર્ટલ મયંત્રાને વેચવામાં આવ્યો છે. રિતિક રોશને ફિટનેસ કપડાંની બ્રાન્ડ એચઆરએક્સની 2013 માં શરૂઆત કરી હતી. તેણે આ મયંત્રા દ્વારા ઓનલાઇન સિવાય ફિજિકલ છૂટક સ્ટોર્સ પણ ખોલ્યા. રિતિક રોશન મુંબઇમાં સેન્ટર કલ્ટ નામના જીમની માલિકી ધરાવે છે તેમજ બેંગ્લોરમાં ફિટનેસ જિમ ક્યુરિફિટમાં ઇક્વિટી હિસ્સો પણ ધરાવે છે.

• અજય દેવગણ
• બોલિવૂડના કેટલાક પ્રતિભાશાળી કલાકારોમાં અજય દેવગણનું નામ શામેલ છે. અજય દેવગન જેટલુ મગજ પોતાની ફિલ્મ પસંદ કરવાં લગાવે છે,એટલું જ ધ્યાન તેના અન્ય ધંધા પર આપે છે .અજય દેવગને ઘણા વ્યવસાયિક સાહસમાં રોકાણ કર્યું છે. તેમણે રોહા ગ્રુપ સાથે મળીને ગુજરાતના ચરણકા સોલાર પ્રોજેક્ટમાં રોકાણ કર્યું છે જે ગુજરાતમાં 2011 માં શરૂ કરવામાં આવ્યું હતું. વર્ષ 2000 માં તેણે પોતાના નામથી એક ફિલ્મ પ્રોડક્શન કંપની અજય દેવગન ફિલ્મો પણ શરૂ કરી. અજય દેવગન એક વીએફએક્સ સ્ટુડિયો પણ ધરાવે છે.

• અક્ષય કુમાર
• ફોર્બ્સની યાદીમાં સૌથી વધુ કમાણી કરનારા સ્ટાર્સની યાદીમાં સામેલ અક્ષય કુમાર પણ ખૂબ જ હોશિયાર બિઝનેસમેન છે. અક્ષય કુમારે તેના પિતાના નામે વર્ષ 2008 માં હરિ ઓમ પ્રોડક્શન્સની શરૂઆત કરી હતી આ લેબલમાં અત્યાર સુધી 15 ફિલ્મો બની છે. અક્ષય કુમારે હેલ્થકેર પ્લેટફોર્મ GOQiiમાં રોકાણ કર્યું છે. આ સિવાય તેમણે પી.યુ.બી.જી. પર પ્રતિબંધ લગાવ્યા બાદ દેશમાં FAU-G નામની બેટલ રોયલ ગેમ ભારતમાં લોન્ચ કરી હતી.