પાકિસ્તાન ફરી એકવાર શરમજનક બન્યું છે. દક્ષિણ કોરિયામાં ચોરી કરતા બે પાકિસ્તાની રાજદ્વારીઓ ઝડપાયા છે. તમને જાણીને આશ્ચર્ય થશે કે બંને રાજદ્વારીઓ દુકાનમાંથી ચોકલેટ અને ટોપીઓ ચોરી રહ્યા હતા. આ દરમિયાન તે સીસીટીવી કેમેરામાં ફસાઇ ગયા હતા. સૌથી રસપ્રદ વાત એ છે કે આ ઘટનાઓ દક્ષિણ કોરિયાના યોંગ્સાનમાં જુદા જુદા દિવસોમાં બની હતી. જો કે આ પહેલીવાર નથી. આ પહેલા પણ પાકિસ્તાનને ઘણી વખત તેના લોકોના કારણે શરમનો સામનો કરવો પડ્યો છે.
'કોરિયા ટાઇમ્સ' ના અહેવાલ મુજબ દક્ષિણ કોરિયામાં પાકિસ્તાની દૂતાવાસના બે કર્મચારીઓ 1,900 વિન (કોરિયન ચલણ) અને 1000 વોનની ચોરી કરતા પકડાયા છે. પાકિસ્તાની દૂતાવાસી રાજદ્વારી પર 10 જાન્યુઆરીએ 1,900 વોનની ચોકલેટ ચોરી કરવાનો આરોપ છે જ્યારે બીજા રાજદ્વારી પર 1,100 વોનની ટોપીઓ ચોરી કરવાનો આરોપ છે.
રિપોર્ટ અનુસાર ટોપી ચોરાયા બાદ સ્ટોરના કર્મચારીએ કેસ નોંધાવ્યો હતો ત્યારબાદ કેસની તપાસ શરૂ થઈ હતી. પોલીસે સ્ટોરના સીસીટીવી ફૂટેજની તપાસ કરી તો બંને આરોપીની ઓળખ પાકિસ્તાની રાજદ્વારી તરીકે થઇ હતી. જો કે બંને રાજદ્વારીઓ સામે કોઈ કેસ નોંધાયો નથી. કારણ કે તેમની પાસે રાજદ્વારી પ્રતિરક્ષા મળી છે.
તમને જણાવી દઈએ કે વિયેના કન્વેન્શન પ્રમાણે બીજા દેશમાં સ્થપાયેલા કોઈપણ દેશના રાજદ્વારી અને તેના પરિવારની ધરપકડ કરી શકાતી નથી. એટલું જ નહીં રાજદ્વારી અને તેના પરિવારને કસ્ટડી માટે અથવા પૂછપરછ માટે પણ બોલાવી શકાતા નથી.
ભલે પહેલાથી જ નિયમો અને કાયદાઓ હોવાના કારણે પાકિસ્તાની રાજદ્વારીઓની ધરપકડ કરવામાં આવી ન હોય પરંતુ આ કેસના ઘટસ્ફોટથી આંતરરાષ્ટ્રીય સમુદાયમાં પાકિસ્તાન શરમ અનુભવે છે. એટલું જ નહીં આ મામલે પાકિસ્તાન તરફથી કોઈ નિવેદન આવ્યું નથી.
0 Comments