કેરળ પોલીસની મહિલા સબ-ઇન્સ્પેક્ટર એનિ શિવા આ દિવસોમાં સમાચારોમાં છે અને તેના સંઘર્ષની વાતો અન્ય લોકોને પણ પ્રેરણા આપી રહી છે. એક સમય હતો જ્યારે તેના પતિએ તેને છોડી દીધી હતી અને પરિવારે પણ તેને ઘરની બહાર ફેંકી દીધી હતી પરંતુ એને હાર ન માની અને પરિસ્થિતિથી લડી અને સબ ઈન્સ્પેક્ટર બની ગઈ.
પરિવાર વિરુદ્ધ કર્યાં હતાં લગ્ન
એની શિવા કાનજીરામકુલમની કેએનએમ સરકારી કોલેજમાંથી સ્નાતક કરી રહી હતી અને આ દરમિયાન તે તેના પરિવારની વિરુદ્ધ જઈ અને લગ્ન કરી લીધાં હતાં. જો કે તેને એક બાળકને જન્મ આપ્યા બાદ તેના પતિએ છોડી દીધી હતી. આ પછી તેણી તેના ઘરે ગઈ પરંતુ પરિવારના સભ્યોએ પણ તેને સ્વીકારી નહીં અને 6 મહિનાના પુત્ર શિવસૂર્યાની સાથે તેને ઘરની બહાર ફેંકી દીધી.
આઈસ્ક્રીમ-લિંબુ પાણી વેચીને આજીવિકા મેળવી
ઘરમાંથી કાઢી મૂક્યા પછી એનિ શિવા તેના પુત્ર સાથે તેની દાદીના ઘરની પાછળ બાંધેલી ઝૂંપડીમાં રહેવા લાગી. તેણે પોતાની જાતને અને તેમના દીકરાને ખવડાવવા માટે ઘણા નાના-મોટા કામો કાર્ય. આ દરમિયાન તેણે આઈસ્ક્રીમ અને લીંબુ પાણીનું વેચાણ પણ કર્યું હતું. તેણે ડોર ટુ ડોર ડિલિવરી કરી અને હસ્તકલા પણ વેચી પણ બધું ફ્લોપ થઈ ગયું.
મુશ્કેલ સંજોગોમાં પણ અભ્યાસ છોડ્યો નહીં
મુશ્કેલ સંજોગોમાં એનિ શિવાએ ઘણી નાની મોટી નોકરીઓ કરી પરંતુ પુત્રની જવાબદારી સંભાળવાની સાથે તેણે તેમનો અભ્યાસ પણ ચાલુ રાખ્યો. તેમણે સમાજશાસ્ત્રમાં સ્નાતક પૂર્ણ કર્યું.
મિત્રની મદદથી આપી એસઆઈ પરીક્ષા
એની શિવાએ વર્ષ 2014 માં તિરુવનંતપુરમના કોચિંગ સેન્ટરમાં પ્રવેશ લીધો હતો અને મિત્રની મદદથી સબ ઇન્સપેક્ટરની પરીક્ષા આપી હતી. એનીને 2016 માં સફળતા મળી અને તે સિવિલ પોલીસ ઓફિસર બની. ત્રણ વર્ષ પછી એટલે કે વર્ષ 2019 માં તેણે સબ ઈન્સ્પેક્ટરની પરીક્ષા પાસ કરી હતી અને હવે લગભગ દોઢ વર્ષની તાલીમ લીધા પછી તેમણે વર્કલા પોલીસ સ્ટેશનમાં પ્રોબેશનરી સબ-ઇન્સ્પેક્ટર તરીકેનો હવાલો સંભાળ્યો છે.
જે જગ્યાએ તેણીએ આંસુ વહાવીઆ, ત્યાંજ મળી પોસ્ટિંગ
એની શિવાએ કહ્યું 'મને ખબર પડી કે મારી પોસ્ટિંગ થોડા દિવસો પહેલા વર્કલા પોલીસ સ્ટેશનમાં થઈ હતી. આ તે જગ્યા છે જ્યાં મેં મારા નાના બાળક સાથે આંસુ વહેવ્યાં અને ત્યારે મને ટેકો આપવા માટે કોઈ નહોતું. એની વાર્તા પણ કેરળ પોલીસે શેર કરી છે અને ટ્વિટ કર્યું છે 'ઇચ્છાશક્તિ અને આત્મવિશ્વાસનું સાચું મોડેલ. પતિ અને પરીવાર દ્વારા ત્યજી દેવામાં આવ્યા બાદ એક 18 વર્ષીય બાળકી જેને 6 મહિનાના બાળક સાથે શેરીઓમાં છોડી દેવામાં આવી હતી તે વર્કલા પોલીસ સ્ટેશનમાં સબ ઇન્સ્પેક્ટર બની ગઈ છે.
0 Comments