હિન્દી સિનેમાના દિગ્ગજ અભિનેતા અમિતાભ બચ્ચને તેની 50 વર્ષથી લાંબી કારકિર્દીમાં એક કરતા વધારે સફળ ફિલ્મો આપી છે. સદીના મહાન નાયક અમિતાભ બચ્ચનને બધાએ પ્રેમ કર્યો છે. આજે પણ ચાહકોને તેની ફિલ્મો ખૂબ ગમે છે. ઘણી હિટ ફિલ્મો આપવા ઉપરાંત અમિતાભ બચ્ચનની કારકિર્દીમાં ઘણી ફ્લોપ ફિલ્મો પણ ઉમેરઇ છે. આવી જ એક ફિલ્મ છે 'સૂર્યવંશમ્'. જોકે ફ્લોપ હોવા છતાં આ ફિલ્મ વિશે ઘણી ચર્ચાઓ ચાલી રહી છે.
તમને જણાવી દઇએ કે ભલે ફ્લોપ ફિલ્મોમાં સૂર્યવંશમનું નામ લેવામાં આવે છે જોકે, અમિતાભ બચ્ચનની આ એક એવી ફિલ્મ છે જેને સૌથી વધુ પસંદ કરવામાં આવી છે. આ ફિલ્મ વિશે ઘણી ચર્ચા છે. આ ફિલ્મ 21 મે 1999 ના રોજ રીલિઝ થઈ હતી. ઇવીવી સત્યનારાયણ દ્વારા દિગ્દર્શિત આ ફિલ્મ બોક્સ ઓફિસ પર કંઇક ખાસ કમાલ કરી શકી નહોતી પરંતુ જ્યારે તે ટીવી પર બતાવવામાં આવી ત્યારે તે ખૂબ વખાણાઇ. આ ફિલ્મનું ટીવી પર એકતરફી રાજ ચાલે છે.
રેખા સાથે આ ફિલ્મનો ખાસ સંબંધ છે…
હિન્દી ફિલ્મની સદાબહાર અને સુંદર અભિનેત્રી રેખાનો પણ આ ફિલ્મ સાથે ખાસ સંબંધ છે. ખરેખર રેખાએ અભિનેત્રીઓને અવાજ આપ્યો હતો જેણે ફિલ્મમાં અમિતાભ બચ્ચનની માતા અને પત્નીની ભૂમિકા ભજવી હતી. તમને જણાવી દઈએ કે આ ફિલ્મમાં અમિતાભ બચ્ચન ડબલ રોલમાં જોવા મળ્યા હતા. તેણે પિતા અને પુત્ર બંનેની ભૂમિકા ભજવી હતી. તેની માતા અભિનેત્રી જયા સુધા અને પત્ની દક્ષિણ અભિનેત્રી સૌંદર્યા હતી. રેખાએ બંનેને પોતાનો અવાજ આપ્યો. હવે પછીની વખતે તમે આ ફિલ્મ ટીવી પર જોશો તો તેની જરૂર નોંધ લેજો.
ટીવી પર સુપરહિટ છે ફિલ્મ…
નોંધપાત્ર વાત એ છે કે આ ફિલ્મ અત્યાર સુધી ટીવી પર ઘણી વખત બતાવવામાં આવી છે. આ ફિલ્મ લગભગ દરેક લોકોએ જોઈ છે અને ટીવી પર દરેકને આ ફિલ્મ ખૂબ પસંદ આવી છે. તમને જણાવી દઇએ કે સોની મેક્સ ચેનલે 100 વર્ષ માટે આ ફિલ્મના રાઇટ્સ ખરીદ્યા છે. આવી સ્થિતિમાં સૂર્યવંશમ ઘણીવાર ટીવી પર આવે છે.
સૂર્યવંશમમાં અમિતાભ બચ્ચન, સૌંદર્યા અને જયા સુધા ઉપરાંત કદાર ખાન, અનુપમ ખેર અને રચના બેનર્જી જેવા સ્ટાર્સ પણ મહત્વની ભૂમિકામાં હતા. કાદર ખાને મેજર રણજિત સિંહણો કિરદાર ભજવ્યો હતો અનુપમ ખેરે ધર્મેન્દ્રની ભૂમિકા ભજવી હતી અને રચના બેનર્જીએ ગૌરી ભજવી હતી. ફિલ્મમાં દરેકના કામને પસંદ કરવામાં આવ્યું હતું.
વર્કફ્રન્ટની વાત કરીએ તો અમિતાભ બચ્ચન તેની આગામી ફિલ્મ્સ બ્રહ્માસ્ત્ર અને ચહેરેના કારણે હેડલાઇન્સમાં છે. ઇમરાન હાશ્મી, રિયા ચક્રવર્તી અને અનુ કપૂર જેવા સ્ટાર્સ અમિતાભ સાથે ચહેરામાં જોવા મળશે. તે જ સમયે અભિનેતા રણબીર કપૂર અને આલિયા ભટ્ટ બ્રહ્માસ્ત્રમાં તેમની સાથે જોવા મળશે. જ્યારે બિગ બીએ ફિલ્મ 'ગુડબાય' માટે શૂટિંગ શરૂ કરી દીધું છે. જોકે કોરોના રોગચાળાને કારણે આ ફિલ્મનું શૂટિંગ બંધ કરાયું છે. અમિતાભ સાથેની આ ફિલ્મમાં સાઉથ સ્ટાર રશ્મિકા મંડાના મહત્વની ભૂમિકામાં છે.
0 Comments