નવી દિલ્હી: ક્રિકેટ એક એવી રમત છે જેમાં અકસ્માતોના સમાચાર વારંવાર સાંભળવામાં આવે છે પરંતુ ઘણી વખત તે એટલો ગંભીર હોય છે કે જેમાં ખેલાડીઓએ પોતાનો જીવ ગુમાવવો પડે છે. ચાલો જોઈએ તે ક્રિકેટરો વિશે જેમણે આ રમત દરમિયાન દુનિયાને અલવિદા કહ્યું છે.
નથી રહ્યા જોશુઆ ડાઉની
આ કિસ્સો છે ઇંગ્લેન્ડનો જ્યાં 6 મે 2021 ના રોજ એક દુ:ખદ ઘટના બની હતી નેટ પ્રેક્ટિસ દરમિયાન 24 વર્ષીય ક્રિકેટર જોશુઆ ડાઉનીનું અચાનક હાર્ટ એટેકથી નિધન થયું હતું. તે ઓલિમ્પિક જિમનાસ્ટ બેકી ડાઉની અને એલી ડાઉનીનો ભાઈ છે. દિવંગત ખેલાડીની માતા હેલેને કહ્યું છે કે તે પોતાના દીકરાને ક્યારેય ભૂલી શકશે નહીં. તેણે કહ્યું કે જોશુઆ બેભાન થઈ ને પડી ગયો હતો ત્યારબાદ તે ભાનમાં આવી શક્યો નહીં એમ્બ્યુલન્સ તેને હોસ્પિટલમાં લઈ ગઈ પરંતુ તે સાજો થઈ શક્યો નહીં.
ફિલિપ હ્યુજની આવી યાદ
ઓસ્ટ્રેલિયાના બેટ્સમેન ફિલિપ હ્યુજીસનું વર્ષ 2014 માં શેફિલ્ડ શીલ્ડ ખાતેની મેચ દરમિયાન મોત નીપજ્યું હતું. તે મેચમાં શૉન એબોટે બાઉન્સર ફેંકયો જે સીધો હ્યુજના માથા પર લાગ્યો ત્યારબાદ હ્યુજ લથડાતો મેદાન પર પડી ગયો. આ અકસ્માત પછી હ્યુજ 3 દિવસ કોમામાં રહ્યો અને 27 નવેમ્બરના રોજ તેનું અવસાન થયું. તે સમયે ફિલિપ હ્યુજીસની ઉમર ફક્ત 26 વર્ષની હતી.
રમણ લાંબા સાથે પણ સર્જાયો હતો અકસ્માત
ભારતીય ક્રિકેટ ટીમનો ખેલાડી રમન લાંબા એક મેચ દરમિયાન ફિલ્ડિંગ કરી રહ્યો હતો તે સમયે બોલ તેના માથામાં લાગ્યો અને લાંબા ત્યાં જ બેહોશ થઈ ગયો હતો ત્યારબાદ તેને હોસ્પિટલમાં લઈ જવામાં આવ્યો હતો પરંતુ ત્યાં સુધીમાં તેણે વિશ્વને અલવિદા કહી દીધું હતું. મૃત્યુ સમયે તેની ઉમર ફક્ત 38 વર્ષની હતી.
રિચર્ડને મેદાનમાં આવ્યો હતો હાર્ટ એટેક
ઇંગ્લેન્ડના રિચાર્ડ બ્યુમોન્ટે 2012 માં રમતના મેદાન પર હાર્ટ એટેક આવવાને કારણે વિશ્વને અલવિદા કહ્યું હતું. તે સમયે તેની ઉમર ફક્ત 33 વર્ષ હતી.
પાકિસ્તાનના જુલ્ફિકારનો ગયો હતો જીવ
પાકિસ્તાની ક્રિકેટર ઝુલ્ફિકર ભટ્ટી ઘરેલુ મેચ દરમિયાન બેટિંગ કરી રહ્યો હતો જ્યારે બોલ તેની છાતી પર પટકાઈ ગયો અને ભટ્ટી જમીન પર પડ્યો ત્યારબાદ તેને તાત્કાલિક હોસ્પિટલમાં લઈ જવામાં આવ્યો પરંતુ ત્યાં જતા જ ડોકટરોએ તેમને મૃત જાહેર કર્યા. તે સમયે ઝુલ્ફિકરની ઉમર ફક્ત 22 વર્ષ હતી.
આ વર્ષે થયો પુણેમાં અકસ્માત
17 ફેબ્રુઆરી 2021 ના રોજ પુણેમાં મેચ રમતી વખતે બાબુ નલાવડે હાર્ટ એટેકથી અચાનક મૃત્યુ પામ્યા હતા. તેની ઉમર 47 વર્ષ હતી. તેને તાત્કાલિક નજીકના ડોક્ટર પાસે લઈ જવામાં આવ્યો હતો જ્યાં તેને મૃત જાહેર કરાયો હતો.
0 Comments