જ્યારે બોલિવૂડના આ સિંગર્સના જીવનમાં સર્જાઈ હતી ઉથલપાથલ, કોઈએ 2 તો કોઈએ કર્યા 4 લગ્ન

• બોલિવૂડના કલાકારો અને અભિનેત્રીઓ વિશે ઘણી વાતો થાય છે. જોકે બોલિવૂડ સિંગર્સ વિશેની ચર્ચા થોડી ઓછી છે. આવી સ્થિતિમાં, આજે અમે તમને હિન્દી સિનેમાના કેટલાક સફળ અને લોકપ્રિય ગાયકોના અંગત જીવન વિશે જણાવીશું. આજે આ લેખમાં અમે તમને એવા ગાયકો વિશે માહિતી આપી રહ્યા છીએ જેમણે એકથી વધુ લગ્ન કર્યા છે. તો ચાલો આવા સિંગર્સ વિશે જાણવા માટેનો પ્રવાસ શરૂ કરીએ…

• કિશોર કુમાર…
• કિશોર કુમારનું નામ ભારતીય સિનેમાના ખૂબ ચર્ચામાં રહેનાર અને સફળ ગાયકો તરીકે પણ છે. કિશોર કુમારે એક કે બે કે ત્રણ નહીં પરંતુ કુલ 4 લગ્ન કર્યા હતા. તેમણે 1951 માં રૂમા ગુહા સાથે પ્રથમ લગ્ન કર્યાં હતાં અને 1958 માં લગ્ન તૂટી પડ્યાં હતાં. આ પછી તેણે 1960 માં અભિનેત્રી મધુબાલા સાથે લગ્ન કર્યા. વર્ષ 1969 માં મધુબાલાનું અવસાન થયું. આ પછી 1976 માં અભિનેત્રી યોગિતા બાલી સાથે ત્રીજા લગ્ન કાર્ય પરંતુ 1978 માં બંને છૂટા થયા હતા. આ પછી કિશોર કુમાર ચોથી વખત વરરાજા બન્યા. કિશોર કુમારે વર્ષ 1980 માં લીના ચંદાવરકર સાથે લગ્ન કર્યા.

• કુમાર સાનુ…
• દીગ્દજ ગાયક કુમાર સાનુની આખી દુનિયા દીવાની છે. કુમાર સાનુ 90 ના દાયકાના સૌથી વધુ ચર્ચામાં રહેનાર અને સફળ ગાયક છે. કુમાર સાનુ પોતાના ગીતો અને તેના મધુર અવાજ કરતા પણ તેના અંગત જીવન વિશે ચર્ચામાં રહ્યા છે. કુમાર સાનુએ બે લગ્નો કર્યા છે. કુમારે પહેલા લગ્ન રીટા ભટ્ટાચાર્ય સાથે કર્યા હતા પરંતુ જ્યારે કુમાર સનુનું નામ અભિનેત્રી મીનાક્ષી શેષાદ્રી સાથે સંકળાયેલું હતું ત્યારે નારાજ થયા પછી રીટા કુમારથી છૂટાછેડા લઈ છૂટા પડી હતી. આ પછી કુમાર સનુએ 1994 માં સલોની સાથે લગ્ન કર્યા.

• હિમેશ રેશમિયા…
• તેની કારકિર્દીની શરૂઆતમાં હિન્દી સિનેમાના જાણીતા ગાયક અને સંગીતકાર હિમેશ રેશમિયાએ તેના ગીતોથી ખૂબ ધૂમ મચાવી હતી. તેમના અંગત જીવનની પણ ચર્ચા થઈ હતી. હિમેશે 1995 માં કોમલ રેશમિયા સાથે પ્રથમ લગ્ન કર્યા હતા. વર્ષ 2017 માં હિમેશે ગર્લફ્રેન્ડ સોનિયા કપૂર માટે 22 વર્ષ જુના લગ્ન તોડ્યા હતા. વર્ષ 2018 માં હિમેશ અને સોનિયાએ સાત ફેરા લીધા હતા.

• અરિજિત સિહ…
• અરિજિત સિંહ આજનો સૌથી મોટો ગાયક છે. અરિજિત સિંહે ખૂબ ઓછા સમયમાં બોલીવુડમાં એક મોટી ઓળખ બનાવી લીધી છે. અરિજિત સિંહે બે લગ્ન પણ કર્યા છે. અરિજિતના પહેલા લગ્ન 2013 માં રૂપરેખા બેનર્જી સાથે થયા હતા. આ સંબંધ વર્ષ 2013 માં જ તૂટી ગયો હતો. આ પછી અરિજિતે 2014માં કોયલ રોય સાથે લગ્ન કર્યા. કોયલ અરિજિતનો બાળપણનો મિત્ર છે.

• ઉદિત નારાયણ…
• હિન્દી સિનેમાના હિન્દી ગાયકોમાં ઉદિત નારાયણનું નામ આગવીરૂપે છે. ઉદિત નારાયણે બોલીવુડમાં એકથી વધુ ગીત આપ્યા છે. ઉદિત નારાયણે બે લગ્ન પણ કર્યા છે. તેમના પહેલા લગ્ન 1984 માં રંજના નારાયણ ઝા સાથે થય હતા જ્યારે વર્ષ 1985 માં તેણે દીપા નારાયણ સાથે લગ્ન કર્યા.

• સુનિધિ ચૌહાણ…
• સુનિધિ ચૌહાણે પણ પોતાની પર્સનલ લાઇફને કારણે ઘણી હેડલાઇન્સ બનાવી છે. સુનિધિ ફક્ત 18 વર્ષની વયે જ દુલ્હન બની હતી. તેણે બોબી ખાન સાથે વર્ષ 2002 માં લગ્ન કર્યા હતા જો કે બંને વચ્ચેનો સંબંધ લાંબા સમય સુધી ટકી શક્યો નહિ. વર્ષ 2003 માં બંનેના છૂટાછેડા થયા. સુનિધિએ છ વર્ષ પછી છૂટાછેડા લીધા પછી બીજી વાર હિતેશ સોનિક સાથે લગ્ન કર્યા.

• અદનાન સામી…
• સિંગર અદનાન સામીના લગ્ન ચાર વખત થયા છે. તેના પ્રથમ લગ્ન અભિનેત્રી જેબા બખ્તિયાર સાથે થયા હતા. બંને જલ્દીથી અલગ થઈ ગયા. પછી બીજા લગ્ન સબાહ ગલદારી સાથે થયા જોકે આ સંબંધ પણ ટકી શક્યો નહીં. પરંતુ ફરી એકવાર અદનાને ત્રીજા લગ્ન સબાહ સાથે કર્યા. પરંતુ હજી પણ મામલો બન્યો નહીં અને બંને અલગ થઈ ગયા. આ પછી ચોથી વખત અદનાને જર્મનીની રોઇયા ફરિયાબી સાથે લગ્નસંબંધ બાંધ્યો.

• લકી અલી…
• લકી અલીના કુલ ત્રણ લગ્ન થયાં. પ્રથમ લગ્ન મેઘન જેન મેક્ક્લેરી સાથે થયા. પરંતુ બંનેના છૂટાછેડા થયા હતા. ઈનાયા સાથે લકીના બીજા લગ્ન. પરંતુ આ સંબંધ પણ ટકયો નહિ. આ પછી વર્ષ 2010 માં તેણે કેટ એલિઝાબેથ સાથે લગ્ન કર્યા. જો કે 2017 માં આ સંબંધ પણ સમાપ્ત થયો.